ആ​​റ​​ള​​ത്തൊ​​രു ആ​​ദി​​വാ​​സി യു​വ​തി വ​​നം മ​​ന്ത്രി​​യു​​ടെ മു​​ഖ​​ത്തു​​നോ​​ക്കി കാ​​ര്യം പ​​റ​​ഞ്ഞി​​ട്ടു​​ണ്ട്. മ​​ന്ത്രി വി​​യ​​ർ​​ത്തു. വ​​നം​​വ​​കു​​പ്പി​​നെ തീ​​റ്റി​​പ്പോ​​റ്റി​​ക്കൊ​​ള്ളൂ. പ​​ക്ഷേ, ഇ​​വി​​ടെ​​യൊ​​രു വ​​ന്യ​​ജീ​​വി പ്ര​​തി​​രോ​​ധ വ​​കു​​പ്പു വേ​​ണം. ഈ ​​വ​​നി​​ത​​യെ​​പ്പോ​​ലൊ​​രാ​​ൾ മ​​ന്ത്രി​​യു​​മാ​​ക​​ണം.

ത​ല​സ്ഥാ​ന​ത്ത് ഇ​ന്നൊ​രു ഉ​ന്ന​ത​ത​ല​യോ​ഗ​മു​ണ്ട്. ക​ണ്ണൂ​ർ ആ​റ​ളം ഫാ​മി​ൽ ആ​ദി​വാ​സി ദ​ന്പ​തി​മാ​രെ ആ​ന ച​വി​ട്ടി​ക്കൊ​ന്ന​തി​ന്‍റെ പ​ശ്ചാ​ത്ത​ല​ത്തി​ൽ വ​ന്യ​ജീ​വി ആ​ക്ര​മ​ണം ത​ട​യാ​നു​ള്ള ന​ട​പ​ടി​ക​ള്‍ വി​ല​യി​രു​ത്താ​നാ​ണ് മു​ഖ്യ​മ​ന്ത്രി യോ​ഗം വി​ളി​ച്ച​ത്.

പ്രി​യ​പ്പെ​ട്ട ഒ​രാ​ളെ​പ്പോ​ലും വ​ന്യ​ജീ​വി ആ​ക്ര​മ​ണ​ത്തി​ൽ ന​ഷ്ട​പ്പെ​ട്ടി​ട്ടി​ല്ലാ​ത്ത​വ​രും ന​ഷ്ട​പ്പെ​ടാ​നി​ട​യി​ല്ലാ​ത്ത ജീ​വി​ത​സാ​ഹ​ച​ര്യ​ങ്ങ​ളി​ൽ ക​ഴി​യു​ന്ന​വ​രും ശീ​തീ​ക​രി​ച്ച മു​റി​യി​ൽ വ​ട്ട​ത്തി​ലി​രു​ന്ന് വെ​ടി​പ​റ​ഞ്ഞ് ഉ​പ​ചാ​രം ചൊ​ല്ലി​പ്പി​രി​യു​ന്ന പ​തി​വാ​ണ് ഇ​ത്ത​വ​ണ​യു​മെ​ങ്കി​ൽ എ​ന്തി​നീ പ്ര​ഹ​സ​നം? ഈ ​മാ​സം മാ​ത്രം ഏ​ഴു​പേ​രെ ആ​ന ച​വി​ട്ടിക്കൊ​ന്നു, മു​ഖ്യ​മ​ന്ത്രി. ഇ​നി​യെ​ത്ര കു​രു​തി വേ​ണം? ക​ഴി​ഞ്ഞ​ദി​വ​സം ആ​റ​ള​ത്തെ ആ​ദി​വാ​സി യു​വ​തി വ​നം മ​ന്ത്രി​യു​ടെ മു​ഖ​ത്തു​നോ​ക്കി കാ​ര്യം പ​റ​ഞ്ഞി​ട്ടു​ണ്ട്. മു​ഴു​വ​ൻ സ​ർ​ക്കാ​രി​ന്‍റെ കെ​ടു​കാ​ര്യ​സ്ഥ​ത. ഈ ​വ​നി​ത​യെ​പ്പോ​ലെ വ​ന്യ​ജീ​വി​ക​ളു​ടെ ച​ല​ന​ങ്ങ​ളും മ​നു​ഷ്യ​രു​ടെ വേ​ദ​ന​യും തി​രി​ച്ച​റി​യാ​വു​ന്ന ഒ​രാ​ൾ മ​ന്ത്രി​സ്ഥാ​ന​ത്തു​ണ്ടാ​യി​രു​ന്നെ​ങ്കി​ൽ വ​നം വ​കു​പ്പ് ഇ​ത്ര ദു​ര​ന്ത​മാ​കു​മാ​യി​രു​ന്നി​ല്ല.

