വി​ദ്യാ​ർ​ഥി വി​സ​യു​ടെ കാ​ലാ​വ​ധി നി​ശ്ച​യി​ക്കാ​ൻ പു​തി​യ നി​യ​മം വ​രു​ന്നു
Wednesday, September 3, 2025 2:34 AM IST
പി.പി. ചെറിയാൻ
ഡാ​ള​സ്: വി​ദ്യാ​ർ​ഥി വി​സ​യു​ടെ കാ​ലാ​വ​ധി നി​ശ്ച​യി​ക്കാ​ൻ പു​തി​യ നി​യ​മം വ​രു​ന്നു. എ​ഫ്1 വി​ദ്യാ​ർ​ഥിക​ൾ​ക്ക് ദീ​ർ​ഘ​കാ​ല താ​മ​സം അ​വ​സാ​നി​പ്പി​ക്കാ​ൻ നി​ർ​ദ്ദേ​ശം.

നി​ല​വി​ലെ നി​യ​മമനുസരിച്ച് എ​ഫ്1 വി​സ​യി​ൽ പ​ഠി​ക്കു​ന്ന വി​ദ്യാ​ർ​ഥിക​ൾ​ക്ക് അ​വ​രു​ടെ ഐ94 ​ഫോ​മി​ൽ ​ഡി/​എ​സ് (Duration of Status) എ​ന്നാ​ണ് രേ​ഖ​പ്പെ​ടു​ത്താ​റു​ള്ള​ത്. ഇ​തി​ന​ർ​ത്ഥം, അ​വ​ർ​ക്ക് അ​വ​രു​ടെ വി​ദ്യാ​ർ​ത്ഥി പ​ദ​വി നി​ല​നി​ർ​ത്തു​ന്നി​ട​ത്തോ​ളം കാ​ലം യുഎ​​സി​ൽ തു​ട​രാം. ഇ​തി​ൽ ഓ​പ്ഷ​ണ​ൽ പ്രാ​ക്ടി​ക്ക​ൽ ട്ര​യ്​നിം​ഗ് (OPT) പോ​ലെ​യു​ള്ള അം​ഗീ​കൃ​ത പ​രി​ശീ​ല​ന​ങ്ങ​ളും ഉ​ൾ​പ്പെ​ടു​ന്നു.

പ​ഠ​നം പൂ​ർ​ത്തി​യാ​ക്കു​ക​യോ അ​ല്ലെ​ങ്കി​ൽ OPT ക​ഴി​യു​ക​യോ ചെ​യ്താ​ൽ, സാ​ധാ​ര​ണ​യാ​യി 60 ദി​വ​സ​ത്തെ ഗ്രേ​സ് പി​രീ​ഡ് ല​ഭി​ക്കും. ഈ ​സ​മ​യ​ത്തി​നു​ള്ളി​ൽ അ​വ​ർ​ക്ക് രാ​ജ്യം വി​ടു​ക​യോ, വി​സ മാ​റ്റു​ക​യോ, നീ​ട്ടു​ക​യോ ചെ​യ്യാം.

പുതിയ നിർദേശമനുസരിച്ച് ഡി​പ്പാ​ർ​ട്ട്മെ​ന്റ് ഓ​ഫ് ഹോം​ലാ​ൻ​ഡ് സെ​ക്യൂ​രി​റ്റി (DHS) എ​ഫ്1 (കൂ​ടാ​തെ ജെ1, ​ഐ​വി​സ) വി​സ​യി​ലു​ള്ള​വ​ർ​ക്ക് ഡി/​എ​സ് മോ​ഡ​ൽ ഒ​ഴി​വാ​ക്കാ​ൻ നി​യ​മം നി​ർ​ദ്ദേ​ശി​ച്ചി​ട്ടു​ണ്ട്. കൂടാതെ എ​ഫ്1 വി​സ​യി​ലു​ള്ള​വ​രു​ടെ പ്ര​വേ​ശ​നം ഒ​രു നി​ശ്ചി​ത സ​മ​യ​ത്തേ​ക്ക് മാ​ത്ര​മാ​യി​രി​ക്കും. ഇ​ത് ഐ20 ​ഫോ​മി​ലെ പ്രോ​ഗ്രാം അ​വ​സാ​നി​ക്കു​ന്ന തീ​യ​തി​യു​മാ​യി ബ​ന്ധി​പ്പി​ക്കും, കൂ​ടാ​തെ ഇ​ത് പ​ര​മാ​വ​ധി 4 വ​ർ​ഷ​ത്തി​ൽ കൂ​ടാ​ൻ പാ​ടി​ല്ല. ഇ​തി​നു​ശേ​ഷം 30 ദി​വ​സ​ത്തെ അ​ധി​ക സ​മ​യം കൂ​ടി ന​ൽ​കും.


ഈ ​പു​തി​യ നി​ർ​ദേശം 2025 ഓ​ഗ​സ്റ്റ് 28ന് ​ഫെ​ഡ​റ​ൽ ര​ജി​സ്റ്റ​റി​ൽ ഔ​ദ്യോ​ഗി​ക​മാ​യി പ്ര​സി​ദ്ധീ​ക​രി​ച്ചു. ഇ​തി​നെ തു​ട​ർ​ന്ന് 30 ദി​വ​സ​ത്തെ പൊ​തു അ​ഭി​പ്രാ​യ ശേ​ഖ​ര​ണം ആ​രം​ഭി​ക്കും. ഇ​തോ​ടൊ​പ്പം, എ​സ്ഇ​വി​ഐ​എ​സ് (SEVIS) ലും ​ഐ20, ഐ539, ​ഐ765 പോ​ലു​ള്ള യു​എ​സ്‌​സി​ഐ​എ​സ് (USCIS) ഫോ​മു​ക​ളി​ലും വ​രു​ത്തേ​ണ്ട മാ​റ്റ​ങ്ങ​ളെ​ക്കു​റി​ച്ച് 60 ദി​വ​സ​ത്തെ അ​ഭി​പ്രാ​യ ശേ​ഖ​ര​ണ​വും ന​ട​ത്തും.
">