എ​ല്ലു​മു​റി​യെ പ​ണി​യെ​ടു​ത്തു വ​ല​ഞ്ഞ ആ​ശാ വ​ർ​ക്ക​ർ​മാ​ർ ജീ​വി​ക്കാ​നു​ള്ള പ്ര​തി​ഫ​ല​ത്തി​നു​വേ​ണ്ടി സെ​ക്ര​ട്ടേ​റി​യ​റ്റ് പ​ടി​ക്ക​ൽ ന​ട​ത്തു​ന്ന സ​മ​രം കാ​ണാ​ത്ത​വ​ർ, പി​എ​സ്എ​സി ചെ​യ​ർ​മാ​നും അം​ഗ​ങ്ങ​ൾ​ക്കും ല​ക്ഷ​ങ്ങ​ൾ വാ​രി​വി​ത​റു​ന്നു. എ​വി​ടെ​യോ എ​ന്തോ കു​ഴ​പ്പ​മി​ല്ലേ?

സ​മ​ര​മി​ല്ല, സ​ത്യ​ഗ്ര​ഹ​മി​ല്ല, പ്ര​തി​ഷേ​ധ​പ്ര​ക​ട​ന​മി​ല്ല... അ​വ​ർ ചോ​ദി​ച്ചു, സ​ർ​ക്കാ​ർ കൊ​ടു​ത്തു. പ​ബ്ലി​ക് സ​ർ​വീ​സ് ക​മ്മീ​ഷ​ൻ (പി​എ​സ്‌​സി) ചെ​യ​ർ​മാ​നും അം​ഗ​ങ്ങ​ൾ​ക്കും ശ​ന്പ​ളം വ​ർ​ധി​പ്പി​ക്കാ​ൻ ഇ​ന്ന​ലെ സം​സ്ഥാ​ന മ​ന്ത്രി​സ​ഭാ യോ​ഗം തീ​രു​മാ​നി​ച്ചു. ഇ​ത​നു​സ​രി​ച്ച് അ​ല​വ​ൻ​സു​ക​ൾ ഉ​ൾ​പ്പെ​ടെ പി​എ​സ്‌​സി ചെ​യ​ർ​മാ​ന് 3.5-4 ല​ക്ഷ​ത്തി​നി​ട​യി​ലും അം​ഗ​ങ്ങ​ൾ​ക്ക് 3.5 ല​ക്ഷ​ത്തോ​ള​വും രൂ​പ ല​ഭി​ച്ചേ​ക്കും. ഇ​തു കേ​ട്ട​പ്പോ​ൾ, മ​ല​യാ​ളി​യു​ടെ മ​സ്തി​ഷ്ക​ത്തി​ൽ ആ​ദ്യം തെ​ളി​ഞ്ഞ​ത്, സെ​ക്ര​ട്ടേ​റി​യ​റ്റി​നു പു​റ​ത്ത് രാ​പ​ക​ൽ സ​മ​രം ന​ട​ത്തു​ന്ന ആ​ശാ വ​ർ​ക്ക​ർ​മാ​രാ​യ വ​നി​ത​ക​ളു​ടെ സ​ങ്ക​ടം നി​ഴ​ലി​ക്കു​ന്ന മു​ഖ​മാ​ണ്. ഒ​രു പി​എ​സ്‌​സി അം​ഗ​ത്തി​ന് ല​ഭി​ക്കാ​നി​രി​ക്കു​ന്ന ഒ​രു മാ​സ​ത്തെ ശ​ന്പ​ളം, ആ ​പാ​വ​ങ്ങ​ൾ​ക്കു കി​ട്ട​ണ​മെ​ങ്കി​ൽ മൂ​ന്നു​കൊ​ല്ലം പ​ണി​യെ​ടു​ക്ക​ണം. ജ​നം എ​ന്തു വി​ചാ​രി​ക്കു​മെ​ന്നു​പോ​ലും ചി​ന്തി​ക്കാ​ൻ ശേ​ഷി​യി​ല്ലാ​ത്ത ഈ ​സ​ർ​ക്കാ​ർ ആ​രു​ടേ​താ​ണ്?