ആ​റ​ളം കൊ​ല​ക്ക​ള​മാ​യി. നി​ല​വി​ൽ എ​ൺ​പ​തോ​ളം ആ​ന​ക​ളാ​ണ് അ​വി​ടെ ത​ന്പ​ടി​ക്കു​ന്ന​ത്. ജ​ന​രോ​ഷം മ​റി​ക​ട​ക്കാ​ൻ ഇ​ന്ന് അ​വ​യെ തു​ര​ത്തും, നാ​ളെ തി​രി​ച്ചു​വ​രും. ഇ​ത്ത​രം മു​ട്ടു​ശാ​ന്തി​ക​ൾ​കൊ​ണ്ടു പ്ര​ശ്ന​പ​രി​ഹാ​രം ഉ​ണ്ടാ​കു​മാ​യി​രു​ന്നെ​ങ്കി​ൽ 2014 മു​ത​ൽ ഇ​തു​വ​രെ ആ​റ​ള​ത്ത് 17 പേ​ർ കൊ​ല്ല​പ്പെ​ടു​ക​യി​ല്ലാ​യി​രു​ന്ന​ല്ലോ. സ​ർ​വ​ക​ക്ഷി​യോ​ഗ​വും ഉ​ന്ന​ത​ത​ല യോ​ഗ​വും പ്ര​ഖ്യാ​പ​ന​ങ്ങ​ളു​മൊ​ക്കെ കേ​ട്ടു​മ​ടു​ത്ത ആ​ദി​വാ​സി​ക​ളു​ടെ പ്ര​തി​നി​ധി​യാ​യ ശ്യാ​മ​യാ​ണ് ക​ഴി​ഞ്ഞ​ദി​വ​സം, നി​ങ്ങ​ളു​ടെ സു​ര​ക്ഷാ​ന​ട​പ​ടി​ക​ളും പ​ണി​ക​ളും മി​നി​റ്റ്സും ഒ​ന്നും കാ​ണ​ണ്ട, ആ​റ​ള​ത്ത് ഇ​നി​യൊ​രാ​ളും കൊ​ല്ല​പ്പെ​ടി​ല്ലെ​ന്ന് എ​ഴു​തി​ത്ത​രാ​മോ​യെ​ന്നു വ​നം മ​ന്ത്രി​യോ​ടു ചോ​ദി​ച്ച​ത്. ആ ​യു​വ​തി​യു​ടെ വാ​ക്കു​ക​ൾ കേ​ട്ടാ​ൽ ആ​ത്മാ​ഭി​മാ​ന​മു​ള്ള ഒ​രു മ​ന്ത്രി​യും ആ ​സ്ഥാ​ന​ത്തു തു​ട​രി​ല്ല. “വ​ന്യ​ജീ​വി ആ​ക്ര​മ​ണ​ത്തി​ൽ ദ്രു​ത​ഗ​തി​യി​ൽ ഇ​ട​പെ​ടേ​ണ്ട റാ​പ്പി​ഡ് റെ​സ്പോ​ൺ​സ് ടീ​മി​നെ ഒ​രു പ്ര​യോ​ജ​ന​വു​മി​ല്ലാ​തെ എ​ന്തി​നി​ങ്ങ​നെ വ​ച്ചു​വാ​ഴി​ക്ക​ണം.

