മ​​ന​​സു​​ക​​ളെ ആ​​യു​​ധ​​പ്പു​​ര​​ക​​ളാ​​ക്കു​​ന്ന വി​​ദ്വേ​​ഷ​വ്യാ​​പാ​​രി​​ക​​ൾ സ്വ​​യം പി​​ന്മാ​​റി​​ല്ല. സ​​മൂ​​ഹം ജാ​​ഗ്ര​​ത പാ​​ലി​​ക്കു​​ക​​യും സ​​ർ​​ക്കാ​​ർ വി​​ദ്വേ​​ഷ​​പ്ര​​ചാ​​ര​​ണ​​ത്തി​​ൽ പ​​ങ്കെ​​ടു​​ക്കാ​​തി​​രി​​ക്കു​​ക​​യും ന​​ട​​പ​​ടി​​യെ​​ടു​​ക്കു​​ക​​യും വേ​​ണം.

അ​ഭി​പ്രാ​യ​സ്വാ​ത​ന്ത്ര്യ​മെ​ന്നാ​ൽ വി​ദ്വേ​ഷ​പ്ര​സം​ഗ​ങ്ങ​ളും സ​മൂ​ഹ​മാ​ധ്യ​മ​ങ്ങ​ളി​ലെ നു​ണ​പ്ര​ചാ​ര​ണ​ങ്ങ​ളും ഉ​ൾ​പ്പെ​ട്ട​താ​ണെ​ന്നു ക​രു​തു​ന്ന​വ​രു​ടെ എ​ണ്ണം കൂ​ടി. അ​തി​നെ ചെ​റു​ക്കാ​ൻ ഭ​ര​ണ​കൂ​ട​ത്തി​നു ക​ഴി​യും. പ​ക്ഷേ, ഭ​ര​ണാ​ധി​കാ​രി​ക​ളും രാ​ഷ്‌​ട്രീ​യ​പാ​ർ​ട്ടി​ക​ളു​മൊ​ക്കെ അ​തി​ന്‍റെ ഭാ​ഗ​മാ​യാ​ലോ? ന്യൂ​ന​പ​ക്ഷ​ങ്ങ​ൾ​ക്കെ​തി​രേ​യു​ള്ള വി​ദ്വേ​ഷ​പ്ര​സം​ഗ​ങ്ങ​ൾ മു​ത​ൽ രാ​ഷ്‌​ട്രീ​യ​പ്ര​തി​യോ​ഗി​ക​ൾ​ക്കെ​തി​രേ​യും ഇ​ത​ര​മ​ത​ങ്ങ​ൾ​ക്കെ​തി​രേ​യും വ്യ​ക്തി​ക​ൾ​ക്കെ​തി​രേ​യും നി​യ​ന്ത്ര​ണ​മി​ല്ലാ​തെ തു​ട​രു​ന്ന വ്യാ​ജ പ്ര​ചാ​ര​ണ​ങ്ങ​ൾ​വ​രെ ഹിം​സോ​ന്മു​ഖ​മാ​യ ഒ​രു സം​സ്കാ​ര​ത്തെ വ​ള​ർ​ത്തി​ക്ക​ഴി​ഞ്ഞു.

സ​മൂ​ഹ​മാ​ധ്യ​മ​ങ്ങ​ളി​ൽ പ​ണ​മു​ണ്ടാ​ക്കാ​നു​ള്ള കു​റു​ക്കു​വ​ഴി​യാ​യും ചി​ല​ര​തി​നെ മാ​റ്റി​യെ​ങ്കി​ലും ഏ​റെ​പ്പേ​ർ​ക്കും തി​രി​ച്ച​റി​യാ​നോ സ​ർ​ക്കാ​രി​നു ത​ട​യാ​നോ ക​ഴി​ഞ്ഞി​ട്ടി​ല്ല. മ​ന​സു​ക​ളെ ആ​യു​ധ​പ്പു​ര​ക​ളാ​ക്കു​ന്ന വി​ദ്വേ​ഷ​വ്യാ​പാ​രി​ക​ൾ സ്വ​യം പി​ന്മാ​റി​ല്ല. സ​മൂ​ഹം ജാ​ഗ്ര​ത പാ​ലി​ക്കു​ക​യും സ​ർ​ക്കാ​ർ വി​ദ്വേ​ഷ​പ്ര​ചാ​ര​ണ​ത്തി​ൽ പ​ങ്കെ​ടു​ക്കാ​തി​രി​ക്കു​ക​യും ന​ട​പ​ടി​യെ​ടു​ക്കു​ക​യും വേ​ണം.

