ചങ്ങനാശേരി: വര്‍ധിച്ചു വരുന്ന ജലജന്യ രോഗങ്ങളില്‍നിന്നു കുട്ടികളെ സംരക്ഷിക്കാനും പി.പി. വര്‍ഗീസ് പുല്ലുകാട്ടിന്‍റെ സ്മരണാര്‍ഥവും മകനും വിദേശ മലയാളിയുമായ ബിഫി വര്‍ഗീസ് പുല്ലുകാട് സ്‌പോണ്‍സര്‍ ചെയ്ത ശുദ്ധജല പദ്ധതിയുടെ ഉദ്ഘാടനം ചങ്ങനാശേരി സെന്‍റ് ജോസഫ്സ് സ്‌കൂളില്‍ നടന്നു.
ജോബ് മൈക്കിള്‍ എംഎല്‍എ ഉദ്ഘാടനം ചെയ്തു. വീടില്ലാത്തവര്‍ക്ക് സൗജന്യമായി വീട് നിര്‍മിക്കാന്‍ ബിഫി സ്ഥലം നല്‍കിയതും ശ്രദ്ധയാകര്‍ഷിച്ചിരുന്നു. സെന്‍റ് ജോസഫ്സ് എല്‍പി സ്‌കൂള്‍, ഹൈസ്‌കൂള്‍, ഹയര്‍ സെക്കൻഡറി സ്‌കൂള്‍ എന്നിവിടങ്ങളിലാണ് ജലം ശുദ്ധീകരിച്ചു ചൂടും തണുപ്പും ശരിയായ അളവില്‍ ക്രമീകരിച്ചു പ്രവര്‍ത്തിക്കുന്ന അത്യാധുനിക വാട്ടര്‍ ഡിസ്‌പെന്‍സറുകള്‍ പ്രവര്‍ത്തനക്ഷമമാകുന്നത്.