ആ​ന എ​വി​ടെ​യാ​ണെ​ന്ന് ആ​ർ​ആ​ർ​ടി​ക്ക് ആ​ദി​വാ​സി കാ​ണി​ച്ചു​കൊ​ടു​ക്ക​ണം. ആ ​പ​ണം ഈ ​സാ​ധാ​ര​ണ​ക്കാ​രെ ഏ​ൽ​പ്പി​ച്ചാ​ൽ അ​വ​ര​തു ന​ന്നാ​യി ചെ​യ്തു​ത​രും. മൂ​ന്നു മാ​സ​ത്തി​ലൊ​രി​ക്ക​ൽ അ​ടി​ക്കാ​ടു വെ​ട്ടും, മൂ​ന്നു വാ​ഹ​ന​ങ്ങ​ളി​ൽ രാ​വും പ​ക​ലും പ​ട്രോ​ളിം​ഗ് ന​ട​ത്തും തു​ട​ങ്ങി​യ വാ​ഗ്ദാ​ന​ങ്ങ​ളൊ​ക്കെ പാ​ഴാ​യി. കാ​ടു​വെ​ട്ടാ​ൻ 35 ആ​ദി​വാ​സി​ക​ൾ​ക്കു പ​രി​ശീ​ല​നം ന​ൽ​കി ഉ​പ​ക​ര​ണ​ങ്ങ​ളും കൊ​ടു​ത്തു. ര​ണ്ടു മാ​സ​ത്തി​ന​കം ഫ​ണ്ടി​ല്ലെ​ന്നു പ​റ​ഞ്ഞു പ​ണി നി​ർ​ത്തി​ച്ചു. ഇ​പ്പോ​ൾ മു​ട​ക്കി​യ പ​ണ​മെ​ല്ലാം പാ​ഴാ​ക്കി​ക്കൊ​ണ്ട് അ​തേ പ​ണി ചെ​യ്യാ​ൻ സ്വ​കാ​ര്യ വ്യ​ക്തി​ക്കു ല​ക്ഷ​ങ്ങ​ളു​ടെ ക​രാ​ർ കൊ​ടു​ത്തി​രി​ക്കു​ന്നു. 10 മാ​സം​കൊ​ണ്ടു തീ​ർ​ക്കാ​നേ​ൽ​പ്പി​ച്ച ആ​ന​മ​തി​ലാ​ണ് അ​ഞ്ചു​വ​ർ​ഷ​മാ​യി​ട്ടും ഒ​ന്നു​മാ​കാ​ത്ത​ത്. ആ​റ​ളം ഫാ​മി​നെ​ക്കു​റി​ച്ച് ഉ​ന്ന​ത​രും ഉ​ദ്യോ​ഗ​സ്ഥ​രും പ​റ​യു​ന്ന​തേ സാ​റി​ന് അ​റി​യ​ത്തു​ള്ളൂ. ഈ ​മ​നു​ഷ്യ​രോ​ട് ചോ​ദി​ക്ക്.” ശ്യാ​മ പ​റ​ഞ്ഞ കാ​ര്യ​ങ്ങ​ളാ​ണ് സം​സ്ഥാ​ന​ത്തു ന​ട​ക്കു​ന്ന​ത്. സ​ർ​ക്കാ​രി​ന്‍റെ പാ​ഴാ​യ വാ​ക്കു​ക​ൾ, പ​തി​വാ​കു​ന്ന മ​ര​ണം.

ആ​ക്ര​മ​ണ​കാ​രി​യാ​യ വ​ന്യ​ജീ​വി​യെ കൊ​ല്ലാ​ൻ അ​പ്രാ​യോ​ഗി​ക​മാ​യ ന​ട​പ​ടി​ക്ര​മ​ങ്ങ​ൾ​കൊ​ണ്ട് നി​റ​ച്ചി​രി​ക്കു​ന്ന 1972ലെ ​വ​നം വ​ന്യ​ജീ​വി നി​യ​മ​ത്തി​ല​ല്ല, അ​ക്ര​മ​കാ​രി​ക​ളാ​യ വ​ന്യ​ജീ​വി​ക​ളെ കൊ​ല്ലാ​നു​ള്ള വ​കു​പ്പു​ക​ൾ സ​ർ​ക്കാ​ർ ഉ​പ​യോ​ഗി​ക്കാ​ത്ത​തി​ലാ​ണ് കോ​ൺ​ഗ്ര​സി​ന്‍റെ​യും ബി​ജെ​പി​യു​ടെ​യും എ​തി​ർ​പ്പ്. കാ​ര​ണം, അ​വ​രു​ടെ കേ​ന്ദ്ര​നേ​തൃ​ത്വ​ങ്ങ​ൾ നി​യ​മ​ത്തി​ന് അ​നു​കൂ​ല​മാ​ണ്. ആ​റ​ള​ത്തെ​ത്തി​യ വ​നം​മ​ന്ത്രി​യു​ടെ കാ​റി​ന്‍റെ ബോ​ണ​റ്റി​ൽ ച​വി​ട്ടി​ക്ക​യ​റി പ്ര​തി​ഷേ​ധി​ച്ച​വ​ർ വ​നം-​വ​ന്യ​ജീ​വി നി​യ​മ​ത്തി​നെ​തി​രേ പാ​ർ​ല​മെ​ന്‍റി​ൽ സം​സാ​രി​ക്കി​ല്ലെ​ന്നു പ​റ​ഞ്ഞ പ്രി​യ​ങ്ക​ഗാ​ന്ധി എം​പി​യു​ടെ മു​ന്നി​ൽ താ​ണു​വ​ണ​ങ്ങും.

