ഡ​ല്‍ഹി: ഡ​ല്‍ഹി​യി​ലെ ഓ​ള്‍ ഇ​ന്ത്യ മെ​ഡി​ക്ക​ല്‍ സ​യ​ന്‍സി​ല്‍ വൈ​ദ്യ​ശാ​സ്ത്ര പ​ഠ​ന​ത്തി​നു ന​ല്‍കി​യ ക​പ്പൂ​ച്ചി​ന്‍ വൈ​ദി​ക​ന്‍ റ​വ.​ഡോ. സേ​വ്യ​ര്‍ വ​ട​ക്കേ​ക്ക​ര​യു​ടെ ഭൗ​തി​ക ശ​രീ​രം ഇ​ന്ന​ലെ ഉ​ത്ത​ര്‍പ്ര​ദേ​ശി​ലെ ദാ​സ്‌​ന മ​സൂ​റി​യി​ലെ ജ്യോ​തി​നി​കേ​ത​ന്‍ ക​പ്പൂ​ച്ചി​ന്‍ ആ​ശ്ര​മ​ത്തി​ല്‍ സം​സ്‌​ക​രി​ച്ചു.

സേ​വ്യ​ര്‍ അ​ച്ച​ന്‍റെ അ​ന്ത്യാ​ഭി​ലാ​ഷ​മാ​യി​രു​ന്നു മ​ര​ണ​ശേ​ഷം ത​ന്‍റെ ഭൗ​തി​കശ​രീ​രം ഡ​ല്‍ഹി​യി​ലെ അ​ഖി​ലേ​ന്ത്യ മെ​ഡി​ക്ക​ല്‍ സ​യ​ന്‍സി​ലെ വി​ദ്യാ​ര്‍ഥി​ക​ള്‍ക്ക് പ​ഠി​ക്കാ​ന്‍ ന​ല്‍ക​ണ​മെ​ന്നത്. ജീ​വി​ച്ചി​രി​ക്കു​മ്പോ​ള്‍ ത​ന്നെ അ​ദ്ദേ​ഹം സ​ണ്‍ഡേ ദീ​പി​ക​യ്ക്ക് അ​നു​വ​ദി​ച്ച അ​ഭി​മു​ഖ​ത്തി​ല്‍ ഇതു പ​റ​ഞ്ഞി​രു​ന്നു.

ഡ​ല്‍ഹി ഹോ​ളി ഫാ​മി​ലി ആ​ശു​പ​ത്രി​യി​ല്‍ അ​സു​ഖം ബാ​ധി​ച്ച് മ​ര​ണ​പ്പെ​ടു​മ്പോ​ള്‍ സ​ണ്‍ഡേ ദീ​പി​ക​യി​ലെ അ​ഭി​മു​ഖ​മാ​ണ് സ​ഭാ​ധി​കാ​രി​ക​ള്‍ ആ​ധി​കാ​രി​ക രേ​ഖ​യാ​യി എ​ടു​ത്ത​ത്. എ​ഐ​ഐ​എം​എ​സ് അ​ധി​കാ​രി​ക​ളും ദീ​പി​ക പ​ത്രം മെ​ഡി​ക്ക​ല്‍ കോ​ള​ജി​ലെ അ​നാ​ട്ട​മി ഡി​പ്പാ​ര്‍ട്ട്മെ​ന്‍റി​ലെ ഭി​ത്തി​യി​ല്‍ ശ​രീ​രം ദാ​നം ചെ​യ്ത​വ​ര്‍ക്കൊ​പ്പം ഫ്രെ​യിം ചെ​യ്ത് സൂ​ക്ഷി​ച്ചു. ശ​രീ​ര​ങ്ങ​ള്‍ ദാ​നം ചെ​യ്യു​ന്ന മു​റ​യ്ക്കാ​ണ് ഭി​ത്തി​യി​ല്‍ ഡോ​ണ​റു​ടെ ഫോ​ട്ടോ​യും കൈ​മാ​റാ​നു​ള്ള രേ​ഖ​ക​ളും സ്ഥാ​നംപി​ടി​ക്കു​ന്ന​ത്.

