ഷഹബാസ് ഷെരീഫ് രണ്ടാം തവണയും പാക് പ്രധാനമന്ത്രി
Sunday, March 3, 2024 3:53 PM IST
ഇസ്ലാമബാദ്: പാക്കിസ്ഥാന് മുസ്ലിം ലീഗ് നേതാവ് ഷഹബാസ് ഷെരീഫ് രണ്ടാം തവണയും പാക് പ്രധാനമന്ത്രി. ദേശീയ അസംബ്ലിയാണ് ഷഹബാസിനെ പ്രധാനമന്ത്രിയായി തെരഞ്ഞെടുത്തത്.
ദേശീയ അംബ്ലിയില് ഷഹബാസിന് 201 വോട്ടുകള് ലഭിച്ചതായി സ്പീക്കര് അറിയിച്ചു. എതിര് സ്ഥാനാര്ഥിയായ പിടിഐയിലെ ഒമര് അയൂബ് ഖാന് 92 വോട്ടുകള് മാത്രമാണ് ലഭിച്ചത്. ആകെ 169 വോട്ടുകളാണ് വോട്ടെടുപ്പില് വിജയിക്കാന് വേണ്ടിയിരുന്നത്.
രണ്ടാം തവണയാണ് ഷഹബാസ് പാക്കിസ്ഥാന് പ്രധാനമന്ത്രി സ്ഥാനത്തേക്ക് എത്തുന്നത്. മൂന്നു തവണ പാക്കിസ്ഥാന് പ്രധാനമന്ത്രിയായിരുന്ന നവാസ് ഷെരീഫിന്റെ ഇളയ സഹോദരനാണ് ഷഹബാസ്.
മുന് പ്രധാനമന്ത്രി നവാസ് ഷെരീഫാണ് ഷഹബാസ് ഷെരീഫിനെ പ്രധാനമന്ത്രി സ്ഥാനത്തേക്ക് നാമനിര്ദേശം ചെയ്തത്. പാക്കിസ്ഥാന് മുസ്ലിം ലീഗ് (നവാസ്) പാര്ട്ടിയുടെ ഉന്നതതല യോഗത്തിലായിരുന്നു നാമനിര്ദേശം.
വലിയ ബഹളങ്ങള്ക്കിടെയാണ് സഭയില് വോട്ടെടുപ്പ് നടന്നത്. ബിലാവല് ഭൂട്ടോ സര്ദാരിയുടെ പാക്കിസ്ഥാന് പീപ്പിള്സ് പാര്ട്ടിയുമായി ചേര്ന്ന് സഖ്യകക്ഷി സര്ക്കാരിനെയാണ് ഷഹബാസ് ഷെരീഫ് നയിക്കുക.