ഭ​​ര​​ണ​​ക​​ക്ഷി​​യെ സ്വാ​​ധീ​​നി​​ക്കാ​​ൻ കു​​ത്ത​​ക​​ക​​ൾ​​ക്കും, ആ​​രെ​​യും ഭ​​യ​​പ്പെ​​ടു​​ത്തി പ​​ണം വാ​​ങ്ങാ​​ൻ ഭ​​രി​​ക്കു​​ന്ന പാ​​ർ​​ട്ടി​​ക്കും അ​​വ​​സ​​ര​​മു​​ണ്ടാ​​യാ​​ൽ അ​തി​നോ​ളം അ​ഴി​മ​തി മ​റ്റെ​ന്തു​ണ്ട്?

ഇ​ല​ക്‌​ട​റ​ൽ ബോ​ണ്ട് (തെ​ര​ഞ്ഞെ​ടു​പ്പ് സം​ഭാ​വ​നാ ക​ട​പ്പ​ത്ര​ങ്ങ​ൾ) വി​വ​ര​ങ്ങ​ൾ വെ​ളി​പ്പെ​ടു​ത്ത​ണ​മെ​ന്ന വി​ധി​യെ മ​റി​ക​ട​ക്കാ​ൻ സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ ന​ട​ത്തി​യ നീ​ക്ക​ത്തെ സു​പ്രീം​കോ​ട​തി ത​ട​ഞ്ഞ​ത് അ​ഴി​മ​തി​ക്കെ​തി​രേ​യു​ള്ള നീ​ക്കം മാ​ത്ര​മ​ല്ല, അ​റി​യാ​നു​ള്ള ജ​ന​ങ്ങ​ളു​ടെ അ​വ​കാ​ശ​ത്തെ ഉ​യ​ർ​ത്തി​പ്പി​ടി​ക്കു​ന്ന​തു​മാ​യി. ക​ണ​ക്കും വി​ലാ​സ​വും ര​ഹ​സ്യ​മാ​ക്കി വ​ച്ചു​കൊ​ണ്ട് രാ​ഷ്‌​ട്രീ​യ പാ​ർ​ട്ടി​ക​ൾ​ക്കു സം​ഭാ​വ​ന സ്വീ​ക​രി​ക്കാ​നു​ള്ള ഇ​ല്ക​ട‌​റ​ൽ ബോ​ണ്ട് സം​വി​ധാ​നം ഒ​ന്നാം മോ​ദി സ​ർ​ക്കാ​ർ കൊ​ണ്ടു​വ​ന്ന​തു​മു​ത​ൽ വി​വാ​ദ​ത്തി​ലാ​യി​രു​ന്നു.

ക​ണ​ക്കി​ല്ലാ​തെ ഒ​ഴു​കി​യെ​ത്തു​ന്ന ഫ​ണ്ടി​ന്‍റെ ഉ​റ​വി​ടം വെ​ളി​പ്പെ​ടു​ത്താ​ൻ മ​ടി ബി​ജെ​പി​ക്കോ കേ​ന്ദ്ര​സ​ർ​ക്കാ​രി​നോ മാ​ത്ര​മാ​യി​രു​ന്നു. കാ​ര​ണം, അ​തി​ന്‍റെ ഏ​റ്റ​വും വ​ലി​യ ഗു​ണ​ഭോ​ക്താ​വ് അ​വ​രാ​യി​രു​ന്നു. പ​ക്ഷേ, വി​വ​ര​ങ്ങ​ൾ പ​ര​സ്യ​പ്പെ​ടു​ത്ത​ണ​മെ​ന്ന വി​ധി​ക്കെ​തി​രേ കോ​ട​തി​യെ സ​മീ​പി​ച്ച​ത് എ​സ്ബി​ഐ​യാ​ണ്. എ​സ്ബി​ഐ​യെ മു​ന്നി​ൽ നി​ർ​ത്തി കേ​ന്ദ്രം ന​ട​ത്തി​യ നീ​ക്ക​മാ​ണ് സു​പ്രീം​കോ​ട​തി ത​ട​ഞ്ഞ​ത്.