ചെ​യ​ർ​മാ​നും അം​ഗ​ങ്ങ​ളും അ​ട​ക്ക​മു​ള്ള​വ​രു​ടെ പ്ര​തി​മാ​സ ശ​ന്പ​ള​ത്തി​ൽ 1.25-1.5 ല​ക്ഷ​ത്തോ​ളം രൂ​പ​യു​ടെ വ​ർ​ധ​ന വ​രു​ത്താ​നാ​ണ് മ​ന്ത്രി​സ​ഭ തീ​രു​മാ​നി​ച്ച​ത്. ചെ​യ​ർ​മാ​ന്‍റെ ശ​ന്പ​ള​സ്കെ​യി​ൽ ജി​ല്ലാ ജ​ഡ്ജി​മാ​രു​ടെ പ​ര​മാ​വ​ധി സൂ​പ്പ​ർ ടൈം ​സ്കെ​യി​ലി​നും, അം​ഗ​ങ്ങ​ളു​ടേ​ത് ജി​ല്ലാ ജ​ഡ്ജി​മാ​രു​ടെ പ​ര​മാ​വ​ധി സെ​ല​ക്‌​ഷ​ൻ ഗ്രേ​ഡി​നും സ​മാ​ന​മാ​യി പ​രി​ഷ്ക​രി​ക്കാ​നാ​ണ് തീ​രു​മാ​നം. നി​ല​വി​ൽ പി​എ​സ്‌​സി ചെ​യ​ർ​മാ​ന് ല​ഭി​ക്കു​ന്ന 2.60 ല​ക്ഷം രൂ​പ​യും അം​ഗ​ങ്ങ​ൾ​ക്കു ല​ഭി​ക്കു​ന്ന 2.42 ല​ക്ഷം രൂ​പ​യു​മാ​ണ് 3.5-4 ല​ക്ഷ​വും 3.5 ല​ക്ഷ​വു​മാ​യി വ​ർ​ധി​പ്പി​ച്ച​ത്.

കൂ​ടാ​തെ ഇ​വ​ർ​ക്ക് കാ​ർ, ഡ്രൈ​വ​ർ, താ​മ​സ​ത്തി​ന് ഫ്ളാ​റ്റ് എ​ന്നി​വ​യു​മു​ണ്ട്. പെ​ൻ​ഷ​ന്‍റെ കാ​ര്യം​കൂ​ടി അ​റി​ഞ്ഞാ​ലേ ചി​ത്രം പൂ​ർ​ണ​മാ​കൂ. പ​ര​മാ​വ​ധി കാ​ല​യ​ള​വാ​യ ആ​റു വ​ർ​ഷ​വും അം​ഗ​ത്വ​മു​ണ്ടാ​യി​രു​ന്ന​യാ​ൾ​ക്ക് ശ​ന്പ​ള​ത്തി​ന്‍റെ 45 ശ​ത​മാ​നം തു​ക അ​ടി​സ്ഥാ​ന പെ​ൻ​ഷ​നാ​യി ല​ഭി​ക്കും. കൂ​ടാ​തെ, യ​ഥാ​സ​മ​യ​ങ്ങ​ളി​ലെ ഡി​എ​യു​മു​ണ്ടാ​കും. അ​താ​യ​ത്, ര​ണ്ടു ല​ക്ഷ​ത്തി​നു മു​ക​ളി​ൽ പ്ര​തി​മാ​സ പെ​ൻ​ഷ​ൻ! ഒ​രു വ​ർ​ഷം പി​എ​സ്‌​സി അം​ഗ​മാ​യി ഇ​രു​ന്ന​യാ​ൾ​ക്ക് ശ​ന്പ​ള​ത്തി​ന്‍റെ 7.5 ശ​ത​മാ​ന​മാ​ണ് അ​ടി​സ്ഥാ​ന പെ​ൻ​ഷ​ൻ തു​ക. തു​ട​ർ​ന്നു​ള്ള ഓ​രോ വ​ർ​ഷ​വും 7.5 ശ​ത​മാ​നം വീ​തം വ​ർ​ധി​ച്ചു​കൊ​ണ്ടി​രി​ക്കും.

