കണക്ടിക്കട്ട്: മലയാളി അസോസിയേഷൻ ഓഫ് സതേൺ കണക്റ്റിക്കട്ടിന്റെ (മാസ്കോൺ) ഓണാഘോഷ പരിപാടികൾ സെപ്റ്റംബർ 18 നു (ശനി) രാവിലെ 11 മുതൽ ട്രംബുളിലുള്ള മാഡിസൺ മിഡിൽ സ്കൂളിൽ നടക്കും.
ഓണ സദ്യയും, മാവേലിയോടോപ്പമുള്ള ഫോട്ടോ സെഷനും വിവിധങ്ങളായ കലാപരിപാടികളും ഓണാഘോഷത്തിന്റെ ഭാഗമായിരിക്കും. പ്രവാസിമലയാളികളുടെ ബാല്യകാലത്തിലെ ഓണസ്മരണകൾക്ക് നിറം പിടിപ്പിക്കുന്ന, ഗംഭീര പരിപാടികളാണ് ഓണാഘോഷ സമിതി ആസൂത്രണം ചെയ്തിട്ടുള്ളത്. എക്കാലവും ഓർത്തു വയ്ക്കാവുന്നതായിരിക്കും ഈ ഓണാഘോഷമെന്ന് ഭാരവാഹികൾ അവകാശപ്പെട്ടു.
ആഘോഷ പരിപാടികളുടെ വിജയത്തിനായി ടി.പി. സുജനൻ (പ്രസിഡന്റ്), ടിജോ ജോഷ്, ശ്രീജിത്ത് മമ്പറമ്പത്ത് (വൈസ് പ്രസിഡന്റുമാർ), ജയ ജിബി (സെക്രട്ടറി), സുധി ബാലൻ (ട്രഷറർ), വീണ രമേശ് (ജോയിന്റ് സെക്രട്ടറി), പ്രിൻസ് ലാൽ (ജോയിന്റ് ട്രഷറർ) എന്നിവരുടെ നേതൃത്വത്തിൽ വിപുലമായ ഒരുക്കങ്ങൾ പൂർത്തിയായി.
കലാപരിപാടികൾ ഏകോപിപ്പിക്കുന്നത് സാംസ്കാരിക സമിതി ഭാരവാഹികളായ രശ്മി പാറക്കലും അനിത നായരുമാണ്. ഓണസദ്യ ഗംഭീരമാക്കുന്നതിനു വിൽസൺ പൊട്ടക്കൽ, ജോജി ജോസഫ്, ഉണ്ണി തോയക്കാട്ട്, ജോബിൻ ജോർജ് എന്നിവരുടെ മേൽനോട്ടത്തിൽ ഊർജിതമായി പ്രവർത്തനങ്ങൾ നടന്നു വരുന്നു.
ബോർഡ് ഓഫ് ഡയറക്ടേഴ്സ് അംഗങ്ങളായ ജേക്കബ് മാത്യു, സിബി കൈതാരത്ത്, സോഫിയ സലിം, സുഷ നായർ, സുരേഷ് ജഗദീശ്വരൻ , രഞ്ജിത്ത് സീധരൻ എന്നവർ ഓണാഘോഷ പരിപാടികളുടെ നടത്തിപ്പിനും വിജയത്തിനുമായി സമിതികൾക്ക് വേണ്ട സഹായങ്ങൾ ചെയ്തുവരുന്നു.
റിപ്പോർട്ട്: ടി. ഉണ്ണികൃഷ്ണൻ