നി​യ​മ​ത്തി​ന്‍റെ അ​പ്രാ​യോ​ഗി​ക​ത അ​റി​യാ​മെ​ങ്കി​ലും ഹ​ർ​ത്താ​ൽ ന​ട​ത്തി ക​ണ്ണി​ൽ പൊ​ടി​യി​ടാ​ന​ല്ലാ​തെ കേ​ന്ദ്ര​ത്തോ​ടു കാ​ര്യം പ​റ​യാ​ൻ സം​സ്ഥാ​ന​ത്തെ ബി​ജെ​പി​ക്കു മു​ട്ടി​ടി​ക്കും. സം​സ്ഥാ​ന​ത്തെ ഏ​റ്റ​വും വ​ലി​യ പ്ര​തി​സ​ന്ധി​യാ​ണെ​ങ്കി​ലും വ​ന്യ​ജീ​വി ആ​ക്ര​മ​ണ​ങ്ങ​ൾ ത​ട​യു​ന്ന​തി​ൽ ഇ​വി​ട​ത്തെ ഒ​രു രാ​ഷ്‌​ട്രീ​യ പാ​ർ​ട്ടി​ക്കും കൃ​ത്യ​മാ​യ പ​ഠ​ന​മോ പ​ദ്ധ​തി​ക​ളോ കാ​ഴ്ച​പ്പാ​ടോ ഇ​ല്ല.

വ​ന്യ​ജീ​വി​ക​ളു​ടെ എ​ണ്ണം വ​ർ​ധി​ച്ച​തും മ​റ്റൊ​രു കാ​ര​ണ​മാ​യി. പ​ക്ഷേ, എ​ണ്ണം ഗ​ണ്യ​മാ​യി കു​റ​ഞ്ഞെ​ന്നാ​ണ് വ​നം​വ​കു​പ്പ് പ​റ​യു​ന്ന​ത്. എ​ങ്കി​ൽ, വ​ന​ത്തി​ലെ വി​ഹാ​ര​മേ​ഖ​ല വ​ർ​ധി​ച്ചി​ട്ടും ഇ​വ​യെ​ല്ലാം നാ​ട്ടി​ലി​റ​ങ്ങു​ന്ന​ത് എ​ന്തി​നാ​ണ്? ആ​രോ​ടു ചോ​ദി​ക്കാ​ൻ? ഇ​ത്ത​രം ക​ണ​ക്കു​ക​ളു​മാ​യി ന​ട​ക്കു​ന്ന വ​നം വ​കു​പ്പു​ദ്യോ​ഗ​സ്ഥ​രാ​ണ് ഇ​ന്ന​ത്തെ ഉ​ന്ന​ത​ത​ല യോ​ഗ​വും നി​യ​ന്ത്രി​ക്കു​ന്ന​ത്. എ​ന്തൊ​രു നി​സ​ഹാ​യാ​വ​സ്ഥ​യാ​ണി​ത്! മ​റ്റൊ​രു വാ​ദം, വ​ന്യ​ജീ​വി​ക​ളു​ടെ ആ​വാ​സ​വ്യ​വ​സ്ഥ മ​നു​ഷ്യ​ൻ കൈ​യേ​റി എ​ന്ന പ​രി​സ്ഥി​തി​ക്കാ​രു​ടെ മു​ട്ടാ​പ്പോ​ക്കാ​ണ്.

