രാ​​ഷ്‌​​ട്രീ​​യ നേ​​ട്ട​​ങ്ങ​​ളി​​ലോ ഉ​​ത്ത​​ര-​​ദ​​ക്ഷി​​ണ പ​​രി​​ഗ​​ണ​​ന​​ക​​ളി​​ലോ അ​​ല്ല, ഒ​​രൊ​​റ്റ ഇ​​ന്ത്യ, ഒ​​രൊ​​റ്റ ജ​​ന​​ത എ​​ന്ന കെ​​ട്ടു​​റ​​പ്പി​​ലാ​​ക​​ണം കേ​​ന്ദ്ര​-​സം​സ്ഥാ​ന സ​​ർ​​ക്കാ​​രു​ക​ളു​ടെ തീ​​രു​​മാ​​ന​​ങ്ങ​​ൾ.

ഭാ​ഷ​കൊ​ണ്ടാ​ണെ​ങ്കി​ലും മ​ണ്ഡ​ല പു​ന​ർ​നി​ർ​ണ​യം​കൊ​ണ്ടാ​ണെ​ങ്കി​ലും ജ​നാ​ധി​പ​ത്യ​ത്തി​നു മു​റി​വേ​ൽ​ക്ക​രു​തെ​ന്നേ ജ​ന​ങ്ങ​ൾ​ക്കു​ള്ളൂ. കേ​ന്ദ്രം ന​ട​പ്പാ​ക്കാ​ൻ തീ​രു​മാ​നി​ച്ചി​രി​ക്കു​ന്ന ലോ​ക്സ​ഭാ മ​ണ്ഡ​ല പു​ന​ർ​നി​ർ​ണ​യ​വും ദേ​ശീ​യ വി​ദ്യാ​ഭ്യാ​സ​ന​യ​ത്തി​ന്‍റെ ഭാ​ഗ​മാ​യി ശി​പാ​ർ​ശ ചെ​യ്തി​രി​ക്കു​ന്ന ത്രി​ഭാ​ഷാ ന​യ​വു​മാ​ണ് വി​വാ​ദ​മാ​യി​രി​ക്കു​ന്ന​ത്.

ര​ണ്ടു വി​ഷ​യ​ത്തി​ലും എ​തി​ർ​പ്പ് മു​ഖ്യ​മാ​യും ദ​ക്ഷി​ണേ​ന്ത്യ​യി​ൽ​നി​ന്നാ​യ​തി​നാ​ൽ, ഒ​രു വി​ധ​ത്തി​ലു​ള്ള ധ്രു​വീ​ക​ര​ണ​ത്തി​നും ഇ​ട​യാ​കാ​തി​രി​ക്കാ​ൻ കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ ജാ​ഗ്ര​ത പാ​ലി​ക്ക​ണം. ദ​ക്ഷി​ണേ​ന്ത്യ​യി​ലെ ലോ​ക്സ​ഭാ മ​ണ്ഡ​ല​ങ്ങ​ൾ കു​റ​യി​ല്ലെ​ന്ന ബി​ജെ​പി വാ​ദം അം​ഗീ​ക​രി​ച്ചാ​ലും ഉ​ത്ത​രേ​ന്ത്യ​യി​ലെ സീ​റ്റു​ക​ളു​ടെ എ​ണ്ണം വ​ർ​ധി​ച്ചാ​ൽ നി​ല​വി​ലെ ദ​ക്ഷി​ണേ​ന്ത്യ​ൻ പ്രാ​തി​നി​ധ്യം പാ​ർ​ല​മെ​ന്‍റി​ൽ കു​റ​യും.

ദു​ര​ന്ത​നി​വാ​ര​ണ ഫ​ണ്ട് അ​നു​വ​ദി​ക്കു​ന്ന​തി​ൽ​പോ​ലും വി​വേ​ച​നം ദൃ​ശ്യ​മാ​കു​ന്ന​തി​നി​ടെ പാ​ർ​ല​മെ​ന്‍റി​ലെ ഉ​ള്ള പ്രാ​തി​നി​ധ്യ​വും ന​ഷ്ട​മാ​കു​ന്ന​തി​ൽ പ​ല സം​സ്ഥാ​ന​ങ്ങ​ൾ​ക്കും ആ​ശ​ങ്ക​യു​ണ്ട്. ദ​ക്ഷി​ണേ​ന്ത്യ​യി​ലെ മു​ഖ്യ​മ​ന്ത്രി​മാ​രാ​ണ് ചോ​ദ്യ​ങ്ങ​ൾ ഉ​ന്ന​യി​ക്കു​ന്ന​തെ​ങ്കി​ലും അ​തു രാ​ജ്യ​ത്തെ ജ​നാ​ധി​പ​ത്യ സം​വി​ധാ​ന​ത്തെ​ക്കു​റി​ച്ചു​ള്ള ല​ളി​ത​മാ​യ സം​ശ​യ​ങ്ങ​ളാ​ണെ​ന്നു ബി​ജെ​പി തി​രി​ച്ച​റി​യ​ണം.

