കോ​ട്ട​യം ന​ഗ​ര​സ​ഭ​യി​ലെ പെ​ൻ​ഷ​ൻ ത​ട്ടി​പ്പ്: കൂ​ടു​ത​ൽ ത​ട്ടി​പ്പു​ക​ൾ പു​റ​ത്ത്
Thursday, September 5, 2024 6:56 AM IST
കോ​ട്ട​യം: മൂ​ന്നു കോ​ടി രൂ​പ പെ​ൻ​ഷ​ൻ തു​ക ത​ട്ടി​പ്പു ന​ട​ന്ന കോ​ട്ട​യം ന​ഗ​ര​സ​ഭ​യു​ടെ പെ​ൻ​ഷ​ൻ അ​ക്കൗ​ണ്ടി​ൽ കൂ​ടു​ത​ൽ ത​ട്ടി​പ്പു​ക​ൾ പു​റ​ത്ത്.

മൂ​ന്നു വ​ർ​ഷം മു​ന്പ് മ​രി​ച്ച​യാ​ളു​ടെ പേ​രി​ലു​ള്ള അ​ക്കൗ​ണ്ടി​ലേ​ക്കു ന​ഗ​ര​സ​ഭ​യി​ൽ​നി​ന്നു പെ​ൻ​ഷ​ൻ ഇ​പ്പോ​ഴും വ​ക​മാ​റ്റു​ന്നു​വെ​ന്നാ​ണ് ക​ണ്ടെ​ത്തി​യ​ത്. 2021ൽ ​മ​ര​ണ​മ​ട​ഞ്ഞ കു​ട​മാ​ളൂ​ർ സ്വ​ദേ​ശി​നി​യു​ടെ പേ​രി​ലു​ള്ള അ​ക്കൗ​ണ്ടി​ലേ​ക്കാ​ണ് മൂ​ന്നു വ​ർ​ഷ​മാ​യി പെ​ൻ​ഷ​ൻ പോ​കു​ന്ന​ത്. ക​ഴി​ഞ്ഞ​ദി​വ​സം പ്രി​ൻ​സി​പ്പ​ൽ ഡ​യ​റ​ക്ട​റേ​റ്റി​ൽ​നി​ന്നു​ള്ള ഏ​ഴം​ഗ പ​രി​ശോ​ധ​നാ സം​ഘ​മാ​ണ് ഇ​തു ക​ണ്ടെ​ത്തി​യ​ത്.

കു​ട​മാ​ളൂ​ർ സ്വ​ദേ​ശി​നി​യു​ടെ പേ​രി​ലു​ള്ള വ്യാ​ജ അ​ക്കൗ​ണ്ടി​ലേ​ക്കാ​കാം പ​ണം അ​യ​യ്ക്കു​ന്ന​തെ​ന്നാ​ണ് പ്രാ​ഥ​മി​ക നി​ഗ​മ​നം. ഇ​ത്ത​ര​ത്തി​ൽ ഇ​നി​യും വ്യാ​ജ അ​ക്കൗ​ണ്ടു​ക​ളു​ണ്ടെ​ന്നാ​ണ് സൂ​ച​ന. 13,000 രൂ​പ​യാ​ണ് ഈ ​അ​ക്കൗ​ണ്ടി​ലേ​ക്ക് പെ​ൻ​ഷ​നാ​യി ഒ​രു മാ​സം വ​ക​യി​രു​ത്തി​യി​രു​ന്ന​ത്. വ​രും ദി​വ​സ​ങ്ങ​ളി​ലും പ​രി​ശോ​ധ​ന തു​ട​രും.


ന​ഗ​ര​സ​ഭാ പെ​ൻ​ഷ​ൻ ഫ​ണ്ടി​ൽ​നി​ന്നു മൂ​ന്നു കോ​ടി​യോ​ളം രൂ​പ ത​ട്ടി​യെ​ടു​ത്തെ​ന്ന കേ​സി​ൽ അ​ന്വേ​ഷ​ണം തു​ട​രു​ക​യാ​ണ്. കേ​സി​ലെ പ്ര​തി​യെ ഇ​തു​വ​രെ പി​ടി​കൂ​ടി​യി​ട്ടി​ല്ല. പ്ര​തി​ക്കെ​തി​രേ ലൂ​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ച്ചി​ട്ടു​ണ്ട്.