കുമരകം: സെന്‍റ് ജോൺസ് യുപി സ്കൂളിൽ സ്കൂൾ കൗൺസിൽ സ്ഥാനാരോഹണ ചടങ്ങും, സത്യപ്രതിജ്ഞയും വിദ്യാർഥികൾക്ക് പുത്തൻ അനുഭവമായി. പാർലമെന്‍ററി രീതിയിൽ നടത്തിയ തെരഞ്ഞെടുപ്പിൽ വിജയികളായവർ സത്യപ്രതിജ്ഞ ചെയ്തു സ്ഥാനം ഏറ്റെടുത്തു. സ്കൂൾ ഹാളിൽ നടന്ന ചടങ്ങിന് ഹെഡ്മാസ്റ്റർ അനീഷ് അധ്യക്ഷത വഹിച്ചു.
പഞ്ചായത്ത് മെംബർ രശ്മി കല സമ്മേളനം ഉദ്ഘാടനം ചെയ്തു. പിടിഎ പ്രസിഡന്റ് ആതിര വൈശാഖൻ സ്ഥാനചിഹ്നങ്ങൾ അണിയിപ്പിച്ചു. സ്കൂൾ ഹെഡ്ബോയ് ടിബി ടിനോ, ഹെഡ്ഗേൾ അമേയ സി. ജയലാൽ എന്നിവർ പ്രതിനിധികൾക്ക് സത്യപ്രതിജ്ഞ ചൊല്ലിക്കൊടുത്തു. അധ്യാപകരായ അക്സ തോമസ്, സ്റ്റെഫി ഫിലിപ്പ്, മിന്‍റു തോമസ്, അജയ് ജോസഫ്, അലീറ്റാ ജോസഫ്, ജിജി ജോസഫ് എന്നിവർ പരിപാടികൾക്കു നേതൃത്വം നൽകി.