വ്യ​ക്തി​ക​ളു​ടെ സ്വ​കാ​ര്യ​ത​യി​ലേ​ക്ക് അ​നു​മ​തി​യി​ല്ലാ​തെ ക​ട​ന്നു​ക​യ​റാ​ൻ ആ​ദാ​യ​നി​കു​തി ബി​ല്ലി​ൽ വ​കു​പ്പു​ണ്ടാ​ക​രു​ത്. കു​ടും​ബാം​ഗ​ങ്ങ​ൾ​പോ​ലും പ​ര​സ്പ​രം ലം​ഘി​ക്കാ​ത്ത സ്വ​കാ​ര്യ​ത ഇ​നി സ​ർ​ക്കാ​ർ സ്വ​ത്താ​ണെ​ന്നു പ്ര​ഖ്യാ​പി​ക്ക​രു​ത്.

“വ​ല്യേ​ട്ട​ൻ നി​ങ്ങ​ളെ നി​രീ​ക്ഷി​ക്കു​ന്നു​ണ്ട്.” (“Big brother is watching you.”) എ​ന്ന​ത് ജോ​ർ​ജ് ഓ​ർ​വെ​ൽ ‘1984’ എ​ന്ന നോ​വ​ലി​ൽ ഭ​ര​ണ​കൂ​ട സ​ർ​വാ​ധി​പ​ത്യ​ത്തെ സൂ​ചി​പ്പി​ക്കാ​നെ​ഴു​തി​യ​താ​ണ്. താ​ൻ ഉ​ണ്ണു​ന്ന​തും ഉ​റ​ങ്ങു​ന്ന​തും ഉ​ൾ​പ്പെ​ടെ സ​ർ​ക്കാ​ർ നി​രീ​ക്ഷി​ക്കു​ക​യാ​ണെ​ന്ന തോ​ന്ന​ൽ സ്വാ​ത​ന്ത്ര്യ​ബോ​ധ​മു​ള്ള പൗ​ര​നു സ​ഹി​ക്കാ​വു​ന്ന​ത​ല്ല.

ഇ-​മെ​യി​ലു​ക​ളും വാ​ട്ട്സ്ആ​പ് സ​ന്ദേ​ശ​ങ്ങ​ളും ഉ​ൾ​പ്പെ​ടെ വ്യ​ക്തി​ക​ളു​ടെ സ്വ​കാ​ര്യ​ത​യി​ലേ​ക്ക് അ​നു​മ​തി​യി​ല്ലാ​തെ ക​ട​ന്നു​ക​യ​റാ​ൻ ഉ​ദ്യോ​ഗ​സ്ഥ​രെ അ​നു​വ​ദി​ക്കു​ന്ന പു​തി​യ ആ​ദാ​യ​നി​കു​തി ബി​ല്ലി​ലെ വ​കു​പ്പു​ക​ൾ അ​ത്ത​ര​മൊ​രു വ​ല്യേ​ട്ട​നെ ഓ​ർ​മി​പ്പി​ക്കു​ന്നു. അ​നു​മ​തി കൊ​ടു​ക്കു​ന്ന​ത് ഉ​ദ്യോ​ഗ​സ്ഥ​ർ​ക്കാ​ണെ​ങ്കി​ലും അ​തു സ​ർ​ക്കാ​രി​ന്‍റെ താ​ത്പ​ര്യ​മാ​ണ്. ജ​നാ​ധി​പ​ത്യ​ത്തെ പ്ര​ഹ​സ​ന​മാ​ക്കു​ന്ന സ്വ​കാ​ര്യ​താ ലം​ഘ​ന​ത്തി​ന്‍റെ വ​കു​പ്പ് ആ​ദാ​യ​നി​കു​തി ബി​ല്ലി​ൽ ഉ​ൾ​പ്പെ​ടു​ത്ത​രു​ത്.

