ചങ്ങനാശേരി: റോട്ടറി ക്ലബ്ബിന്‍റെ നേതൃത്വത്തില്‍ കേന്ദ്രസര്‍ക്കാരിന്‍റെ സഹായത്തോടെ 50 ലക്ഷത്തോളം രൂപ വിലമതിക്കുന്ന ചലനോപകരണങ്ങളുടെ വിതരണം നടത്തി. ക്യാമ്പ് ജോബ് മൈക്കിള്‍ എംഎല്‍എ ഉദ്ഘാടനം ചെയ്തു. റോട്ടറി ക്ലബ് പ്രസിഡന്റ് കെ.വി ജോസഫിന്‍റെ അധ്യക്ഷതയില്‍ കൂടിയ സമ്മേളനത്തില്‍ റോട്ടറി ഗവര്‍ണര്‍ സുധി ജബാര്‍ ചലന ഉപകരണങ്ങള്‍ വിതരണം ചെയ്തു.
ബിജെപി സംസ്ഥാന കമ്മിറ്റിയംഗം എം.ബി. രാജഗോപാല്‍, മുന്‍ റോട്ടറി ഗവര്‍ണര്‍ സ്‌കറിയ ജോസ് കാട്ടൂര്‍, പ്രോജക്ട് കോഓർഡിനേറ്റര്‍ കെ.ജെ. ലൂയിസ്, മനോജ് വര്‍ഗീസ്, സാബു കെ. ജോണ്‍ എന്നിവര്‍ പ്രസംഗിച്ചു. അംഗപരിമിതരായ 120 വ്യക്തികള്‍ക്കും 60 വയസിനുമുകളില്‍ പ്രായമുള്ളവര്‍ക്കുമാണ് വീല്‍ ചെയര്‍, ഹിയറിഗ് എയ്ഡ് മുതലായ ചലന ഉപകരണങ്ങള്‍ വിതരണം ചെയ്തത്.