ഫെ​ബ്രു​വ​രി​യി​ൽ ​മാ​ത്രം കേ​ര​ള​ത്തി​ൽ ഏ​ഴു മ​നു​ഷ്യ​രെ കാ​ട്ടാ​ന ച​വി​ട്ടി​ക്കൊ​ന്നു. സി​പി​എ​മ്മും കോ​ൺ​ഗ്ര​സും ബി​ജെ​പി​യും ഉ​ൾ​പ്പെ​ടെ കൊ​ന്പ​ത്തെ രാ​ഷ്‌ട്രീ​യ​ക്കാ​രെ​ല്ലാം ഒ​ത്തു​ക​ളി​ച്ച്
ജ​ന​ത്തി​നു ദു​ർ​മ​ര​ണം ഉ​റ​പ്പാ​ക്കി​യി​രി​ക്കു​ന്നു.

കാ​ട്ടാ​ന​ക​ളും കാ​ഴ്ച​ക്കാ​രാ​യ സ​ർ​ക്കാ​രും ജ​ന​ദ്രോ​ഹ വ​നം​വ​കു​പ്പും ചേ​ർ​ന്ന് ഫെ​ബ്രു​വ​രി​യി​ൽ ഇ​തു​വ​രെ ച​വി​ട്ടി​ക്കൊ​ന്ന​ത് ഏ​ഴു പേ​രെ​യാ​ണ്. ഞാ​യ​റാ​ഴ്ച കൊ​ന്ന​ത് ആ​റ​ളം ഫാ​മി​ലെ ആ​ദി​വാ​സി ദ​ന്പ​തി​മാ​രെ. ഏ​തൊ​രു സ​ർ​ക്കാ​രും ത​ല​കു​നി​ച്ചു​പോ​കും. പ​ക്ഷേ... വ​കു​പ്പു​ക​ളു​ടെ ഏ​കോ​പ​ന​ക്കു​റ​വ് ഉ​ണ്ടാ​യോ എ​ന്നു പ​രി​ശോ​ധി​ക്കു​മെ​ന്നും പ​ഠി​ച്ചു​കൊ​ണ്ടി​രി​ക്കു​ക​യാ​ണെ​ന്നു​മൊ​ക്കെ​യാ​ണ് വ​നം​മ​ന്ത്രി എ.​കെ. ശ​ശീ​ന്ദ്ര​ൻ പ​റ​ഞ്ഞ​ത്.

അ​ദ്ദേ​ഹ​ത്തോ​ട് എ​ന്തു പ​റ​ഞ്ഞി​ട്ടും കാ​ര്യ​മി​ല്ല. ഒ​ന്പ​തു വ​ർ​ഷ​മാ​യി പ​ഠി​ച്ചു പ​ഠി​ച്ചു തോ​റ്റു​കൊ​ണ്ടി​രി​ക്കു​ന്ന സ​ർ​ക്കാ​രി​നെ​തി​രേ​യു​ള്ള പ​ഴി കേ​ൾ​ക്കാ​ൻ ഒ​രു വി​ധേ​യ​ൻ. ഇ​തി​നൊ​ക്കെ വി​ല​യാ​യി കൊ​ടു​ക്കേ​ണ്ട​തു മ​നു​ഷ്യ​ജീ​വ​നാ​ണ​ല്ലോ എ​ന്ന​താ​ണ് സം​സ്ഥാ​ന​ത്തി​ന്‍റെ വി​ധി. ക​ണ്ണൂ​ർ ആ​റ​ളം ഫാ​മി​ലെ ആ​ദി​വാ​സി പു​ന​ര​ധി​വാ​സ മേ​ഖ​ല​യി​ൽ ക​ശു​വ​ണ്ടി ശേ​ഖ​രി​ക്കാ​ൻ പോ​യ ആ​ദി​വാ​സി ദ​മ്പ​തി​മാ​രാ​യ വെ​ള്ളി​യെ​യും ഭാ​ര്യ ലീ​ല​യെ​യു​മാ​ണ് കാ​ട്ടാ​ന ച​വി​ട്ടി​ക്കൊ​ന്ന​ത്.