ക​ഴി​ഞ്ഞ മാ​സം 13ന് ​ധ​ന​മ​ന്ത്രി നി​ർ​മ​ല സീ​താ​രാ​മ​ൻ ലോ​ക്സ​ഭ​യി​ൽ അ​വ​ത​രി​പ്പി​ച്ച ബി​ല്ലി​ലാ​ണ്, നി​കു​തി​വെ​ട്ടി​പ്പ് ക​ണ്ടെ​ത്തു​ന്ന​തി​ന്‍റെ ഭാ​ഗ​മാ​യി അ​നു​മ​തി​യി​ല്ലാ​തെ ഡി​ജി​റ്റ​ൽ ഇ​ട​ങ്ങ​ളി​ൽ ക​ട​ന്നു​ക​യ​റാ​നും പാ​സ്‌​വേ​ഡു​ക​ളും സു​ര​ക്ഷാ കോ​ഡു​ക​ളും കൈ​വ​ശ​പ്പെ​ടു​ത്താ​നും, ആ​വ​ശ്യ​മെ​ങ്കി​ൽ അ​സാ​ധു​വാ​ക്കാ​നും ഉ​ദ്യോ​ഗ​സ്ഥ​രെ അ​നു​വ​ദി​ക്കു​ന്ന 247-ാം വ​കു​പ്പ് ഉ​ള്ള​ത്.

ഏ​തെ​ങ്കി​ലും വാ​തി​ൽ, പെ​ട്ടി, ലോ​ക്ക​ർ, സേ​ഫ്, അ​ല​മാ​ര, പാ​ത്രം തു​ട​ങ്ങി​യ​വ​യു​ടെ പൂ​ട്ട് തു​റ​ക്കു​ക, താ​ക്കോ​ലു​ക​ൾ ല​ഭ്യ​മ​ല്ലാ​ത്ത ഏ​തെ​ങ്കി​ലും കെ​ട്ടി​ടം, സ്ഥ​ലം മു​ത​ലാ​യ​വ​യി​ൽ പ്ര​വേ​ശി​ച്ചു തെ​ര​യു​ക എ​ന്നി​വ കൂ​ടാ​തെ നി​കു​തി​ദാ​യ​ക​രു​ടെ ‘വെ​ർ​ച്വ​ൽ ഡി​ജി​റ്റ​ൽ സ്പേ​സി​ൽ’ സം​ഭ​രി​ച്ചി​രി​ക്കു​ന്ന എ​ന്തി​നും ഉ​ദ്യോ​ഗ​സ്ഥ​ർ​ക്ക് സ്വ​ത​ന്ത്ര​മാ​യ നി​യ​ന്ത്ര​ണ​വു​മു​ണ്ടാ​യി​രി​ക്കും.

ക്ലൗ​ഡ് സെ​ർ​വ​റു​ക​ൾ, ഇ-​മെ​യി​ൽ അ​ക്കൗ​ണ്ടു​ക​ൾ, സോ​ഷ്യ​ൽ മീ​ഡി​യ, ട്രേ​ഡിം​ഗ് പ്ലാ​റ്റ്ഫോ​മു​ക​ൾ തു​ട​ങ്ങി​യ​വ​യി​ലെ​ല്ലാം ഇ​നി ഉ​ദ്യോ​ഗ​സ്ഥ​ർ​ക്കു ക​ട​ന്നു​ക​യ​റാം.1961​ലെ ഇ​ൻ​കം ടാ​ക്സ് നി​യ​മ​ത്തി​നു പ​ക​ര​മാ​യി കൊ​ണ്ടു​വ​ന്ന​താ​ണി​ത്.

കോ​ട​തി​യു​ടെ അ​നു​മ​തി കൂ​ടാ​തെ ഏ​തു സ്വ​കാ​ര്യ വി​വ​ര​ങ്ങ​ളും ക​ണ്ടെ​ത്താ​നും കം​പ്യൂ​ട്ട​റു​ക​ള​ട​ക്കം എ​ന്തും പ​രി​ശോ​ധി​ക്കാ​നും പി​ടി​ച്ചെ​ടു​ക്കാ​നും ഉ​ദ്യോ​ഗ​സ്ഥ​ർ​ക്ക് അ​നു​മ​തി ന​ൽ​കി​യാ​ൽ സ്വ​കാ​ര്യ​ത​യ്ക്കു ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന മൗ​ലി​ക​സ്വാ​ത​ന്ത്ര്യം പോ​ലും ഇ​ല്ലാ​താ​കു​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.

