ബാ​ല​സു​ബ്ര​ഹ്മ​ണ്യ ഭ​ട്ടി​ന്‍റെ ക​മു​കു​ക​ൾ വെ​ട്ടി​നി​ര​ത്തി​യ കെ​എ​സ്ഇ​ബി ഏ​മാ​നെ​ക്കൊ​ണ്ടു
ന​ഷ്ട​പ​രി​ഹാ​രം കൊ​ടു​പ്പി​ക്ക​ണം. വ​ന​മാ​ക​ട്ടെ, കൃ​ഷി​യാ​ക​ട്ടെ,വൈ​ദ്യു​തി​യാ​ക​ട്ടെ വ​കു​പ്പു​ക​ളെ​ല്ലാം ക​ർ​ഷ​ക​ർ​ക്കു ഭാ​ര​മാ​യി.ഈ ​മ​ണ്ട​വെ​ട്ടു​കാ​രു​ടെ ത​ണ്ട് അ​വ​സാ​നി​പ്പി​ച്ചി​ല്ലെ​ങ്കി​ൽ കൃ​ഷി അ​വ​സാ​നി​ക്കും.

കാ​സ​ർ​ഗോ​ട്ട് വൈ​ദ്യു​ത​ലൈ​നി​ൽ ത​ട്ടു​മെ​ന്നാ​രോ​പി​ച്ച് കാ​യ്ഫ​ല​മു​ണ്ടാ​യി​രു​ന്ന 28 ക​മു​കു​ക​ളു​ടെ മ​ണ്ട വെ​ട്ടി​മാ​റ്റി​ക്ക​ള​ഞ്ഞു, വൈ​ദ്യു​തി ബോ​ർ​ഡി​ലെ ഉ​ദ്യോ​ഗ​സ്ഥ പ്ര​മാ​ണി​മാ​ർ. വ​ലി​ച്ചു​കെ​ട്ടി​യി​രു​ന്ന സ്റ്റേ ​ക​ന്പി തു​രു​ന്പി​ച്ചു പൊ​ട്ടി​യ​തി​നെ​ത്തു​ട​ർ​ന്നു ചാ​ഞ്ഞ തൂ​ണു മാ​റ്റു​ന്ന​തി​നു പ​ക​ര​മാ​ണ് ക​മു​ക് വെ​ട്ടി​നി​ര​ത്തി​യ​ത​ത്രേ. എ​ട്ടു ല​ക്ഷം രൂ​പ​യു​ടെ ന​ഷ്ട​മു​ണ്ടാ​യി.

മു​ന്പും ഉ​ദ്യോ​ഗ​സ്ഥ​രു​ടെ ധാ​ർ​ഷ്‌​ട്യ​ത്തി​ന് കെ​എ​സ്ഇ​ബി ന​ഷ്ട​പ​രി​ഹാ​രം കൊ​ടു​ത്തി​ട്ടു​ള്ള​താ​ണ്. ഈ ​ന​ഷ്ട​പ​രി​ഹാ​രം ഉ​ത്ത​ര​വാ​ദി​യാ​യ ഉ​ദ്യോ​ഗ​സ്ഥ​ൻ കൊ​ടു​ക്ക​ണം. വ​നം​വ​കു​പ്പി​ന്‍റെ​യും കൃ​ഷി​വ​കു​പ്പി​ന്‍റെ​യു​മൊ​ക്കെ പ്ര​തി​ലോ​മ​ക​ര​മാ​യ നി​ല​പാ​ടു​ക​ളെ അ​തി​ജീ​വി​ച്ച് കൃ​ഷി​യു​മാ​യി മു​ന്നോ​ട്ടു പോ​കു​ന്ന​വ​രു​ടെ ദേ​ഹ​ണ്ണ​ത്തി​ന്‍റെ വി​ല ഈ ​ദു​ഷ്പ്ര​ഭു​ക്ക​ള​റി​യ​ണം.