മൃ​ത​ദേ​ഹ​ങ്ങ​ൾ ച​വി​ട്ടി​യ​ര​ച്ച് തി​രി​ച്ച​റി​യാ​ത്ത വി​ധ​മാ​ക്കി. ക​ശു​വ​ണ്ടി ശേ​ഖ​രി​ച്ച​ശേ​ഷം വി​റ​കു​കെ​ട്ടു​മാ​യി ഇ​രു​വ​രും വീ​ട്ടി​ലേ​ക്കു വ​രു​ന്ന വ​ഴി​യി​ൽ ആ​ളൊ​ഴി​ഞ്ഞ വീ​ടി​ന്‍റെ പി​ന്നി​ൽ​നി​ന്നെ​ത്തി കാ​ട്ടാ​ന ആ​ക്ര​മി​ക്കു​ക​യാ​യി​രു​ന്നു. മ​ക​ളു​ടെ ഭ​ർ​ത്താ​വും ബ​ന്ധു​ക്ക​ളും അ​ന്വേ​ഷി​ച്ചെ​ത്തി​യ​പ്പോ​ഴാ​ണ് ഛിന്ന​ഭി​ന്ന​മാ​യ മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​ത്. ഈ ​മാ​സം മാ​ത്രം ഏ​ഴു പേ​ർ കാ​ട്ടാ​ന​യാ​ക്ര​മ​ണ​ത്തി​ൽ കൊ​ല്ല​പ്പെ​ട്ടു.

ചി​ന്നാ​ർ വ​ന്യ​ജീ​വി സ​ങ്കേ​ത​ത്തി​ന​ടു​ത്തു വ​നം​വ​കു​പ്പി​നു​വേ​ണ്ടി കാ​ട് തെ​ളി​ക്കാ​നെ​ത്തി​യ ബി​മ​ൽ, ഇ​ടു​ക്കി പെ​രു​വ​ന്താ​ന​ത്ത് സോ​ഫി​യ, വ​യ​നാ​ട് നൂ​ൽ​പ്പു​ഴ​യി​ൽ മാ​നു, തി​രു​വ​ന​ന്ത​പു​രം പാ​ലോ​ട് ബാ​ബു, തൃ​ശൂ​ർ താ​മ​ര​വെ​ള്ള​ച്ചാ​ലി​ൽ ആ​ദി​വാ​സി​യാ​യ പ്ര​ഭാ​ക​ര​ൻ, ഇ​പ്പോ​ൾ വെ​ള്ളി, ഭാ​ര്യ ലീ​ല. ലോ​ക​ത്തു മ​റ്റെ​വി​ടെ​യെ​ങ്കി​ലും ഇ​ത്ത​ര​മൊ​രു ക​ഴി​വു​കെ​ട്ട സ​ർ​ക്കാ​രി​നു ക​സേ​ര​യി​ൽ അ​ള്ളി​പ്പി​ടി​ച്ചി​രി​ക്കാ​ൻ പ​റ്റു​മോ?

കോ​ൺ​ഗ്ര​സും ബി​ജെ​പി​യും ആ​റ​ളം പ​ഞ്ചാ​യ​ത്തി​ൽ ഹ​ർ​ത്താ​ൽ ന​ട​ത്തി. ഈ ​തൊ​ലി​ക്ക​ട്ടി​രാ​ഷ്‌​ട്രീ​യം ജ​നം തി​രി​ച്ച​റി​യ​ണം. വ​ന്യ​ജീ​വി ആ​ക്ര​മ​ണ​ത്തി​നു വ​ഴി​യൊ​രു​ക്കു​ന്ന 1972ലെ ​വ​നം-​വ​ന്യ​ജീ​വി സം​ര​ക്ഷ​ണ നി​യ​മ​ത്തി​ന്‍റെ കാ​വ​ൽ​സം​ഘ​ത്തി​ൽ പെ​ട്ട​താ​ണ് ഈ ​ര​ണ്ടു പാ​ർ​ട്ടി​ക​ളും. വ​ന്യ​ജീ​വി സം​ര​ക്ഷ​ണ​ത്തി​നു പ്ര​തി​ജ്ഞാ​ബ​ദ്ധ​മാ​ണെ​ന്നാ​ണ് ഞാ​യ​റാ​ഴ്ച​ത്തെ മ​ൻ കി ​ബാ​ത്തി​ൽ പ്ര​ധാ​ന​മ​ന്ത്രി പ​റ​ഞ്ഞ​ത്.

