പ്രവിത്താനം: സെന്റ് മൈക്കിള്സ് ഹയര് സെക്കന്ഡറി സ്കൂളില് വിസ്തൃതവും വിശാലവുമായി പുനര്നിര്മിച്ച സ്കൂള് ഗ്രൗണ്ടിന്റെ ഉദ്ഘാടനം ജോസ് കെ. മാണി എംപി നിര്വഹിച്ചു.
ഓലിക്കല് കുടുംബം സംഭാവന ചെയ്ത് ഹയര് സെക്കണ്ടറി - ഹൈസ്കൂള് അങ്കണങ്ങളില് സ്ഥാപിച്ചിട്ടുള്ള പുതിയ കൊടിമരങ്ങളുടെ വെഞ്ചിരിപ്പുകര്മം സ്കൂള് അസിസ്റ്റന്റ് മാനേജര് ഫാ. ജോര്ജ് പോളച്ചിറകുന്നുംപുറം നിര്വഹിച്ചു. സ്കൂള് മാനേജര് ഫാ. ജോര്ജ് വേളൂപറമ്പിലിന്റെ ആദ്യക്ഷതയില് കൂടിയ സമ്മേളനത്തില് പ്രവിത്താനം ഫൊറോന പള്ളി സഹവികാരി ഫാ. ജോസഫ് കുറുപ്പശേരി, ജില്ലാ പഞ്ചായത്ത് മെമ്പര്മാരായ രാജേഷ് വാളിപ്ലാക്കല്, നിര്മല ജിമ്മി, ബ്ലോക്ക് പഞ്ചായത്ത് മെമ്പര്മാരായ ലിസമ്മ ബോസ്, ആനന്ദ് ചെറുവള്ളി, കരൂര് പഞ്ചായത്ത് പ്രസിഡന്റ് ആനസിയ രാമന്, വാര്ഡ് മെമ്പര് സ്മിതാ ഗോപാലകൃഷ്ണന്, ഭരണങ്ങാനം ഗ്രാമപഞ്ചായത്ത് മെമ്പര്മാരായ വിനോദ് വേരനാനി, ലിന്സി സണ്ണി, മാത്യു പുതിയിടം, ജിമ്മിച്ചന് ചന്ദ്രന്കുന്നേല്, ജോണി പൈക്കാട്ട്, ജെഫ് വെള്ളിയെപ്പള്ളി, മാത്യു തറപ്പേല്, ജിസ്മോന് തുടിയന്പ്ലാക്കല്, ജാന്സി ജോസ്, പ്രിന്സിപ്പല് ജിജി ജേക്കബ്, ഹെഡ്മാസ്റ്റര് വി.ജെ. അജി, ജോജിമോന് ജോസ് തുടങ്ങിയവര് പ്രസംഗിച്ചു.