അരുവിത്തുറ: അരുവിത്തുറ സെന്റ് ജോർജസ് കോളജ് പൊളിറ്റിക്കൽ സയൻസ് വിഭാഗത്തിന്റെ അഭിമുഖ്യത്തിൽ അധ്യാപക ദിനാചരണവും പൊളിറ്റിക്കസ് അസോസിയേഷൻ ഉദ്ഘാടനവും നടന്നു. പ്രിൻസിപ്പൽ പ്രൊഫ. ഡോ. സിബി ജോസഫ് അധ്യക്ഷത വഹിച്ചു. കോളജ് മുൻ പ്രിൻസിപ്പൽ ഡോ. റെജി വർഗീസ് മേക്കാടൻ ഉദ്ഘാടനം നിർവഹിച്ചു. ഡോ. റെജി വർഗീസ് മേക്കാടന് ആദരവ് നൽകി ഗുരുവന്ദനം സമർപ്പിച്ചു. ബർസാർ ഫാ. ബിജു കുന്നക്കാട്ട്, പൊളിറ്റിക്സ് വിഭാഗം മേധാവി ഡോ. തോമസ് പുളിക്കൻ, അധ്യാപകരായ സിറിൾ സൈമൺ, അനിറ്റ് ടോം അസോസിയേഷൻ ഭാരവാഹികളായ ജോപ്പു ഷിബിൻ, ആര്യാമോൾ രാജൻ എന്നിവർ പ്രസംഗിച്ചു.