വി​ദ്വേ​ഷ​വ്യാ​പ​ന​ത്തി​ൽ ഭ​രി​ക്കു​ന്ന പാ​ർ​ട്ടി ഉ​ൾ​പ്പെ​ടു​ന്ന​തി​നോ​ളം അ​പ​ക​ടം മ​റ്റൊ​ന്നു​മി​ല്ല. ഇ​ന്ത്യ​യി​ൽ ന്യൂ​ന​പ​ക്ഷ​ങ്ങ​ൾ​ക്കെ​തി​രാ​യ വി​ദ്വേ​ഷ​പ്ര​സം​ഗ​ങ്ങ​ളു​ടെ എ​ണ്ണം 2023നെ ​അ​പേ​ക്ഷി​ച്ച് 2024ൽ 74.4 ​ശ​ത​മാ​നം വ​ർ​ധി​ച്ചി​രി​ക്കു​ന്നു​വെ​ന്ന ഇ​ന്ത്യ ഹേ​റ്റ് ലാ​ബി​ന്‍റെ റി​പ്പോ​ർ​ട്ട് ഭ​യ​പ്പെ​ടു​ത്തു​ന്ന​താ​ണ്. വാ​ഷിം​ഗ്ട​ൺ ഡി​സി ആ​സ്ഥാ​ന​മാ​യു​ള്ള ‘സെ​ന്‍റ​ർ ഫോ​ർ ദ് ​സ്റ്റ​ഡി ഓ​ഫ് ഓ​ർ​ഗ​നൈ​സ്ഡ് ഹേ​റ്റി​ന്’ (സി​എ​സ്ഒ​എ​ച്ച്) കീ​ഴി​ലു​ള്ള​താ​ണ് ഇ​ന്ത്യാ ഹേ​റ്റ് ലാ​ബ്.

വി​ദ്വേ​ഷ​പ്ര​സം​ഗ​ങ്ങ​ളി​ൽ ബി​ജെ​പി​യാ​ണ് മു​ന്നി​ൽ. 1,165 സ്ഥി​രീ​ക​രി​ച്ച വ്യ​ക്തി​വി​ദ്വേ​ഷ പ്ര​സം​ഗ സം​ഭ​വ​ങ്ങ​ൾ 2024ൽ ​രേ​ഖ​പ്പെ​ടു​ത്തി​യി​ട്ടു​ണ്ട്. 2023ൽ ​ഇ​ത് 668 ആ​യി​രു​ന്നു. 2024ലെ ​ലോ​ക്‌​സ​ഭാ തെ​ര​ഞ്ഞെ​ടു​പ്പി​ലും മ​ഹാ​രാ​ഷ്‌​ട്ര, ജാ​ർ​ഖ​ണ്ഡ് എ​ന്നി​വി​ട​ങ്ങ​ളി​ലെ സം​സ്ഥാ​ന തെ​ര​ഞ്ഞെ​ടു​പ്പു​ക​ളി​ലു​മാ​ണ് മി​ക്ക പ്ര​സം​ഗ​ങ്ങ​ളും ന​ട​ന്ന​ത്. ബി​ജെ​പി ഭ​രി​ക്കു​ന്ന ഉ​ത്ത​ർ​പ്ര​ദേ​ശ് (242), മ​ഹാ​രാ​ഷ്‌​ട്ര(210), മ​ധ്യ​പ്ര​ദേ​ശ് (98) എ​ന്നീ സം​സ്ഥാ​ന​ങ്ങ​ളാ​ണ് വി​ദ്വേ​ഷ​പ്ര​സം​ഗ​ങ്ങ​ളി​ൽ മു​ന്നി​ലു​ള്ള​ത്.