പി​എ​സ്‌​സി വ​ഴി​യു​ള്ള തൊ​ഴി​ല​വ​സ​ര​ങ്ങ​ൾ പ​കു​തി​യോ​ളം കു​റ​ഞ്ഞ കാ​ല​ത്താ​ണ് ഈ ​അ​ധി​കാ​ര ദു​ർ​വി​നി​യോ​ഗം എ​ന്നോ​ർ​ക്ക​ണം. അ​താ​യ​ത്, സ​ർ​ക്കാ​ർ ജോ​ലി​ക​ൾ ഏ​താ​ണ്ട് ഇ​ല്ലാ​താ​കു​ക​യാ​ണെ​ങ്കി​ലും മേ​ൽ​നോ​ട്ട​ക്കാ​ർ​ക്കു​വേ​ണ്ടി സ്ഥാ​പ​നം ഉ​ഷാ​റാ​ക്കി. സെ​ക്ര​ട്ടേ​റി​യ​റ്റ് പ​ടി​ക്ക​ൽ സ​മ​രം ന​ട​ത്തി​യൊ​ന്നു​മി​ല്ലെ​ങ്കി​ലും പി​എ​സ്‌​സി അം​ഗ​ങ്ങ​ൾ സ​ർ​ക്കാ​രി​ന് അ​പേ​ക്ഷ കൊ​ടു​ത്തി​രു​ന്നു. ഭ​ര​ണ​ഘ​ട​നാ​പ​ദ​വി​ക്ക് അ​നു​സ​രി​ച്ച് ചെ​യ​ർ​മാ​ന് നാ​ല് ല​ക്ഷ​വും അം​ഗ​ങ്ങ​ൾ​ക്ക് 3.75 ല​ക്ഷ​ത്തോ​ളം രൂ​പ​യും ല​ഭി​ക്കും​വി​ധം ശ​ന്പ​ളം പ​രി​ഷ്ക​രി​ക്ക​ണ​മെ​ന്നാ​യി​രു​ന്നു​വ​ത്രേ ആ​വ​ശ്യം. അ​തു ധ​ന​വ​കു​പ്പ് പ​ല​ത​വ​ണ മാ​റ്റി​വ​ച്ചി​രു​ന്നു. വി​യ​ർ​ത്തൊ​ഴു​കി പ​ണി​യെ​ടു​ത്തി​ട്ടും അ​ഷ്ടി​ക്കു വ​ക ല​ഭി​ക്കാ​ത്ത ആ​ശാ വ​ർ​ക്ക​ർ​മാ​രെ രാ​ഷ്‌​ട്രീ​യ​മാ​യി ആ​രോ ഉ​പ​യോ​ഗി​ക്കു​ക​യാ​ണെ​ന്നു പ​റ​ഞ്ഞ ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ സ്ഥ​ല​ത്തു​ണ്ട്.

രാ​ഷ്‌​ട്രീ​യ ഗൂ​ഢാ​ലോ​ച​ന​യു​മി​ല്ല, ധ​ന പ്ര​തി​സ​ന്ധി​യു​മി​ല്ല. ഇ​തി​ന്‍റെ രാ​ഷ്‌​ട്രീ​യം, ഭ​ര​ണ​ക​ക്ഷി​യു​ടെ വേ​ണ്ട​പ്പെ​ട്ട​വ​ർ​ക്കാ​ണ് ഇ​തു വാ​രി​ക്കോ​രി കൊ​ടു​ക്കു​ന്ന​ത് എ​ന്ന​താ​ണ്. സി​പി​എം, സി​പി​ഐ, കേ​ര​ള കോ​ണ്‍​ഗ്ര​സ്-​എം, എ​ൻ​സി​പി എ​ന്നി​വ​രു​ടെ പ്ര​തി​നി​ധി​ക​ളാ​ണ് അം​ഗ​ങ്ങ​ൾ. രാ​ജ്യ​ത്ത് ഏ​റ്റ​വും കൂ​ടു​ത​ൽ രാ​ഷ്‌​ട്രീ​യ ഭി​ക്ഷാം​ദേ​ഹി​ക​ളെ കു​ടി​യി​രു​ത്തി​യി​ട്ടു​ള്ള​തും കേ​ര​ള പി​എ​സ്‌​സി​യി​ലാ​ണ്. മ​റ്റു സം​സ്ഥാ​ന​ങ്ങ​ളി​ലെ പി​എ​സ്‌​സി അം​ഗ​ങ്ങ​ളു​ടെ​യും ചെ​യ​ര്‍​മാ​ന്‍റെ​യും സേ​വ​ന-​വേ​ത​ന വ്യ​വ​സ്ഥ​ക​ള്‍ പ​രി​ഗ​ണി​ച്ചാ​ണ് തീ​രു​മാ​ന​മാ​യ​തെ​ന്നാ​ണ് സ​ര്‍​ക്കാ​ര്‍ വി​ശ​ദീ​ക​രി​ക്കു​ന്ന​ത്. കേ​ര​ളം പി​ന്നി​ലാ​ക​രു​ത​ല്ലോ!

തി​രു​വ​ന​ന്ത​പു​രം യൂ​ണി​വേ​ഴ്‍​സി​റ്റി കോ​ള​ജി​ല്‍ വി​ദ്യാ​ർ​ഥി​യെ കു​ത്തി​യ കേ​സി​ലെ പ്ര​തി​ക​ളും എ​സ്എ​ഫ്ഐ നേ​താ​ക്ക​ളു​മാ​യി​രു​ന്ന ശി​വ​ര​ഞ്ജി​ത്തും പ്ര​ണ​വും ന​സീ​മും കേ​ര​ളാ പോ​ലീ​സി​ലേ​ക്കു​ള്ള പി​എ​സ്‍​സി പ​രീ​ക്ഷ​യി​ല്‍ ത​ട്ടി​പ്പു ന​ട​ത്തി​യാ​ണ് റാ​ങ്ക് ലി​സ്റ്റി​ല്‍ യ​ഥാ​ക്ര​മം ഒ​ന്നും ര​ണ്ടും ഇ​രു​പ​ത്തി​യെ​ട്ടും റാ​ങ്കു​ക​ള്‍ നേ​ടി​യ​തെ​ന്ന വാ​ര്‍​ത്ത​ക​ൾ​ക്കു​ശേ​ഷം പി​എ​സ്‌​സി ശ്ര​ദ്ധി​ക്ക​പ്പെ​ടു​ന്ന​ത് ഇ​പ്പോ​ഴാ​ണ്. കേ​ര​ള​ത്തി​ലെ തൊ​ഴി​ൽ​ര​ഹി​ത​രു​ടെ നാ​ണ​യ​ത്തു​ട്ടു​ക​ളാ​ണ് പി​എ​സ്‌​സി അം​ഗ​ങ്ങ​ൾ വീ​തം​വ​ച്ചെ​ടു​ക്കു​ന്ന​ത് എ​ന്നു​കൂ​ടി പ​റ​യേ​ണ്ട​തു​ണ്ട്.