1971ലെ ​സെ​ൻ​സ​സി​നു​ശേ​ഷം മ​ണ്ഡ​ല​ങ്ങ​ളു​ടെ അ​തി​ർ​ത്തി​ക​ളി​ൽ മാ​റ്റം വ​രു​ത്തി​യി​ട്ടു​ണ്ടെ​ങ്കി​ലും സീ​റ്റു​ക​ളു​ടെ എ​ണ്ണം വ​ർ​ധി​പ്പി​ച്ചി​ട്ടി​ല്ല. അ​ടു​ത്ത വ​ർ​ഷം ഇ​തി​ൽ അ​ഴി​ച്ചു​പ​ണി ന​ട​ത്താ​നാ​ണ് ബി​ജെ​പി ശ്ര​മി​ക്കു​ന്ന​ത്. ക​ര​ടു​രേ​ഖ ത​യാ​റാ​ക്കി​യി​ട്ടി​ല്ലെ​ങ്കി​ലും ജ​ന​സം​ഖ്യ അ​ടി​സ്ഥാ​ന​മാ​ക്കി​യു​ള്ള മ​ണ്ഡ​ല പു​ന​ർ​നി​ർ​ണ​യ​മാ​ണ് ല​ക്ഷ്യം. ഇ​തി​നെ​തി​രേ ത​മി​ഴ്നാ​ട് നി​യ​മ​സ​ഭ പ്ര​മേ​യം പാ​സാ​ക്കി​ക്ക​ഴി​ഞ്ഞു.

മ​റ്റു ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളും രം​ഗ​ത്തി​റ​ങ്ങു​ക​യാ​ണ്. പു​ന​ർ​നി​ർ​ണ​യ​മാ​കാം; സീ​റ്റു​നി​ല​യി​ൽ മാ​റ്റ​മു​ണ്ടാ​ക​രു​ത് എ​ന്ന​താ​ണ് ആ​വ​ശ്യം. 20 ല​ക്ഷം ജ​ന​ങ്ങ​ൾ​ക്ക് ഒ​രു മ​ണ്ഡ​ല​മെ​ന്ന മാ​ന​ദ​ണ്ഡം ന​ട​പ്പി​ൽ വ​ന്നാ​ൽ ലോ​ക്‌​സ​ഭ​യി​ലെ 545 സീ​റ്റ് 750 മു​ത​ൽ 790 വ​രെ​യാ​കാ​മെ​ന്നാ​ണ് നി​ഗ​മ​ന​ങ്ങ​ൾ. യു​പി​യി​ൽ 40 സീ​റ്റു​ക​ൾ വ​രെ വ​ർ​ധി​ച്ചേ​ക്കും. ബി​ഹാ​ർ, മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഹ​രി​യാ​ന എ​ന്നി​വി​ട​ങ്ങ​ളി​ലെ​ല്ലാം കൂ​ടു​ത​ൽ സി​റ്റു​ക​ളു​ണ്ടാ​കും.

അ​തേ​ക്കു​റി​ച്ച് ബി​ജെ​പി മി​ണ്ടു​ന്നി​ല്ല. ഇ​പ്പോ​ൾ​ത​ന്നെ ബി​ജെ​പി​ക്കു മു​ൻ​തൂ​ക്ക​മു​ള്ള ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ൽ അ​തേ വോ​ട്ട് നി​ല​നി​ർ​ത്തി​യാ​ൽ പോ​ലും സീ​റ്റു​ക​ളു​ടെ എ​ണ്ണം ഗ​ണ്യ​മാ​യി വ​ർ​ധി​ക്കും. ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ ഒ​രു സീ​റ്റു​പോ​ലും വ​ർ​ധി​പ്പി​ക്കാ​നാ​യി​ല്ലെ​ങ്കി​ലും ബി​ജെ​പി​ക്ക് അ​ധി​കാ​ര​ത്തി​ലെ​ത്താ​നു​മാ​കും. വ​ർ​ധി​ക്കു​ന്ന മ​ണ്ഡ​ല​ങ്ങ​ളെ ഇ​പ്പോ​ൾ​ത​ന്നെ സാ​ങ്ക​ൽ​പ്പി​ക​മാ​യി ക​ണ​ക്കി​ലെ​ടു​ത്താ​ൽ ഈ ​ലോ​ക്സ​ഭ​യി​ൽ​ത​ന്നെ ബി​ജെ​പി​ക്കു ത​നി​ച്ചു ഭ​രി​ക്കാ​നു​ള്ള ഭൂ​രി​പ​ക്ഷം ല​ഭി​ച്ചേ​ക്കാം.