ഐ​ടി ആ​ക്‌​ടി​ലെ വ​കു​പ്പു​ക​ൾ ഉ​പ​യോ​ഗി​ച്ച് ഇ​തു ത​ട​യു​ന്ന​തി​ൽ പ​രാ​ജ​യ​പ്പെ​ട്ടെ​ങ്കി​ലും പൊ​തു​തെ​ര​ഞ്ഞെ​ടു​പ്പി​നു തൊ​ട്ടു​മു​മ്പ് ഇ​ന്ത്യ ഹേ​റ്റ് ലാ​ബ് വെ​ബ്‌​സൈ​റ്റ് ഇ​ന്ത്യ​യി​ൽ ബ്ലോ​ക്ക് ചെ​യ്‌​തി​രു​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി, ആ​ഭ്യ​ന്ത​ര​മ​ന്ത്രി അ​മി​ത് ഷാ, ​ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് എ​ന്നി​വ​രു​ൾ​പ്പെ​ടെ​യു​ള്ള മു​തി​ർ​ന്ന ബി​ജെ​പി നേ​താ​ക്ക​ൾ വി​ദ്വേ​ഷ​പ്ര​സം​ഗ​ങ്ങ​ളി​ൽ മു​ന്നി​ലാ​യി​രു​ന്നെ​ന്നു റി​പ്പോ​ർ​ട്ട് പ​റ​യു​ന്നു.

കോ​ൺ​ഗ്ര​സ്, ആം ​ആ​ദ്മി പാ​ർ​ട്ടി തു​ട​ങ്ങി​യ പ്ര​തി​പ​ക്ഷ​പാ​ർ​ട്ടി​ക​ൾ ഭ​രി​ക്കു​ന്ന സം​സ്ഥാ​ന​ങ്ങ​ളി​ലും സ്ഥി​തി വ്യ​ത്യ​സ്ത​മ​ല്ല. ന​ട​പ​ടി​യെ​ടു​ക്കാ​ൻ അ​ധി​കാ​ര​മു​ണ്ടാ​യി​ട്ടും തെ​ര​ഞ്ഞെ​ടു​പ്പ് ക​മ്മീ​ഷ​ൻ നോ​ട്ടീ​സു​ക​ൾ പു​റ​പ്പെ​ടു​വി​ച്ച​ത​ല്ലാ​തെ കാ​ര്യ​മാ​യൊ​ന്നും ചെ​യ്തി​ല്ല. ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ൽ വ​ട​ക​ര​യി​ലു​ൾ​പ്പെ​ടെ ഇ​ത്ത​രം ഹീ​ന​മാ​യ വ്യാ​ജ​വാ​ർ​ത്ത​ക​ൾ സി​പി​എ​മ്മി​നെ​യും പ്ര​തി​ക്കൂ​ട്ടി​ലാ​ക്കി.

അ​ധി​കാ​ര​ത്തി​ലു​ള്ള​വ​രും പ​ങ്കെ​ടു​ക്കു​ന്പോ​ൾ വി​ദ്വേ​ഷ​പ്ര​ചാ​ര​ണം ശി​ക്ഷാ​ർ​ഹ​മ​ല്ലെ​ന്ന തോ​ന്ന​ൽ സ​മൂ​ഹ​മാ​ധ്യ​മ​ങ്ങ​ളി​ലെ സാ​മൂ​ഹി​ക​വി​രു​ദ്ധ​ർ​ക്കി​ട​യി​ലും സൃ​ഷ്‌​ടി​ക്ക​പ്പെ​ട്ടി​ട്ടു​ണ്ട്. കേ​ര​ള​ത്തി​ലും നി​ര​വ​ധി യു​ട്യൂ​ബ് ചാ​ന​ലു​ക​ൾ പ​ണ​മു​ണ്ടാ​ക്കാ​നു​ള്ള ത​ത്ര​പ്പാ​ടി​ൽ വ​ർ​ഗീ​യ​ത​യും മ​ത​വി​ദ്വേ​ഷ​വും വ്യ​ക്തി​ഹ​ത്യ​ക​ളും തു​ട​ർ​ച്ച​യാ​യി ന​ട​ത്തു​ക​യാ​ണ്. ചി​ല യു​ട്യൂ​ബ് ചാ​ന​ലു​ക​ൾ ഇ​ത​ര​മ​ത​വി​ദ്വേ​ഷം മാ​ത്രം കൈ​കാ​ര്യം ചെ​യ്ത് വെ​റു​പ്പ് വി​ത​യ്ക്കു​ക​യും പ​ണം​കൊ​യ്യു​ക​യും ഒ​രു​പോ​ലെ ചെ​യ്യു​ക​യാ​ണ്.