തൊ​ഴി​ല​ന്വേ​ഷ​ക​രി​ൽ​നി​ന്നു ഫീ​സാ​യി വാ​ങ്ങു​ന്ന പ​ണം, വ​കു​പ്പു​ത​ല പ​രീ​ക്ഷ​ക​ളു​ടെ ഫീ​സ്, കോ​ർ​ട്ട് ഫീ ​സ്റ്റാ​ന്പു​ക​ളു​ടെ വ​രു​മാ​നം, പോ​സ്റ്റ​ൽ ഓ​ർ​ഡ​റു​ക​ളി​ലൂ​ടെ ല​ഭി​ക്കു​ന്ന തു​ക, പി​എ​സ്‌​സി ബു​ള്ള​റ്റി​ൻ വി​റ്റു​കി​ട്ടു​ന്ന പ​ണം എ​ന്നി​വ​യൊ​ക്കെ​യാ​ണ് വ​രു​മാ​നം. ഓ​രോ ഒ​ഴി​വി​ലേ​ക്കും തൊ​ഴി​ലി​ല്ലാ​ത്ത ആ​യി​ര​ങ്ങ​ളും പ​തി​നാ​യി​ര​ങ്ങ​ളും അ​പേ​ക്ഷ സ​മ​ർ​പ്പി​ക്കു​ന്പോ​ൾ ല​ഭി​ക്കു​ന്ന തു​ക, കൈ ​ന​ന​യാ​തെ കൊ​ണ്ടു​പോ​കു​ന്ന​വ​ർ​ക്ക​ല്ല, അ​തൊ​ക്കെ പാ​സാ​ക്കി​ക്കൊ​ടു​ക്കു​ന്ന​വ​ർ​ക്കാ​ണ് കു​റ്റ​ബോ​ധ​മു​ണ്ടാ​കേ​ണ്ട​ത്.

സാ​മൂ​ഹി​ക​സു​ര​ക്ഷാ, ക്ഷേ​മ​പെ​ൻ​ഷ​നു​ക​ളൊ​ക്കെ കു​ടി​ശി​ക​യാ​യി കി​ട​ക്കു​ക​യാ​ണ്. സ​ർ​ക്കാ​രി​ന്‍റെ തൊ​ഴി​ലാ​ളി​ക​ളോ​ടു​ള്ള പ്ര​തി​ബ​ദ്ധ​ത​യും നീ​തി​ബോ​ധ​വു​മൊ​ക്കെ സെ​ക്ര​ട്ടേ​റി​യ​റ്റി​നു പു​റ​ത്ത് സ​മ​രം ചെ​യ്യു​ന്ന ആ​ശാ വ​ർ​ക്ക​ർ​മാ​രു​ടെ ക​ണ്ണു​ക​ളി​ലു​ണ്ട്. സം​സ്ഥാ​നം ക​ടം ക​യ​റി മു​ടി​ഞ്ഞു. ചി​കി​ത്സ ഇ​ൻ​ഷ്വ​റ​ൻ​സ്-​മ​രു​ന്ന് കു​ടി​ശി​ക​യു​ൾ​പ്പെ​ടെ കൊ​ടു​ക്കാ​നു​ള്ള​തൊ​ന്നും കൊ​ടു​ത്തി​ട്ടു​മി​ല്ല. വി​വി​ധ സ​ർ​ക്കാ​ർ ക​രാ​റു​കാ​ർ ക്യൂ​വി​ലാ​ണ്. റേ​ഷ​ൻ ക​ട​ക​ളി​ലും സി​വി​ൽ സ​പ്ലൈ​സി​ന്‍റെ റാ​ക്കു​ക​ളി​ലും അ​വ​ശ്യ​സാ​ധ​ന​ങ്ങ​ളൊ​ന്നു​മി​ല്ല. ഓ​ർ​മി​പ്പി​ച്ചെ​ന്നേ​യു​ള്ളൂ.