മാസപ്പടി കേസിലെ അന്വേഷണം റദ്ദാക്കണം; സിഎംആര്എല് ഹര്ജി നല്കി
Tuesday, April 16, 2024 6:27 PM IST
തിരുവനന്തപുരം: മുഖ്യമന്ത്രിയുടെ മകൾ വീണ വിജയൻ ഉൾപ്പെട്ട മാസപ്പടി കേസിലെ അന്വേഷണം റദ്ദാക്കണമെന്ന് ആവശ്യപ്പെട്ട് സിഎംആര്എല് ഡൽഹി ഹൈക്കോടതിയിൽ ഹര്ജി നല്കി.
സിഎംആര്എല് കമ്പനിക്കെതിരായ എസ്എഫ്ഐഒ, ഇഡി അന്വേഷണങ്ങള് റദ്ദാക്കണമെന്നാണ് ഹര്ജിയിലെ ആവശ്യം. ഹർജി അടിയന്തരമായി പരിഗണിക്കണമെന്നാണ് സിഎംആര്എല്ലിന്റെ ആവശ്യം.
ആദായനികുതി വകുപ്പ് പിടിച്ചെടുത്ത രേഖകളോ, മൊഴിയുടെ വിവരങ്ങളോ മറ്റ് അന്വേഷണ ഏജൻസികൾക്ക് കൈമാറരുതെന്നും ഹര്ജിയില് ആവശ്യപ്പെട്ടിട്ടുണ്ട്.
മാസപ്പടി ഇടപാട് ആദായ നികുതി ഇൻട്രിം സെറ്റിൽമെന്റ് ബോർഡ് തീർപ്പാക്കിയതാണെന്നും ഇനി മറ്റ് അന്വേഷണത്തിന്റെ ആവശ്യമില്ലെന്നുമാണ് സിഎംആർഎൽ ഹര്ജിയില് വ്യക്തമാക്കിയിരിക്കുന്നത്.