കൊ​ല​പാ​ത​ക​ങ്ങ​ളോ ആ​ത്മ​ഹ​ത്യ​ക​ളോ മാ​ന​ഭം​ഗ​ങ്ങ​ളോ ഉ​ണ്ടാ​യാ​ൽ മി​നി​റ്റു​ക​ൾ​ക്ക​കം വ്യാ​ജ​വി​വ​ര​ങ്ങ​ൾ​വ​ച്ച് പു​ക​മ​റ സൃ​ഷ്‌​ടി​ക്കു​ന്ന​വ​രു​മു​ണ്ട്. വ​ഴി​യേ​പോ​യ ആ​രെ​ങ്കി​ലും പ​റ​യു​ന്ന​താ​ണ് ഇ​വ​രു​ടെ വാ​ർ​ത്താ​സ്രോ​ത​സ്. ഇ​ത്ത​രം വ്യാ​ജ​പ്ര​ചാ​ര​ണ​ങ്ങ​ൾ അ​തു​പ​ടി വി​ഴു​ങ്ങു​ന്ന അ​പ​ക്വ​മ​തി​ക​ൾ അ​തി​നെ അ​ടി​സ്ഥാ​ന​പ്പെ​ടു​ത്തി ത​ങ്ങ​ളു​ടേ​താ​യ ഭാ​ഷ്യം​ച​മ​ച്ച് പ്ര​ച​രി​പ്പി​ക്കും.

വി​ദ്യാ​ഭ്യാ​സ​മു​ള്ള​വ​രി​ൽ​പോ​ലും ഇ​ങ്ങ​നെ സൃ​ഷ്‌​ടി​ക്ക​പ്പെ​ടു​ന്ന പൊ​തു​ബോ​ധ​ത്തെ കോ​ട​തി​വി​ധി​ക​ൾ​ക്കു​പോ​ലും തി​രു​ത്താ​നാ​കി​ല്ല. വി​ദ്വേ​ഷ​ക​ച്ച​വ​ട​ക്കാ​ർ സൃ​ഷ്‌​ടി​ച്ച ‘പ്ര​തി’​യെ നി​ര​പ​രാ​ധി​യെ​ന്നു​ക​ണ്ട് കോ​ട​തി വെ​റു​തെ​വി​ട്ടാ​ലും, അ​തു പ​ണ​മെ​റി​ഞ്ഞു കേ​സ് അ​ട്ടി​മ​റി​ച്ച​താ​ണെ​ന്ന അ​പ​ക​ട​ക​ര​മാ​യ വാ​ദം പു​റ​ത്തെ​ടു​ക്കും. സാ​ന്പ​ത്തി​ക​ച്ചെ​ല​വും സ​മ​യ​ന​ഷ്ട​വും ന​ട​പ​ടി​ക്ര​മ​ങ്ങ​ളു​മോ​ർ​ത്ത് ഇ​ര​ക​ൾ പൊ​തു​വെ നി​യ​മ​ന​ട​പ​ടി​ക​ൾ​ക്കു മു​തി​രാ​ത്ത​താ​ണ് വി​ദ്വേ​ഷ​പ്ര​ചാ​ര​ക​രു​ടെ വ​ള​ർ​ച്ച​യു​ടെ പ്ര​ധാ​ന​കാ​ര​ണം. സ​ത്യ​മ​റി​യാ​വു​ന്ന​വ​ർ, വ്യാ​ജ​വാ​ർ​ത്ത​യെ പി​ന്തു​ണ​യ്ക്കു​ന്ന​വ​രു​ടെ അ​സ​ഭ്യ​വ​ർ​ഷ​വും കൂ​ട്ട ആ​ക്ര​മ​ണ​വും ഭ​യ​ന്നു പ്ര​തി​ക​രി​ക്കു​ക​യു​മി​ല്ല. ഇ​ങ്ങ​നെ ആ​രെ​യും പേ​ടി​ക്കാ​നി​ല്ലെ​ന്ന സ്ഥി​തി​യാ​യ​തോ​ടെ വി​ദ്വേ​ഷ​പ്ര​ചാ​ര​ണം​കൊ​ണ്ടു​മാ​ത്രം പ​ണം കൊ​യ്യാ​ൻ കൂ​ടു​ത​ൽ ആ​ളു​ക​ൾ ക​ള​ത്തി​ലി​റ​ങ്ങി​ത്തു​ട​ങ്ങി.