തീ​ർ​ച്ച​യാ​യും, കേ​ര​ള​ത്തി​ൽ എ​ന്ന​ല്ല ലോ​ക​ത്തെ​വി​ടെ​യും ഒ​രി​ക്ക​ൽ കാ​ടാ​യി​രു​ന്ന പ്ര​ദേ​ശ​ങ്ങ​ളി​ലാ​ണ് ഈ ​വ​ന്യ​ജീ​വി-​പ​രി​സ്ഥി​തി​പ്രേ​മി​ക​ൾ ഉ​ൾ​പ്പെ​ടെ എ​ല്ലാ​വ​രും ജ​ന​വാ​സ​കേ​ന്ദ്ര​ങ്ങ​ളും ന​ഗ​ര​ങ്ങ​ളു​മൊ​ക്കെ കെ​ട്ടി​പ്പ​ടു​ത്തു ജീ​വി​ക്കു​ന്ന​ത്. വ​ന്യ​ജീ​വി​ക​ളു​ടെ ആ​വാ​സ​വ്യ​വ​സ്ഥ​യി​ൽ ജീ​വി​ക്ക​ണ​മെ​ന്ന് അ​വി​ടെ​യു​ള്ള ക​ർ​ഷ​ക​ർ​ക്കും ആ​ദി​വാ​സി​ക​ൾ​ക്കും ഒ​രു നി​ർ​ബ​ന്ധ​വു​മി​ല്ല. അ​വ​ർ​ക്കു മ​റ്റെ​വി​ടെ​യെ​ങ്കി​ലും അ​ന്ത​സാ​യി ജീ​വി​ക്കാ​നു​ള്ള വ​ഴി​യൊ​രു​ക്കി​ക്കൊ​ടു​ത്താ​ൽ മ​തി. ഇ​തൊ​ന്നും ചെ​യ്യാ​തെ സു​ര​ക്ഷി​ത​മാ​യ വീ​ടു​ക​ളി​ൽ സു​ഖി​ച്ചു​വാ​ഴു​ന്ന​വ​ർ മ​ര​ണ​മു​ഖ​ത്തു ക​ഴി​യു​ന്ന​വ​രെ വെ​ല്ലു​വി​ളി​ക്കു​ക​യാ​ണ്.

കേ​ര​ള​ത്തി​ന്‍റെ ഭൂ​വി​സ്തൃ​തി​യു​ടെ 29 ശ​ത​മാ​ന​വും നി​ല​വി​ൽ വ​ന​മാ​ണ്. അ​തു വ​ർ​ധി​പ്പി​ക്കാ​ൻ ഏ​റ്റ​വും എ​ളു​പ്പ​മു​ള്ള വ​ഴി​യാ​യി ബ​ഫ​ർ​സോ​ണു​ക​ൾ മാ​റി​യി​ട്ടു​ണ്ട്. ഒ​ഴി​ച്ചി​ടു​ന്ന ബ​ഫ​ർ സോ​ണു​ക​ൾ താ​മ​സി​യാ​തെ വ​ന​മാ​കു​ക​യും വ​ന്യ​ജീ​വി​ക​ളു​ടെ ആ​വാ​സ​കേ​ന്ദ്ര​മാ​കു​ക​യും ചെ​യ്യും. ആ​റ​ള​ത്ത് ഉ​ൾ​പ്പെ​ടെ മ​ല​യോ​ര​ങ്ങ​ളി​ൽ​നി​ന്ന് പ​തി​നാ​യി​ര​ങ്ങ​ൾ കു​ടി​യി​റ​ങ്ങി​ക്ക​ഴി​ഞ്ഞു. പോ​കാ​ൻ മ​റ്റൊ​രി​ട​വു​മി​ല്ലാ​ത്ത​വ​ർ​ക്കാ​ണ് കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളും പ്ര​തി​പ​ക്ഷ​വും പ്രാ​കൃ​ത​നി​യ​മ​ങ്ങ​ളു​ടെ ഇ​ല​യി​ട്ടു കൊ​ല​ച്ചോ​റു വി​ള​ന്പു​ന്ന​ത്.

വ​നം​വ​കു​പ്പി​നെ തീ​റ്റി​പ്പോ​റ്റി​ക്കൊ​ള്ളൂ. പ​ക്ഷേ, അ​വ​രു​ടെ ഉ​ന്മൂ​ല​ന പ​ദ്ധ​തി​ക​ളെ ചെ​റു​ത്ത് മ​നു​ഷ്യ​രെ സം​ര​ക്ഷി​ക്കാ​ൻ ഇ​വി​ടെ​യൊ​രു വ​ന്യ​ജീ​വി പ്ര​തി​രോ​ധ വ​കു​പ്പു വേ​ണം. അ​തി​ന്‍റെ ചു​മ​ത​ല ആ​റ​ള​ത്തെ ശ്യാ​മ​യെ​പ്പോ​ലു​ള്ള ആ​ദി​വാ​സി​ക​ളെ​യോ വ​നാ​തി​ർ​ത്തി​യി​ലെ ന​ര​ക​യാ​ത​ന​ക്കാ​രാ​യ ക​ർ​ഷ​ക​രെ​യോ ഏ​ൽ​പ്പി​ക്ക​ണം.