പാ​റ​ശാ​ല: പാ​റ​ശe​ല ഗാ​ന്ധി പാ​ര്‍​ക്ക് ജം​ഗ്ഷ​നി​ല്‍ ഗാ​ന്ധി പ്ര​തി​മ​യ്ക്കു സ​മീ​പം വേ​സ്റ്റ് ബോ​ക്‌​സ് സ്ഥാപി​ച്ച​ത് വ്യാ​പ​ക പ്ര​തി​ഷേ​ധ​ത്തി​നി​ട​യാ​ക്കി. പാ​റ​ശാ​ല പ​ഞ്ചാ​യ​ത്താ​ണ് രാ​ഷ്ട്ര​പി​താ​വി​നെ അ​വ​ഹേ​ളി​ക്കു​ന്ന രീ​തി​യി​ല്‍ ഗാ​ന്ധി​ജി​ക്കു സ​മീ​പം വേ​സ്റ്റ് കു​പ്പി ബോ​ക്‌​സ് സ്ഥാ​പി​ച്ച​ത്.

പാ​റ​ശാ​ല പ​ഞ്ചാ​യ​ത്തി​ല്‍ ബ​സ് സ്റ്റോപ്പ് ജം​ഗ്ഷ​ന്‍ മു​ത​ല്‍ നി​ര​വ​ധി സ്ഥ​ല​ങ്ങ​ള്‍ വേ​സ്റ്റ് ബോ​ക്‌​സ് സ്ഥാ​പി​ക്കാ​ന്‍ ഉ​ണ്ടെ​ന്നി​രി​ക്കെ മ​ന​പ്പൂ​ര്‍​വ്വം ഗാ​ന്ധി​ജി​ക്ക് സ​മീ​പം മാ​ലി​ന്യം നി​ക്ഷേ​പി​ക്കാ​നു​ള്ള അ​വ​സ​രമൊരു​ക്കി​യ പ​ഞ്ചാ​യ​ത്തി​നെ​തിരേ കോ​ണ്‍​ഗ്ര​സ് പ്ര​തി​ഷേ​ധം ശ​ക്ത​മാ​ക്കാ​നു​ള്ള ത​യാ​റെ​ടു​പ്പി​ലാ​ണ്.

രാ​ഷ്ട്ര​പി​താ​വി​നെ അ​പ​മാ​നി​ക്കു​ന്ന രീ​തി​യി​ലു​ള്ള വേ​സ്റ്റ് ബോ​ക്‌​സ് എ​ത്ര​യും വേ​ഗം പ​ഞ്ചാ​യ​ത്ത് അധികൃതർ എടുത്തുമാ​റ്റി​യി​ല്ലെ​ങ്കി​ല്‍ പ​ഞ്ചാ​യ​ത്ത് ഓ​ഫീ​സി​നു മു​ന്നി​ല്‍ ശ​ക്ത​മാ​യ പ്ര​തി​ഷേ​ധ പ​രി​പാ​ടി​ക​ള്‍ സം​ഘ​ടി​പ്പി​ക്കു​മെ​ന്നു പാ​റ​ശാ​ല മു​ന്‍ എം​എ​ല്‍​എ എ.ടി. ജോ​ര്‍​ജും, ഡി​സി​സി ക്രെ​ട്ട​റി ആ​ർ. വ​ത്സ​ല​നും അധികൃതർക്കു മു​ന്ന​റി​യി​പ്പ് ന​ല്‍​കി.