അ​ധി​കാ​രം കൈ​യാ​ളു​ന്ന​വ​ർ രാ​ഷ്‌​ട്രീ​യ-​വ​ർ​ഗീ​യ ധ്രു​വീ​ക​ര​ണ​ത്തി​നു​വേ​ണ്ടി ന​ട​ത്തു​ന്ന ന്യൂ​ന​പ​ക്ഷ​വി​രു​ദ്ധ പ്ര​സം​ഗ​ങ്ങ​ളും മാ​ധ്യ​മ​പ്ര​വ​ർ​ത്ത​ന​മെ​ന്ന വ്യാ​ജേ​ന പ​ണ​ത്തി​നു​വേ​ണ്ടി ചി​ല​ർ ന​ട​ത്തു​ന്ന നു​ണ​പ്ര​ചാ​ര​ണ​ങ്ങ​ളും വ്യ​ക്തി​ഹ​ത്യ​ക​ളും കേ​ര​ള​ത്തി​ലും കൂ​ടു​ത​ൽ മ​ന​സു​ക​ളെ യു​ദ്ധ​സ​ജ്ജ​മാ​ക്കി​യി​ട്ടു​ണ്ട്. സ​ർ​ക്കാ​ർ​ത​ല വി​ദ്വേ​ഷ​പ്ര​ചാ​ര​ണം കൂ​ടു​ത​ൽ ആ​പ​ത്ക​ര​മാ​ണെ​ന്ന​തി​നു ച​രി​ത്ര​ത്തി​ന്‍റെ പി​ൻ​ബ​ല​മു​ണ്ട്. വി​ദ്വേ​ഷ​പ്ര​ചാ​ര​ണ​ത്തി​ന്‍റെ അ​ങ്ങേ​യ​റ്റ​മാ​ണ​ത്. വം​ശ​ഹ​ത്യ ഉ​ൾ​പ്പെ​ടെ​യു​ള്ള ക്രൂ​ര​മാ​യ കു​റ്റ​കൃ​ത്യ​ങ്ങ​ളു​ടെ മു​ന്നോ​ടി​യാ​യി ച​രി​ത്രം വി​ദ്വേ​ഷ​പ്ര​ചാ​ര​ണ​ത്തെ കൃ​ത്യ​മാ​യി ചൂ​ണ്ടി​ക്കാ​ണി​ക്കു​ന്നു.

ഹോ​ളോ​കോ​സ്റ്റ് ആ​രം​ഭി​ച്ച​ത് ഗ്യാ​സ് ചേം​ബ​റു​ക​ളി​ൽ നി​ന്ന​ല്ല, മ​റി​ച്ച് ന്യൂ​ന​പ​ക്ഷ​ത്തി​നെ​തി​രാ​യ വി​ദ്വേ​ഷ​പ്ര​സം​ഗ​ങ്ങ​ളി​ൽ നി​ന്നാ​യി​രു​ന്നു. 1915 മു​ത​ൽ തു​ർ​ക്കി​ക​ൾ അ​ർ​മീ​നി​യ​ൻ ക്രൈ​സ്ത​വ​ർ​ക്കെ​തി​രേ ന​ട​ത്തി​യ വം​ശ​ഹ​ത്യ, 1975 മു​ത​ൽ 79 വ​രെ ക​മ്യൂ​ണി​സ്റ്റ് ഏ​കാ​ധി​പ​തി പോ​ൾ​പോ​ട്ടി​ന്‍റെ ഖ​മ​ർ​റൂ​ഷ് പ്ര​സ്ഥാ​നം കം​ബോ​ഡി​യ​യി​ൽ ന​ട​ത്തി​യ വം​ശ​ഹ​ത്യ, 1994ൽ ​റു​വാ​ണ്ട​യി​ൽ ഹു​ട്ടു വം​ശ​ജ​ർ ടു​ട്സി​ക​ൾ​ക്കെ​തി​രേ ന​ട​ത്തി​യ വം​ശ​ഹ​ത്യ തു​ട​ങ്ങി​യ ഉ​ദാ​ഹ​ര​ണ​ങ്ങ​ളു​ണ്ട്. ഗു​ജ​റാ​ത്ത് ക​ലാ​പ​ത്തി​നു 15 വ​ർ​ഷം മു​ന്പെ​ങ്കി​ലും ഗു​ജ​റാ​ത്തി​ൽ ന്യൂ​ന​പ​ക്ഷ​ങ്ങ​ൾ​ക്കെ​തി​രേ വ​ർ​ഗീ​യ​സം​ഘ​ട​ന​ക​ൾ വി​ദ്വേ​ഷ​പ്ര​ചാ​ര​ണ​ങ്ങ​ൾ തു​ട​ങ്ങി​യി​രു​ന്ന​താ​യി ഡോ. ​കെ.​എ​ൻ. പ​ണി​ക്ക​ർ അ​ഭി​മു​ഖ​ങ്ങ​ളി​ൽ പ​റ​ഞ്ഞി​ട്ടു​ണ്ട്.