തി​ങ്ക​ളാ​ഴ്ച തു​ട​ങ്ങു​ന്ന ലോ​ക്സ​ഭാ സ​മ്മേ​ള​ന​ത്തി​ൽ ബി​ൽ പാ​സാ​യാ​ൽ അ​ടു​ത്ത ഏ​പ്രി​ൽ ഒ​ന്നി​നു ന​ട​പ്പാ​കും. 1961ലെ ​സ​ങ്കീ​ർ​ണ​മാ​യ ആ​ദാ​യ​നി​കു​തി നി​യ​മം ല​ളി​ത​മാ​ക്കു​ക​യാ​ണ് ബി​ല്ലി​ന്‍റെ ല​ക്ഷ്യ​മെ​ന്നു സ​ർ​ക്കാ​ർ അ​വ​കാ​ശ​പ്പെ​ടു​ന്നു. അ​തി​ലാ​ർ​ക്കും പ​രാ​തി​യി​ല്ല. പ​ക്ഷേ, സ്വ​കാ​ര്യ​ത​യ്ക്കു​മേ​ൽ സ​ർ​ക്കാ​രി​നു കൂ​ടു​ത​ൽ നി​യ​ന്ത്ര​ണം ന​ൽ​കു​ന്ന വ​കു​പ്പ് ഒ​ളി​ച്ചു ക​ട​ത്ത​രു​ത്.

നി​കു​തി​സ​മ്പ്ര​ദാ​യ​വു​മാ​യി ബ​ന്ധ​പ്പെ​ട്ട ത​ർ​ക്ക​ങ്ങ​ളും വ്യ​വ​ഹാ​ര​ങ്ങ​ളും കു​റ​യ്ക്കു​ക എ​ന്ന ല​ക്ഷ്യ​ത്തെ​ക്കു​റി​ച്ചും മ​ന്ത്രി പ​റ​ഞ്ഞു. പ​ക്ഷേ, കോ​ട​തി​ക​ൾ​ക്ക് ഇ​ട​പെ​ടാ​നാ​വാ​ത്ത​വി​ധം മൗ​ലി​കാ​വ​കാ​ശ​ങ്ങ​ളെ കൈ​പ്പി​ടി​യി​ലൊ​തു​ക്കി​യ​ല്ല വ്യ​വ​ഹാ​ര​ങ്ങ​ളു​ടെ എ​ണ്ണം കു​റ​യ്ക്കേ​ണ്ട​ത്. സാ​ന്പ​ത്തി​ക കു​റ്റ​വാ​ളി​ക​ളെ​ന്നു സം​ശ​യി​ക്കു​ന്ന​വ​രു​ടെ സ്വ​കാ​ര്യ​ത​യി​ൽ അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി ക​യ​റാ​ൻ ഇ​പ്പോ​ഴും നി​യ​മാ​നു​സൃ​തം സാ​ധി​ക്കും.

പ​ക്ഷേ, പു​തി​യ ബി​ല്ലി​ൽ അ​ത്ത​രം അ​നു​മ​തി​യൊ​ന്നും ആ​വ​ശ്യ​മി​ല്ല. സാ​ന്പ​ത്തി​ക ഇ​ട​പാ​ടു​ക​ൾ മാ​ത്ര​മ​ല്ല, പ്ര​തി​പ​ക്ഷ​ത്തെ​യോ വി​മ​ർ​ശ​ക​രെ​യോ കു​ടു​ക്കാ​ൻ ആ​വ​ശ്യ​മാ​യ​തെ​ന്തും സ​മാ​ഹ​രി​ക്കാ​ൻ ഈ​യൊ​രു പ​ഴു​തു മ​തി. ആ​ദാ​യ​നി​കു​തി വ​കു​പ്പി​ന്‍റെ​യും എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ​യും അ​ന്വേ​ഷ​ണ ഏ​ജ​ൻ​സി​ക​ളു​ടെ​യും ന​ട​പ​ടി​ക​ളി​ൽ കോ​ട​തി​ക​ൾ​ക്കു​പോ​ലും സ​മീ​പ​വ​ർ​ഷ​ങ്ങ​ളി​ൽ ഇ​ട​പെ​ടേ​ണ്ടി​വ​ന്നി​ട്ടു​ണ്ടെ​ന്ന​തു മ​റ​ക്ക​രു​ത്.

