എരുമേലി: വിശന്നു വലഞ്ഞ് ആക്രമണകാരികളായി എരുമേലിയിൽ ബസ് സ്റ്റാൻഡുകളിലും റോഡിലും അലഞ്ഞുതിരിയുകയാണ് കൂട്ടത്തോടെ തെരുവുനായകൾ. സ്റ്റാൻഡിൽ ബസിനായി കാത്തിരിക്കുന്നവരെ ഭീതിയിലാക്കി ചുറ്റും കൂടി ആക്രമണത്തിന് മുതിരുകയാണ് ഇവ.
എരുമേലി കെഎസ്ആർടിസി സ്റ്റാൻഡിലും പ്രൈവറ്റ് ബസ് സ്റ്റാൻഡിലും സമാനമാണ് ഈ കാഴ്ച. ഇവ ഭക്ഷണം തേടി പരസ്പരം കടി പിടി കൂട്ടുന്ന കാഴ്ച പതിവായിരിക്കുകയാണ്. ഇവയെ പിടികൂടി നീക്കം ചെയ്യാൻ പഞ്ചായത്ത് അധികൃതർ ഇടപെടണമെന്ന് നാട്ടുകാരും യാത്രക്കാരും ആവശ്യപ്പെട്ടു.