മ​ര​ണശേ​ഷം ത​ന്‍റെ ഭൗ​തി​കദേ​ഹം ആ​ര്‍ക്കെ​ങ്കി​ലും പ്ര​യോ​ജ​ന​പ്പെ​ട​ണം എ​ന്നാ​ഗ്ര​ഹി​ച്ച അ​സീ​സി​യി​ലെ വി​ശു​ദ്ധ​ന്‍റെ ജീ​വി​തം പോ​ലെ ത​ന്നെ​യാ​യി​രു​ന്നു ഡ​ല്‍ഹി​യി​ലെ മ​ല​യാ​ളി ക​പ്പൂ​ച്ചി​ന്‍ വൈ​ദി​ക​ന്‍ ഡോ.​ സേ​വ്യ​ര്‍ വ​ട​ക്കേ​ക്ക​ര​യു​ടേ​ത്. സ്വ​ന്തം മി​ഴി​ക​ളു​ടെ കാ​ഴ്ച​വ​ട്ട​ത്ത് ഇ​രു​ള്‍ പ​ട​രു​മ്പോ​ഴും അ​പ​ര​ന്‍റെ ജീ​വി​ത​ത്തി​ല്‍ പ്ര​കാ​ശ​മാ​യ സേ​വ്യ​ര്‍ അ​ച്ച​ന്‍ ജീ​വി​ക്കു​ന്ന ഇ​തി​ഹാ​സ​മാ​യി​രു​ന്നു.


ക​ണ്ണു​ക​ളു​ടെ കാ​ഴ്ച മ​ങ്ങു​ന്ന അ​പൂ​ര്‍വ​മാ​യ ജ​നി​തക രോ​ഗ​മാ​യി​രു​ന്നു അ​ദ്ദേ​ഹ​ത്തി​ന്. അ​ദ്ദേ​ഹ​ത്തി​ന്‍റെ സ​ഹോ​ദ​ര​നും വ​ത്തി​ക്കാ​നി​ലെ തി​യോ​ള​ജി പ്ര​ഫ​സ​റു​മാ​യ ഫാ.​ ക്ലീ​റ്റ​സ്, ഫാ.​ ജോ എ​ന്നി​വ​ര്‍ക്കും ഈ ​രോ​ഗം ഉ​ണ്ടാ​യി​രു​ന്നു. പാ​ലാ നീ​ലൂ​ര്‍ സ്വ​ദേ​ശി​യാ​യ സേ​വ്യ​റ​ച്ച​ന്‍റെ‍ ഒ​മ്പ​ത് സ​ഹോ​ദ​ര​ങ്ങ​ളി​ല്‍ ഏ​ഴു​പേ​രും സ​മ​ര്‍പ്പി​ത​രാ​ണ് അ​ഞ്ചു വൈ​ദി​ക​ര്‍, രണ്ടു പേ​ര്‍ ക​ന്യാ​സ്ത്രി​ക​ള്‍.

വൈ​ദ്യ​ശാ​സ്ത്ര പ​ഠ​ന​ത്തി​ന് ന​ല്‍കു​ന്ന ശ​രീ​ര​ങ്ങ​ള്‍ മ​ന്നു മാ​സം മു​ത​ല്‍ ആ​റു മാ​സ​ത്തെ പ​ഠ​ന​ത്തി​ന് ശേ​ഷം എ​യിം​സ് അ​ധി​കാ​രി​ക​ള്‍ ത​ന്നെ സം​സ്‌​ക​രി​ക്കു​ക​യാ​ണ് പ​തി​വ്. 2025 മാ​ര്‍ച്ച് 18നാ​ണ് അ​ച്ച​ന്‍റെ ശ​രീ​രം എ​യിം​സി​ന് കൈ​മാ​റി​യ​ത്, 2025 സെ​പ്തം​ബ​ര്‍ മൂ​ന്നി​നു സം​സ്‌​ക​രി​ക്കാ​നാ​യി തി​രി​കെ ല​ഭി​ച്ചു. വൈ​ദി​ക​നാ​യ​തി​നാ​ല്‍ മ​ത​ച​ട​ങ്ങു​ക​ള്‍ ന​ട​ത്താ​ന്‍ ക​പ്പൂ​ച്ചി​ന്‍ സ​ഭ ആ​വ​ശ്യം ഉ​ന്ന​യി​ച്ച​തി​നാ​ലാ​ണ് അ​ച്ച​ന്‍റെ ഭൗ​തീ​ക ശ​രീ​രം വി​ട്ടു​ന​ല്‍കി​യ​ത്.