ചാ​ര സോ​ഫ്റ്റ്‌​വെ​യ​റു​ക​ളി​ലൂ​ടെ മാ​ത്രം ന​ട​പ്പാ​ക്കാ​നാ​കു​ന്ന പ​ല കാ​ര്യ​ങ്ങ​ളും ഇ​നി ഉ​ദ്യോ​ഗ​സ്ഥ​ർ​ക്കു നി​യ​മാ​നു​സൃ​തം ന​ട​ത്താം. 83-ാമ​ത്തെ വ​യ​സി​ല്‍ തീ​വ്ര​വാ​ദി​പ്പ​ട്ടം ചാ​ര്‍​ത്തി ദേ​ശീ​യ അ​ന്വേ​ഷ​ണ ഏ​ജ​ന്‍​സി (എ​ന്‍​ഐ​എ ) ജ​യി​ലി​ല​ട​ച്ച ഫാ​ദ​ർ സ്റ്റാ​ന്‍ സ്വാ​മി, ത​നി​ക്കെ​തി​രേ കം​പ്യൂ​ട്ട​റി​ൽ ക​ണ്ടെ​ത്തി​യ തെ​ളി​വു​ക​ൾ ആ​രോ തി​രു​കി​ക്ക​യ​റ്റി​യ​താ​ണെ​ന്നു പ​റ​ഞ്ഞ​പ്പോ​ൾ വി​ശ്വ​സി​ക്കാ​ൻ കോ​ട​തി​പോ​ലും ഉ​ണ്ടാ​യി​രു​ന്നി​ല്ലെ​ന്ന​തു മ​റ​ക്ക​രു​ത്.

2022 ഡി​സം​ബ​റി​ല്‍ അ​മേ​രി​ക്ക​ന്‍ ഡി​ജി​റ്റ​ല്‍ ഫോ​റ​ന്‍​സി​ക് സ്ഥാ​പ​ന​മാ​യ ആ​ഴ്‌​സ​ണ​ല്‍ ക​ണ്‍​സ​ള്‍​ട്ടിം​ഗ്, സ്റ്റാ​ന്‍ സ്വാ​മി​യു​ടെ ലാ​പ്‌​ടോ​പ്പി​ന്‍റെ ഫോ​റ​ന്‍​സി​ക് പ​രി​ശോ​ധ​നാ​ഫ​ലം പു​റ​ത്തു​വി​ട്ട​പ്പോ​ൾ എ​ന്‍​ഐ​എ അ​ദ്ദേ​ഹ​ത്തി​നെ​തി​രേ ഉ​പ​യോ​ഗി​ച്ച 44 രേ​ഖ​ക​ള്‍ അ​ദ്ദേ​ഹ​മ​റി​യാ​തെ ഹാ​ക്ക​ര്‍ നി​ക്ഷേ​പി​ച്ച​താ​ണെ​ന്നു വെ​ളി​പ്പെ​ട്ടു. എ​ന്തു ഫ​ലം?

സാ​ന്പ​ത്തി​ക കു​റ്റ​വാ​ളി​ക​ളെ​ന്നു സം​ശ​യി​ക്കു​ന്ന​വ​രെ മാ​ത്ര​മ​ല്ല, സ​ർ​ക്കാ​രി​ന് അ​ന​ഭി​മ​ത​രാ​യ ആ​രെ​യും ഏ​തു കേ​സി​ലും കു​ടു​ക്കാ​ൻ നി​യ​മ​സാ​ധു​ത ഉ​ണ്ടാ​ക​രു​ത്. കു​റ്റ​കൃ​ത്യ​ങ്ങ​ളു​ടെ​യും കേ​സു​ക​ളു​ടെ​യും കാ​ര്യം അ​വി​ടെ നി​ൽ​ക്ക​ട്ടെ. സ്വ​കാ​ര്യ​ത ഇ​ല്ലാ​താ​ക്കു​ക എ​ന്നാ​ൽ ന​ഗ്ന​നാ​ക്ക​പ്പെ​ടു​ക എ​ന്നാ​ണ് അ​ർ​ഥം.

അ​ത്ര​മാ​ത്രം, സ​ർ​ക്കാ​രി​ന് അ​ടി​യ​റ വ​ച്ച് നി​രീ​ക്ഷ​ണ​ത്തി​നു വി​ധേ​യ​മാ​യി ജീ​വി​ക്കാ​ൻ പൗ​ര​രെ നി​ർ​ബ​ന്ധി​ത​രാ​ക്കു​ന്ന​ത് ജ​നാ​ധി​പ​ത്യ​മ​ല്ല. അ​ത്ത​രം വ​കു​പ്പ്, ആ​ദാ​യ​നി​കു​തി ബി​ല്ലി​ലു​ണ്ടെ​ങ്കി​ൽ ഒ​ഴി​വാ​ക്ക​ണം. കു​ടും​ബാം​ഗ​ങ്ങ​ൾ പോ​ലും പ​ര​സ്പ​രം ലം​ഘി​ക്കാ​ത്ത സ്വ​കാ​ര്യ​ത ഇ​നി സ​ർ​ക്കാ​ർ സ്വ​ത്താ​ണെ​ന്നു പ്ര​ഖ്യാ​പി​ക്ക​രു​ത്.