വി​ദ്വേ​ഷ​പ്ര​ചാ​ര​ണ​ത്തെ വേ​ട്ട​യ്ക്കി​റ​ക്ക​രു​ത്. അ​തു ല​ക്ഷ്യ​മി​ടു​ന്ന​ത് ജ​നാ​ധി​പ​ത്യ​ത്തെ​യും മ​തേ​ത​ര​ത്വ​ത്തെ​യും സ​മാ​ധാ​ന​ത്തെ​യും സ​ഹ​വ​ർ​ത്തി​ത്വ​ത്തെ​യു​മാ​ണ്. സ​ർ​ക്കാ​രും പ്ര​തി​ബ​ദ്ധ​ത​യു​ള്ള രാ​ഷ്‌​ട്രീ​യ​പാ​ർ​ട്ടി​ക​ളും സം​ഘ​ട​ന​ക​ളും മാ​ധ്യ​മ​ങ്ങ​ളും വ്യ​ക്തി​ക​ളു​മൊ​ക്കെ ഈ ​വി​പ​ത്തി​നെ​തി​രേ പ്ര​തി​ക​രി​ക്കേ​ണ്ട സ​മ​യം അ​തി​ക്ര​മി​ച്ചു​ക​ഴി​ഞ്ഞു. ഉ​റ​പ്പി​ല്ലാ​ത്ത കാ​ര്യ​ങ്ങ​ൾ പ​റ​യു​ന്ന​തി​ൽ​നി​ന്നും പ്ര​ച​രി​പ്പി​ക്കു​ന്ന​തി​ൽ​നി​ന്നും എ​ല്ലാ​വ​രും വി​ട്ടു​നി​ൽ​ക്ക​ണം.

എ​ന്തെ​ങ്കി​ലും വി​നാ​ശ​ക​ര​മാ​യ കാ​ര്യ​ങ്ങ​ൾ സം​ഭ​വി​ക്കു​മോ എ​ന്ന പ്ര​വ​ച​ന​ത്തേ​ക്കാ​ൾ പ്ര​ധാ​നം, അ​തി​നു​ള്ള സാ​ധ്യ​ത​ക​ൾ വി​ദ്വേ​ഷ​പ്ര​ചാ​ര​ണ​ങ്ങ​ളി​ൽ അ​ട​യി​രി​പ്പു​ണ്ട് എ​ന്ന ച​രി​ത്ര​പാ​ഠ​മാ​ണ്. നി​ർ​മി​ത​ബു​ദ്ധി​യു​ടെ കാ​ല​ത്ത് വി​ദ്വേ​ഷ​പ്ര​ചാ​ര​ണം കൂ​ടു​ത​ൽ സൗ​ക​ര്യ​പ്ര​ദ​വും ദൂ​ഷ്യ​ഫ​ല​ങ്ങ​ൾ കൂ​ടു​ത​ൽ വി​നാ​ശ​ക​ര​വു​മാ​യി​രി​ക്കും. അ​തി​നെ ത​ട​യാ​ൻ ന​മു​ക്കു സാ​ധി​ക്കും; പ​ക്ഷേ, ആ​ഗ്ര​ഹി​ക്ക​ണം.