അ​ടു​ത്ത​മാ​സം ആ​ദ്യം ലോ​ക വ​ന്യ​ജീ​വി​ദി​നം ആ​ഘോ​ഷി​ക്കു​ന്പോ​ൾ വ​ന്യ​ജീ​വി സം​ര​ക്ഷ​ണ​ത്തി​ൽ ഏ​ർ​പ്പെ​ട്ടി​രി​ക്കു​ന്ന​വ​രെ പ്രോ​ത്സാ​ഹി​പ്പി​ക്ക​ണ​മെ​ന്നും ആ​ഹ്വാ​നം ചെ​യ്തു. വ​ന്യ​ജീ​വി​ക​ൾ കൊ​ന്നൊ​ടു​ക്കു​ന്ന മ​നു​ഷ്യ​രു​ടെ ക​ബ​ന്ധ​ങ്ങ​ളാ​ൽ നാ​ടു നി​റ​യു​ന്പോ​ൾ ഇ​തൊ​ക്കെ എ​ങ്ങ​നെ സാ​ധി​ക്കു​ന്നു! 1972ലെ ​വ​നം-​വ​ന്യ​ജീ​വി സം​ര​ക്ഷ​ണ നി​യ​മ​ത്തി​ന്‍റെ അ​ക്കൗ​ണ്ടി​ൽ ഈ ​മാ​സം കേ​ര​ള​ത്തി​ൽ​നി​ന്ന് ഏ​ഴു മൃ​ത​ദേ​ഹ​ങ്ങ​ൾ​കൂ​ടി വ​ര​വു വ​യ്ക്ക​ണ​മെ​ന്ന് സം​സ്ഥാ​ന​ത്തെ ബി​ജെ​പി നേ​താ​ക്ക​ൾ കേ​ന്ദ്ര​ത്തോ​ടു പ​റ​യ​ണം.

കാ​ടു നി​റ​ഞ്ഞ വ​ന്യ​ജീ​വി​ക​ളെ താ​ലോ​ലി​ക്കു​ക​യ​ല്ല, വേ​ട്ട​യാ​ടി തി​ന്നു​ക​യാ​ണ് ലോ​ക​രാ​ജ്യ​ങ്ങ​ളെ​ല്ലാം. അ​വി​ട​ത്തെ അ​ധി​കാ​രി​ക​ൾ ജ​ന​ങ്ങ​ളു​ടെ ജീ​വ​നും സ്വ​ത്തി​നും അ​ത്ര വി​ല ക​ൽ​പ്പി​ക്കു​ന്നു​ണ്ട്. ക​ണ്ടി​ല്ലേ, വ​യ​നാ​ട്ടി​ലെ മ​നു​ഷ്യ​ർ ക്രൂ​ര​മ​ര​ണ​ത്തി​ന് ഇ​ര​ക​ളാ​കു​ന്പോ​ൾ അ​വ​രു​ടെ എം​പി വ​ന്യ​ജീ​വി സം​ര​ക്ഷ​ണ നി​യ​മ​ത്തി​നു കാ​വ​ൽ നി​ൽ​ക്കു​ന്ന​ത്.