കാ​സ​ർ​ഗോ​ഡ് പു​ത്തി​ഗെ ച​ക്ക​ണി​ഗെ​യി​ല്‍ സി. ​ബാ​ല​സു​ബ്ര​ഹ്മ​ണ്യ ഭ​ട്ടി​ന്‍റെ 28 ക​മു​കു​ക​ളാ​ണ് മു​ന്ന​റി​യി​പ്പി​ല്ലാ​തെ കെ​എ​സ്ഇ​ബി അ​ധി​കൃ​ത​ര്‍ വെ​ട്ടി​ന​ശി​പ്പി​ച്ച​ത്. ഒ​മ്പ​തു വ​ർ​ഷം​മു​ന്പു വ​ച്ചു​പി​ടി​പ്പി​ച്ച്, നി​റ​യെ കാ​യ്ച്ചി​രു​ന്ന ക​മു​കു​ക​ളു​ടെ ത​ല​യാ​ണ് വെ​ട്ടി​ക്ക​ള​ഞ്ഞ​ത്. ഇ​നി പൂ​ർ​ണ​മാ​യി വെ​ട്ടി​മാ​റ്റു​ക​യ​ല്ലാ​തെ പോം​വ​ഴി​യി​ല്ല. വൈ​ദ്യു​ത​ലൈ​നി​ന് തൊ​ട്ടു​താ​ഴെ ആ​യ​തു​കൊ​ണ്ടാ​ണ് മു​റി​ച്ചു​മാ​റ്റി​യ​തെ​ന്നാ​ണ് കെ​എ​സ്ഇ​ബി​യു​ടെ വി​ശ​ദീ​ക​ര​ണം. വൈ​ദ്യു​ത​ലൈ​നി​ൽ ത​ട്ടു​ന്ന വി​ധ​ത്തി​ൽ ക​മു​കു​വ​ച്ച​ത് എ​ന്തി​നെ​ന്നാ​ണ് കെ​എ​സ്ഇ​ബി ഉ​ദ്യോ​ഗ​സ്ഥ​ർ ചോ​ദി​ക്കു​ന്ന​ത്. എ​ന്നാ​ൽ, ലൈ​നി​ൽ​നി​ന്നു വി​ട്ടാ​ണ് താ​ൻ ക​മു​ക് വ​ച്ച​തെ​ന്നും വൈ​ദ്യു​തി പോ​സ്റ്റ് ച​രി​ഞ്ഞ​തോ​ടെ ലൈ​ൻ ക​മു​കു​ക​ളി​ലേ​ക്ക് ചാ​യു​ക​യാ​യി​രു​ന്നു​വെ​ന്നും ബാ​ല​സു​ബ്ര​ഹ്മ​ണ്യ ഭ​ട്ട് പ​റ​യു​ന്നു.

തോ​ട്ട​ത്തി​ലൂ​ടെ ക​ട​ന്നു​പോ​കു​ന്ന ര​ണ്ട് വൈ​ദ്യു​തി തൂ​ണു​ക​ളി​ൽ ഒ​ന്ന് വ​ലി​ച്ചു​കെ​ട്ടി​യി​രു​ന്ന ക​ന്പി കാ​ല​പ്പ​ഴ​ക്കം​മൂ​ലം പൊ​ട്ടി​യ​തോ​ടെ തൂ​ണ് ചെ​രി​ഞ്ഞു. ഇ​തോ​ടെ ര​ണ്ടു​വ​രി ക​മു​കു​ക​ളു​ടെ മ​ധ്യ​ത്തി​ലൂ​ടെ ക​ട​ന്നു​പോ​യി​രു​ന്ന വൈ​ദ്യു​ത​ക​ന്പി ഒ​രു നി​ര ക​മു​കു​ക​ളി​ലേ​ക്കു ചെ​രി​ഞ്ഞു. ഇ​ക്കാ​ര്യം കെ​എ​സ്ഇ​ബി ഓ​ഫീ​സി​ൽ പ​ല​ത​വ​ണ അ​റി​യി​ച്ചി​രു​ന്നു​വെ​ന്നും ഭ​ട്ട് പ​റ​ഞ്ഞു. എ​ന്നാ​ൽ, തൂ​ണു നേ​രെ​യാ​ക്കാ​ൻ ഒ​ന്നും ചെ​യ്യാ​തി​രു​ന്ന കെ​എ​സ്ഇ​ബി സ്ഥ​ല​മു​ട​മ​യെ അ​റി​യി​ക്കാ​തെ ഇ​ത​ര​സം​സ്ഥാ​ന തൊ​ഴി​ലാ​ളി​ക​ളെ​ക്കൊ​ണ്ട് കൃ​ത്യം ന​ട​ത്തി. മി​ക​ച്ച കാ​യ്ഫ​ലം ന​ൽ​കു​ന്ന മം​ഗ​ള ഇ​ന​ത്തി​ൽ​പ്പെ​ട്ട ക​മു​കു​ക​ളി​ൽ​നി​ന്നു നാ​ലു വ​ർ​ഷ​മാ​യി അ​ട​യ്ക്ക ല​ഭി​ക്കു​ന്നു​ണ്ടാ​യി​രു​ന്നു.