മൂ​ന്നാ​മ​ത്തെ സ്ഥാ​നാ​രോ​ഹ​ണ​ത്തി​ൽ നേ​രി​യ ഭൂ​രി​പ​ക്ഷം മാ​ത്ര​മു​ണ്ടാ​യി​രു​ന്ന ബി​ജെ​പി വോ​ട്ടു​ന​ഷ്ട​ത്തെ സീ​റ്റ് ലാ​ഭം കൊ​ണ്ടു പ​രി​ഹ​രി​ക്കാ​ൻ ശ്ര​മി​ക്കു​ക​യാ​വാം. ഭ​രി​ക്കു​ന്ന​വ​ർ മ​ന​സി​ൽ കാ​ണു​ന്ന​ത് പ്ര​തി​പ​ക്ഷം മ​ര​ത്തി​ൽ കാ​ണു​ന്നു​ണ്ടെ​ങ്കി​ൽ അ​തു രാ​ഷ്‌​ട്രീ​യ-​ജ​നാ​ധി​പ​ത്യ ജാ​ഗ്ര​ത​യാ​ണ്. അ​തി​ൽ തെ​റ്റു​ണ്ടെ​ങ്കി​ൽ സ​ർ​ക്കാ​രി​നു തി​രു​ത്താ​വു​ന്ന​തേ​യു​ള്ളൂ. പ​ക്ഷേ, തി​രു​ത്തി​യി​ട്ടി​ല്ല.

മ​റ്റൊ​രു ചോ​ദ്യം, കു​ടും​ബാ​സൂ​ത്ര​ണ പ​രി​പാ​ടി​യി​ൽ കേ​ന്ദ്ര​സ​ർ​ക്കാ​രി​നോ​ടു സ​ഹ​ക​രി​ച്ച് രാ​ജ്യ​ത്തെ ജ​ന​സം​ഖ്യ കു​റ​യ്ക്കു​ക​യും വി​ക​സ​ന​മു​ന്നേ​റ്റ​ത്തി​ൽ പ​ങ്കാ​ളി​ക​ളാ​കു​ക​യും ചെ​യ്ത ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ൾ ശി​ക്ഷി​ക്ക​പ്പെ​ടു​ക​യാ​ണോ എ​ന്ന​താ​ണ്. ഭ​ര​ണ​കൂ​ട​ത്തോ​ടു സ​ഹ​ക​രി​ച്ച​വ​രെ ഭ​ര​ണ​ത്തി​ൽ​നി​ന്ന് അ​ക​റ്റു​ക​യാ​ണോ എ​ന്ന സം​ശ​യം ദൂ​രീ​ക​രി​ക്ക​പ്പെ​ട​ണം.

ഏ​തെ​ങ്കി​ലും ഒ​രു പാ​ർ​ട്ടി​ക്ക് മേ​ൽ​ക്കൈ കി​ട്ടു​ന്ന​വി​ധ​മ​ല്ല, ആ​നു​പാ​തി​ക വ​ർ​ധ​ന​യാ​ണ് ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ൾ ആ​വ​ശ്യ​പ്പെ​ടു​ന്ന​ത്. അ​തു​പോ​ലെ, ത്രി​ഭാ​ഷാ ന​യ​വും ചോ​ദ്യം ചെ​യ്യ​പ്പെ​ട്ടി​രി​ക്കു​ന്നു. ഹി​ന്ദി അ​ടി​ച്ചേ​ൽ​പ്പി​ക്കാ​നു​ള്ള ഒ​രു ശ്ര​മ​വു​മി​ല്ലെ​ന്ന് കേ​ന്ദ്ര​സ​ർ​ക്കാ​രി​ന് പ്ര​സം​ഗി​ക്കേ​ണ്ടി​വ​രു​ന്ന​ത് ആ​ദ്യ​മ​ല്ല. അ​തി​നി​ടെ പ​ത്താം ക്ലാ​സ് ബോ​ർ​ഡ് പ​രീ​ക്ഷ​ക​ളി​ൽ ഹി​ന്ദി​യും ഇം​ഗ്ലീ​ഷും നി​ർ​ബ​ന്ധ​മാ​ക്കി​യു​ള്ള ക​ര​ട് രേ​ഖ സി​ബി​എ​സ്ഇ പു​റ​ത്തു​വി​ടു​ക​യും ചെ​യ്തു.