വി​വ​ര​ങ്ങ​ള്‍ ന​ല്‍​കാ​ന്‍ ഇ​ന്നു വൈ​കി​ട്ട് അ​ഞ്ചു​മ​ണി വ​രെ സ​മ​യം അ​നു​വ​ദി​ച്ചു​കൊ​ണ്ട് എ​സ്ബി​ഐ ചെ​യ​ര്‍​മാ​നും എം​ഡി​ക്കും സു​പ്രീം​കോ​ട​തി നോ​ട്ടീ​സ് ന​ല്‍​കി. ന​ട​പ്പാ​ക്കാ​തി​രു​ന്നാ​ൽ കോ​ട​തി​യ​ല​ക്ഷ്യ ന​ട​പ​ടി​യു​ണ്ടാ​കും. ഇ​ല​ക്‌​ട​റ​ൽ ബോ​ണ്ടു​ക​ൾ ഭ​ര​ണ​ഘ​ട​നാ വി​രു​ദ്ധ​മാ​ണെ​ന്നും റ​ദ്ദാ​ക്ക​ണ​മെ​ന്നു​മാ​ണ് ചീ​ഫ് ജ​സ്റ്റീ​സ് അ​ധ്യ​ക്ഷ​നാ​യ അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ച് ഫെ​ബ്രു​വ​രി 15നു ​വി​ധി​ച്ച​ത്. രാ​ഷ്‌​ട്രീ​യ പാ​ര്‍​ട്ടി​ക​ള്‍​ക്കു ല​ഭി​ച്ച ബോ​ണ്ടു​ക​ളു​ടെ വി​ശ​ദാം​ശ​ങ്ങ​ള്‍ എ​സ്ബി​ഐ മാ​ര്‍​ച്ച് ആ​റി​ന​കം തെ​ര​ഞ്ഞെ​ടു​പ്പു ക​മ്മി​ഷ​നു ന​ൽ​ക​ണ​മെ​ന്നും ക​മ്മീ​ഷ​ൻ അ​തു 13ന​കം വെ​ബ്‌​സൈ​റ്റി​ല്‍ പ്ര​സി​ദ്ധീ​ക​രി​ക്ക​ണ​മെ​ന്നു​മാ​ണ് കോ​ട​തി ആ​വ​ശ്യ​പ്പെ​ട്ട​ത്.

ഇ​തി​നെ​തി​രേ​യാ​ണ് എ​സ്ബി​ഐ ഹ​ർ​ജി ന​ൽ​കി​യ​ത്. ജൂ​ൺ 30 വ​രെ സ​മ​യം നീ​ട്ടി​ക്കി​ട്ട​ണ​മെ​ന്നാ​യി​രു​ന്നു എ​സ്ബി​ഐ​യു​ടെ ആ​വ​ശ്യം. ബോ​ണ്ടു​ക​ളു​ടെ വി​ശ​ദാം​ശ​ങ്ങ​ൾ ക്രോ​ഡീ​ക​രി​ച്ചു പു​റ​ത്തു​വി​ടാ​ൻ ആ​ഴ്ച​ക​ളെ​ടു​ക്കു​മെ​ന്നാ​ണ് അ​തി​നു കാ​ര​ണ​മാ​യി അ​വ​ർ ഹ​ർ​ജി​യി​ൽ പ​റ​ഞ്ഞ​ത്. പ​ക്ഷേ, ഏ​പ്രി​ൽ-​മേ​യ് മാ​സ​ങ്ങ​ളി​ൽ ന​ട​ക്കാ​നി​രി​ക്കു​ന്ന പൊ​തു​തെ​ര​ഞ്ഞെ​ടു​പ്പ് ക​ഴി​യു​വോ​ളം വി​വ​രം ര​ഹ​സ്യ​മാ​ക്കി വ​യ്ക്കാ​നു​ള്ള സ​ർ​ക്കാ​രി​ന്‍റെ ത​ന്ത്ര​മാ​ണി​തെ​ന്ന് ആ​രോ​പ​ണം ഉ​യ​ർ​ന്നു. വി​ധി പു​റ​പ്പെ​ടു​വി​ച്ച് 26 ദി​വ​സം ക​ഴി​ഞ്ഞി​ട്ടും എ​സ്ബി​ഐ എ​ന്തെ​ടു​ക്കു​ക​യാ​യി​രു​ന്നു എ​ന്നാ​യി​രു​ന്നു കോ​ട​തി​യു​ടെ ചോ​ദ്യം. സാ​ങ്കേ​തി​ക​ത്വം പ​റ​യാ​തെ ഉ​ത്ത​ര​വ് അ​നു​സ​രി​ക്കാ​നും എ​സ്ബി​ഐ​യി​ൽ​നി​ന്ന് ആ​ത്മാ​ർ​ഥ​ത പ്ര​തീ​ക്ഷി​ക്കു​ന്നു​വെ​ന്നും കോ​ട​തി ഓ​ർ​മി​പ്പി​ച്ചു.