കെ​ടു​കാ​ര്യ​സ്ഥ​ത​യും അ​ഴി​മ​തി​യും മൂ​ലം ഈ ​സം​സ്ഥാ​ന​ത്തി​ന് ഏ​റെ നാ​ശ​മു​ണ്ടാ​ക്കി​യി​ട്ടു​ണ്ട് വൈ​ദ്യു​തി വ​കു​പ്പ്. അ​തി​ന്‍റെ ഭാ​ര​മെ​ല്ലാം ചു​മ​ക്കു​ന്ന​ത് ഉ​പ​യോ​ക്താ​ക്ക​ളാ​ണ്. അ​പ​ക​ട​സാ​ധ്യ​ത​ക​ൾ യ​ഥാ​സ​മ​യം പ​രി​ഹ​രി​ക്കാ​ത്ത​തി​നാ​ൽ നി​ര​വ​ധി മ​നു​ഷ്യ​രു​ടെ ജീ​വ​നെ​ടു​ത്തി​ട്ടു​മു​ണ്ട് കെ​എ​സ്ഇ​ബി. എ​ന്നി​ട്ടോ? കു​റ്റ​വാ​ളി​ക​ൾ ശി​ക്ഷി​ക്ക​പ്പെ​ടാ​റി​ല്ല. 2023 ഓ​ഗ​സ്റ്റി​ൽ ഓ​ണ​ത്തി​നു മു​ന്പ് കോ​ത​മം​ഗ​ലം വാ​ര​പ്പെ​ട്ടി​യി​ൽ തോ​മ​സ് എ​ന്ന ക​ർ​ഷ​ക​ന്‍റെ 400 കു​ല​വാ​ഴ​ക​ളാ​ണ് കെ​എ​സ്ഇ​ബി ഉ​ദ്യോ​ഗ​സ്ഥ​ർ വെ​ട്ടി​ക്ക​ള​ഞ്ഞ​ത്.