മ​നു​ഷ്യ​ജീ​വി​ത​ത്തി​ന്‍റെ ക​ഠി​ന​യാ​ഥാ​ർ​ഥ്യ​ങ്ങ​ളെ​ക്കു​റി​ച്ച് ഇ​വ​രൊ​ക്കെ എ​ന്നാ​ണു പ​ഠി​ക്കു​ക? അ​ര നൂ​റ്റാ​ണ്ടു മു​ന്പ​ത്തെ സാ​ഹ​ച​ര്യ​ത്തി​ൽ ഇ​ന്ദി​രാ​ഗാ​ന്ധി കൊ​ണ്ടു​വ​ന്ന നി​യ​മം ഇ​ന്നു ജ​ന​ത്തി​നു മ​ര​ണ​വാ​റ​ണ്ടാ​യെ​ന്ന് പ്രി​യ​ങ്ക​യോ​ടു പ​റ​യാ​ൻ സം​സ്ഥാ​ന​ത്തെ കോ​ൺ​ഗ്ര​സ് നേ​താ​ക്ക​ൾ​ക്കു ക​ഴി​യു​ന്നി​ല്ല. പ്രി​യ​ങ്ക ഗാ​ന്ധി​യെ മ​റി​ക​ട​ന്ന്, ഈ ​ന​ശി​ച്ച നി​യ​മം മാ​റ്റ​ണ​മെ​ന്നു പാ​ർ​ല​മെ​ന്‍റി​ൽ പ​റ​യാ​ൻ കോ​ൺ​ഗ്ര​സ് എം​പി​മാ​ർ​ക്കു ന​ട്ടെ​ല്ലു​ണ്ടാ​കി​ല്ല.

72ലെ ​നി​യ​മ​ത്തി​ന​പ്പു​റം കോ​ട​തി​യും ഇ​ല്ല. ഇ​തി​നൊ​ക്കെ പു​റ​മേ സം​സ്ഥാ​ന​ത്ത് ശ​ശീ​ന്ദ്ര​നെ​പ്പോ​ലെ ഒ​രു മ​ന്ത്രി​യും! കേ​ര​ളം വീ​ണി​രി​ക്കു​ന്ന​തു വ​ല്ലാ​ത്തൊ​രു ഊ​രാ​ക്കു​ടു​ക്കി​ലാ​ണ്. സി​പി​എ​മ്മും കോ​ൺ​ഗ്ര​സും ബി​ജെ​പി​യും ഉ​ൾ​പ്പെ​ടെ കൊ​ന്പ​ത്തെ രാ​ഷ്‌​ട്രീ​യ​ക്കാ​രെ​ല്ലാം ഒ​ത്തു​ക​ളി​ച്ച് ജ​ന​ത്തി​നു ദു​ർ​മ​ര​ണം ഉ​റ​പ്പാ​ക്കി​യി​രി​ക്കു​ന്നു. ഇ​വ​രി​ൽ പ്ര​തീ​ക്ഷ​യ​ർ​പ്പി​ച്ചി​ട്ടു കാ​ര്യ​മി​ല്ല.

ജ​നാ​ധി​പ​ത്യ​ത്തി​ൽ രാ​ഷ്‌​ട്രീ​യ​മെ​ന്നാ​ൽ നേ​താ​ക്ക​ളു​ടേ​തു മാ​ത്ര​മ​ല്ല, ജ​ന​ങ്ങ​ളു​ടേ​തു​മാ​ണെ​ന്നു തി​രി​ച്ച​റി​യ​ണം. ന​മ്മു​ടെ പ്രാ​ണ​നേ​ക്കാ​ൾ വ​ലു​ത​ല്ല, വ​ന്യ​ജീ​വി​ക​ളി​ൽ​നി​ന്നു സു​ര​ക്ഷി​ത​മാ​യി ചി​ല്ലു​മേ​ട​യി​ലി​രി​ക്കു​ന്ന ഒ​രു നേ​താ​വും. ആ​ദി​വാ​സി, ക​ർ​ഷ​ക, മ​നു​ഷ്യാ​വ​കാ​ശ സം​ഘ​ട​ന​ക​ൾ ഒ​ന്നി​ക്ക​ണം; ഈ ​ഗ​തി​കെ​ട്ട കാ​ല​ത്തി​ന് അ​റു​തി​യു​ണ്ടാ​ക​ണം.