സു​പ്രീം​കോ​ട​തി​യു​ടെ ചോ​ദ്യ​ങ്ങ​ൾ​ക്കു മു​ന്നി​ൽ എ​സ്ബി​ഐ​യെ പ​രി​ഹാ​സ്യ​മാ​ക്കി നി​ർ​ത്തി​യ​ത് കേ​ന്ദ്ര​സ​ർ​ക്കാ​രാ​ണ്. ബോ​ണ്ട് വാ​ങ്ങി​യ​ത് ആ​രൊ​ക്കെ​യെ​ന്ന് ഉ​ട​ന്‍ പ​റ​യാ​മെ​ന്നും എ​ന്നാ​ല്‍ ഏ​തൊ​ക്കെ പാ​ര്‍​ട്ടി​ക്ക് പ​ണം കി​ട്ടി​യെ​ന്നു വെ​ളി​പ്പെ​ടു​ത്താ​ൻ സ​മ​യം വേ​ണ​മെ​ന്നു​മാ​ണ് എ​സ്ബി​ഐ കോ​ട​തി​യെ അ​റി​യി​ച്ച​ത്. ഒ​ളി​ച്ചു​ക​ളി​യു​ടെ ല​ക്ഷ​ണ​മു​ണ്ടെ​ന്നു സം​ശ​യി​ക്കാ​വു​ന്ന ഈ ​ആ​വ​ശ്യം കോ​ട​തി ത​ള്ളു​ക​യാ​യി​രു​ന്നു. രാ​ഷ്‌​ട്രീ​യ പാ​ർ​ട്ടി​ക​ൾ​ക്കു കോ​ർ​പ​റേ​റ്റു​ക​ളി​ൽ​നി​ന്നു ല​ഭി​ക്കു​ന്ന സം​ഭാ​വ​ന​ക​ളി​ൽ 90 ശ​ത​മാ​ന​വും ബി​ജിെ​പി​ക്കാ​യി​രു​ന്നു​വെ​ന്ന് അ​സോ​സി​യേ​ഷ​ൻ ഫോ​ർ ഡെ​മോ​ക്രാ​റ്റി​ക് റി​ഫോം​സ് (എ​ഡി​ആ​ർ) റി​പ്പോ​ർ​ട്ടി​ൽ പ​റ​യു​ന്നു.

ഭ​ര​ണ​ക​ക്ഷി​യെ സ്വാ​ധീ​നി​ക്കാ​ൻ കു​ത്ത​ക​ക​ൾ​ക്കും, ആ​രെ​യും ഭ​യ​പ്പെ​ടു​ത്തി പ​ണം വാ​ങ്ങാ​ൻ ഭ​രി​ക്കു​ന്ന പാ​ർ​ട്ടി​ക്കും അ​വ​സ​ര​മു​ണ്ടാ​യാ​ൽ അ​തി​നോ​ളം അ​ഴി​മ​തി മ​റ്റെ​ന്തു​ണ്ട്? പ്ര​ത്യേ​കി​ച്ചും, ചി​ല ക​ന്പ​നി​ക​ൾ ബി​ജെ​പി​ക്കു സം​ഭാ​വ​ന ന​ൽ​കി​യ​ത് എ​ൻ​ഫോ​ഴ്സ്മെ​ന്‍റ് ഡ​യ​റ​ക്‌​ട​റേ​റ്റും ആ​ദാ​യ​നി​കു​തി വ​കു​പ്പും അ​വ​രെ​ത്തേ​ടി എ​ത്തി​യ​തി​നു ശേ​ഷ​മാ​ണെ​ന്ന വാ​ർ​ത്ത​ക​ൾ ന്യൂ​സ് ലോ​ൺ​ഡ്രി പോ​ലു​ള്ള പോ​ർ​ട്ട​ലു​ക​ൾ പു​റ​ത്തു​വി​ട്ട പ​ശ്ചാ​ത്ത​ല​ത്തി​ൽ.

ബോ​ണ്ട് ഇ​പ്പോ​ൾ എ​സ്ബി​ഐ​യു​ടെ കോ​ർ​ട്ടി​ലാ​ണ്. ഫൗ​ൾ കാ​ണി​ക്കാ​തെ കോ​ട​തി നി​ർ​ദേ​ശി​ച്ച​ട​ത്ത് അ​തു കൃ​ത്യ​മാ​യി എ​ത്തി​ക്കു​ക​യാ​ണു വേ​ണ്ട​ത്. ഇ​ന്ത്യ​യി​ലെ ഏ​റ്റ​വും വ​ലി​യ ബാ​ങ്കി​ന്‍റെ ഏ​റ്റ​വും വ​ലി​യ ഓ​ഹ​രി​യു​ട​മ കേ​ന്ദ്ര​സ​ർ​ക്കാ​രാ​ണ്. പ​ക്ഷേ, സ​ർ​ക്കാ​രി​ന്‍റെ​യും രാ​ജ്യ​ത്തി​ന്‍റെ​യും ഉ​ട​മ​ക​ൾ ജ​ന​ങ്ങ​ളാ​ണ്. കോ​ടി​ക​ളു​ടെ കൊ​ടു​ക്ക​ൽ വാ​ങ്ങ​ലു​ക​ൾ അ​വ​രോ​ടു വെ​ളി​പ്പെ​ടു​ത്താ​ൻ പ​റ​യു​ന്പോ​ൾ സ​ർ​ക്കാ​ർ ഇ​രു​ട്ട​ത്തേ​ക്കു മാ​റി നി​ൽ​ക്കു​ന്ന​ത് എ​ന്തി​നാ​ണ്? ത​ല​യി​ൽ മു​ണ്ടി​ട്ടു വാ​ങ്ങാ​ൻ മാ​ത്രം ചീ​ത്ത​യാ​ണോ ഇ​ല​ക്‌​ട​റ​ൽ ബോ​ണ്ട്?