ജ​ന​രോ​ഷം ശ​ക്ത​മാ​യ​തി​നെ​ത്തു​ട​ർ​ന്ന് മൂ​ന്ന​ര ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​കാ​ൻ തീ​രു​മാ​നി​ക്കു​ക​യും ചെ​യ്തു. കേ​ര​ള​ത്തി​ൽ അ​ങ്ങോ​ള​മി​ങ്ങോ​ളം കെ​എ​സ്ഇ​ബി ഇ​ത്ത​രം ധാ​ർ​ഷ്‌​ട്യം ന​ട​പ്പാ​ക്കു​ന്നു​ണ്ട്. കൃ​ഷി​യി​ട​ങ്ങ​ൾ വെ​ട്ടി​നി​ര​ത്തു​ന്പോ​ൾ​പോ​ലും മു​ന്ന​റി​യി​പ്പു ന​ൽ​കാ​റി​ല്ല. വാ​ഴ​കൃ​ഷി ന​ശി​പ്പി​ച്ച​തി​ലും വ​ലി​യ ന​ഷ്ട​മാ​ണ് ക​മു​കു​ക​ൾ വെ​ട്ടി​നി​ര​ത്തി​യ​തി​ലൂ​ടെ ഉ​ണ്ടാ​യി​രി​ക്കു​ന്ന​ത്. വ​ർ​ഷ​ങ്ങ​ളോ​ളം ല​ഭി​ക്കേ​ണ്ടി​യി​രു​ന്ന വ​രു​മാ​ന​മാ​ണ് ഇ​ല്ലാ​താ​ക്കി​യ​ത്. സ്ഥി​ര​വി​ല​യി​ല്ലാ​ത്ത​തും ക​മു​കി​ൽ ക​യ​റാ​ൻ ആ​ളെ കി​ട്ടാ​ത്ത​തും മൂ​ലം പ​ല​രും ക​മു​ക് കൃ​ഷി​യി​ൽ​നി​ന്നു പി​ൻ​വാ​ങ്ങി. ക​ഴി​ഞ്ഞ മേ​യി​ൽ അ​ട​യ്ക്ക​യ്ക്ക് ഒ​രു​വി​ധം വി​ല കി​ട്ടി​യി​രു​ന്നെ​ങ്കി​ലും സെ​പ്റ്റം​ബ​ർ ആ​യ​തോ​ടെ വി​ല​യി​ടി​ഞ്ഞു. പി​ന്നീ​ട് ഡി​സം​ബ​റി​ൽ 450 രൂ​പ​വ​രെ ഉ​യ​ർ​ന്നു. ഇ​ത്ത​രം അ​നി​ശ്ചി​താ​വ​സ്ഥ​ക​ളെ അ​തി​ജീ​വി​ച്ചു മു​ന്നോ​ട്ടു പോ​കാ​ൻ ക​ർ​ഷ​ക​ർ പെ​ടാ​പ്പാ​ടു പെ​ടു​ന്പോ​ഴാ​ണ് കെ​എ​സ്ഇ​ബി​യു​ടെ ക്രൂ​ര​വി​നോ​ദം. ബാ​ല​സു​ബ്ര​ഹ്മ​ണ്യ ഭ​ട്ട് എ​ട്ട് ല​ക്ഷം രൂ​പ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് ജി​ല്ലാ ക​ള​ക്ട​ർ​ക്കു പ​രാ​തി ന​ൽ​കി​യി​ട്ടു​ണ്ട്.

ത​ന്‍റെ ഒ​ന്പ​തു വ​ർ​ഷ​ത്തെ അ​ധ്വാ​നം ഒ​റ്റ​ദി​വ​സം​കൊ​ണ്ടു ന​ശി​ച്ചു​കി​ട​ക്കു​ന്ന​തു കാ​ണേ​ണ്ടി​വ​ന്ന ക​ർ​ഷ​ക​ന്‍റെ വേ​ദ​ന കൃ​ഷി​മ​ന്ത്രി പി. ​പ്ര​സാ​ദും വൈ​ദ്യു​തി മ​ന്ത്രി കെ. ​കൃ​ഷ്ണ​ൻ​കു​ട്ടി​യും തി​രി​ച്ച​റി​യ​ണം. ഈ ​ന​ഷ്ടം വ​രു​ത്തി​വ​ച്ച​ത് കെ​എ​സ്ഇ​ബി​യ​ല്ല, ബ​ന്ധ​പ്പെ​ട്ട ഉ​ദ്യോ​ഗ​സ്ഥ​നാ​ണ്. ഇ​ത്ത​വ​ണ ഉ​ത്ത​ര​വാ​ദി​യാ​യ ഉ​ദ്യോ​ഗ​സ്ഥ​നെ​ക്കൊ​ണ്ട് ന​ഷ്ട​പ​രി​ഹാ​രം കൊ​ടു​പ്പി​ച്ചാ​ൽ ഇ​നി​യൊ​രു​ത്ത​നും ക​ർ​ഷ​ക​ന്‍റെ അ​ധ്വാ​ന​ഫ​ല​ത്തി​നു​മേ​ൽ കൈ ​പൊ​ക്കി​ല്ല. ബാ​ല​സു​ബ്ര​ഹ്മ​ണ്യ ഭ​ട്ടി​നു പൂ​ർ​ണ ന​ഷ്ട​പ​രി​ഹാ​രം കൊ​ടു​ക്ക​ണം. വൈ​ദ്യു​തി തൂ​ണ് നേ​രേ​യാ​ക്കു​ന്ന​തി​നു പ​ക​രം ക​മു​ക് വെ​ട്ടാ​ൻ ഉ​ത്ത​ര​വി​ട്ട കു​റ്റ​വാ​ളി ശി​ക്ഷി​ക്ക​പ്പെ​ടു​ക​യും വേ​ണം. ഇ​തൊ​രു പാ​ഠ​മാ​ക​ണം.