പ്ര​തി​ഷേ​ധം ശ​ക്ത​മാ​യ​തോ​ടെ ത​മി​ഴ് ഉ​ൾ​പ്പെ​ടു​ത്തി. മ​ല​യാ​ളം പു​റ​ത്താ​ണെ​ങ്കി​ലും പ​ട്ടി​ക പൂ​ർ​ണ​മ​ല്ലെ​ന്നു പ​റ​ഞ്ഞി​ട്ടു​ണ്ട് സി​ബി​എ​സ്ഇ. ബി​ജെ​പി സ​ർ​ക്കാ​രി​ന്‍റെ ഉ​ദ്ദേ​ശ്യം എ​ന്താ​ണെ​ങ്കി​ലും നി​റ​യെ അ​വ്യ​ക്ത​ത​ക​ളു​ണ്ട്. മ​ണ്ഡ​ല പു​ന​ർ​നി​ർ​ണ​യ, ഭാ​ഷാ പോ​രാ​ട്ട​ത്തി​ൽ കൊ​ടി​യേ​ന്തി മു​ന്നി​ലു​ള്ള​ത് ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​നാ​ണ്.

കേ​ന്ദ്ര മാ​ന​ദ​ണ്ഡ​ങ്ങ​ൾ അം​ഗീ​ക​രി​ച്ചി​ല്ലെ​ങ്കി​ൽ ദേ​ശീ​യ വി​ദ്യാ​ഭ്യാ​സ ന​യ​മ​നു​സ​രി​ച്ച് ത​മി​ഴ്‌​നാ​ടി​നു ല​ഭി​ക്കേ​ണ്ട ര​ണ്ടാ​യി​ര​ത്തി​ൽ​പ​രം കോ​ടി രൂ​പ​യു​ടെ സ​ഹാ​യം ന​ഷ്ട​പ്പെ​ടു​മെ​ന്ന കേ​ന്ദ്ര മു​ന്ന​റി​യി​പ്പ് അ​ദ്ദേ​ഹ​ത്തെ പി​ന്തി​രി​പ്പി​ച്ചി​ട്ടി​ല്ല. ഇ​ക്കാ​ര്യ​ത്തി​ലു​ണ്ടാ​യേ​ക്കാ​വു​ന്ന ഏ​തു ന​ഷ്ട​വും ത​ങ്ങ​ൾ കാ​ര്യ​മാ​ക്കു​ന്നി​ല്ലെ​ന്നാ​ണ് സ്റ്റാ​ലി​ൻ പ​റ​യു​ന്ന​ത്.

ര​ണ്ടു കാ​ര്യ​ങ്ങ​ളി​ലും സ്റ്റാ​ലി​ന്‍റെ നി​ല​പാ​ടി​നു പി​ന്തു​ണ​യേ​റു​ക​യാ​ണ്. ദ​ക്ഷി​ണേ​ന്ത്യ​യി​ൽ ഒ​രു മൂ​ന്നാം ഭാ​ഷ പ​ഠി​പ്പി​ക്കാ​ൻ നി​ർ​ബ​ന്ധി​ക്കു​ന്ന​വ​ർ ഉ​ത്ത​രേ​ന്ത്യ​യി​ൽ ഏ​തു മൂ​ന്നാം ഭാ​ഷ​യാ​ണു പ​ഠി​പ്പി​ക്കു​ന്ന​തെ​ന്നു​കൂ​ടി പ​റ​യാ​ൻ സ്റ്റാ​ലി​ൻ വെ​ല്ലു​വി​ളി​ക്കു​ന്നു.

മ​ണ്ഡ​ല പു​ന​ർ​നി​ർ​ണ​യ​ത്തി​ലും ഭാ​ഷാ ത​ർ​ക്ക​ത്തി​ലും സ​ർ​വ​ക​ക്ഷി​യോ​ഗം വി​ളി​ച്ച് ആ​ശ​ങ്ക​ക​ൾ പ​രി​ഹ​രി​ക്കു​ക​യും എ​ല്ലാ​വ​ർ​ക്കും സ്വീ​കാ​ര്യ​മാ​യ മാ​ന​ദ​ണ്ഡ​ങ്ങ​ൾ അ​വ​ലം​ബി​ക്കു​ക​യു​മാ​ണ് വേ​ണ്ട​ത്. രാ​ഷ്‌​ട്രീ​യ നേ​ട്ട​ങ്ങ​ളി​ലോ ഉ​ത്ത​ര-​ദ​ക്ഷി​ണ പ​രി​ഗ​ണ​ന​ക​ളി​ലോ അ​ല്ല, ഒ​രൊ​റ്റ ഇ​ന്ത്യ, ഒ​രൊ​റ്റ ജ​ന​ത എ​ന്ന കെ​ട്ടു​റ​പ്പി​ലാ​ക​ണം കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ തീ​രു​മാ​ന​ങ്ങ​ൾ. അ​ധി​കാ​ര രാ​ഷ്‌​ട്രീ​യ​മ​ല്ല, രാ​ജ്യ​മാ​ണു വ​ലു​ത്.