യു​ക്മ നാ​ഷ​ണ​ൽ പ​ബ്ലി​ക് റി​ലേ​ഷ​ൻ​സ് ഓ​ഫീ​സ​റും മീ​ഡി​യ കോഓ​ർ​ഡി​നേ​റ്റ​റു​മാ​യി കു​ര്യ​ൻ ജോ​ർ​ജ് നി​യ​മി​ത​നാ​യി
Friday, February 28, 2025 3:36 AM IST
അ​ല​ക്സ് വ​ർ​ഗീ​സ്
ല​ണ്ട​ൻ: പു​തി​യ​താ​യി തെ​ര​ഞ്ഞെ​ടു​ക്ക​പ്പെ​ട്ട യു​ക്മ ദേ​ശീ​യ ഭാ​ര​വാ​ഹി​ക​ളു​ടെ ആ​ദ്യ യോ​ഗം ബ​ർ​മിം​ഗ്‌​ഹാ​മി​ൽ ന​ട​ത്ത​പ്പെ​ട്ടു. ദേ​ശീ​യ പ്ര​സി​ഡ​ന്‍റ് എ​ബി സെ​ബാ​സ്റ്റ്യ​ൻ അ​ധ്യ​ക്ഷ​ത വ​ഹി​ച്ചു. യു​ക്മ സ്ഥാ​പി​ത​മാ​യി 15 വ​ർ​ഷ​ങ്ങ​ൾ പി​ന്നി​ടു​മ്പോ​ൾ പു​ത്ത​ൻ ക​ർ​മപ​ദ്ധ​തി​ക​ളു​മാ​യി മു​ന്നോ​ട്ടു പോ​കു​വാ​ൻ പു​തി​യ ഭ​ര​ണ​സ​മി​തി പ്ര​തി​ജ്ഞാ​ബ​ദ്ധ​മാ​ണെ​ന്ന് പ്ര​സി​ഡ​ന്‍റ് പ​റ​ഞ്ഞു.

മു​ൻ വ​ർ​ഷ​ങ്ങ​ളി​ലേ​തു പോ​ലെ ത​ന്നെ ശ​ക്ത​മാ​യ റീ​ജ​ണു​ക​ളും സു​ശ​ക്ത​മാ​യ ദേ​ശീ​യ നേ​തൃ​ത്വ​വും എ​ന്ന രീ​തി​യി​ൽ അം​ഗ അ​സോ​സി​യേ​ഷ​നു​ക​ളെ​യും യു​കെ മ​ല​യാ​ളി പൊ​തു സ​മൂ​ഹ​ത്തെ​യും ഏ​കോ​പി​പ്പി​ക്കു​ന്ന വി​ധ​മു​ള്ള പ്ര​വ​ർ​ത്ത​ന​ങ്ങ​ൾ​ക്ക് ഭ​ര​ണ​സ​മി​തി യോ​ഗം വി​പു​ല​മാ​യ രൂ​പ​രേ​ഖ ത​യാ​റാ​ക്കി.

ദേ​ശീ​യ ഭാ​ര​വാ​ഹി​ക​ളെ കൂ​ടാ​തെ വി​വി​ധ റീ​ജ​ണ​ൽ പ്ര​സി​ഡ​ന്‍റു​മാ​രും റീ​ജ​ണു​ക​ളി​ൽ നി​ന്നു​മു​ള്ള ദേ​ശീ​യ ക​മ്മി​റ്റി അം​ഗ​ങ്ങ​ളും മു​ൻ പ്ര​സി​ഡ​ന്‍റും മു​ൻ ജ​ന​റ​ൽ സെ​ക്ര​ട്ട​റി​യു​മ​ട​ങ്ങു​ന്ന​താ​ണ് യു​ക്മ ദേ​ശീ​യ നി​ർ​വാ​ഹ​ക സ​മി​തി. പു​തി​യ ദേ​ശീ​യ സ​മി​തി പ്ര​വ​ർ​ത്ത​നം ആ​രം​ഭി​ച്ച​തി​ന്‍റെ തു​ട​ർ​ച്ച​യാ​യി യു​ക്മ​യു​ടെ പ്ര​ധാ​ന​പ്പെ​ട്ട പോ​ഷ​ക സം​ഘ​ട​നാ നേ​തൃ​ത്വ​ങ്ങ​ളി​ലും സം​ഘ​ട​ന​യി​ലെ പ്ര​ധാ​ന​പ്പെ​ട്ട ത​സ്തി​ക​യി​ലു​മു​ള്ള നി​യ​മ​ന​ങ്ങ​ൾ യോ​ഗം അം​ഗീ​ക​രി​ച്ചു.

അ​ടു​ത്ത ര​ണ്ട് വ​ർ​ഷ​ങ്ങ​ളി​ലേ​ക്കു​ള്ള നാ​ഷ​ണ​ൽ പി​ആ​ർ​ഒ ആ​ൻ​ഡ് മീ​ഡി​യ കോ​ർ​ഡി​നേ​റ്റ​ർ ആ​യി കു​ര്യ​ൻ ജോ​ർ​ജ് നി​യ​മി​ത​നാ​യി. സ്ഥാ​ന​മൊ​ഴി​ഞ്ഞ യു​ക്മ നാ​ഷ​ണ​ൽ ക​മ്മി​റ്റി​യു​ടെ (2022-25) ജ​ന​റ​ൽ സെ​ക്ര​ട്ട​റി​യാ​യി​രു​ന്നു കു​ര്യ​ൻ ജോ​ർ​ജ്.

കോ​ട്ട​യം ജി​ല്ല​യി​ലെ മു​ട്ടു​ചി​റ സ്വ​ദേ​ശി​യാ​യ കു​ര്യ​ൻ ജോ​ർ​ജ് ബോ​ൾ​ട്ട​ൻ മ​ല​യാ​ളി അ​സോ​സി​യേ​ഷ​ൻ അം​ഗ​മാ​ണ്. വി​ദ്യാ​ർ​ഥി യു​വ​ജ​ന പ്ര​സ്ഥാ​ന​ങ്ങ​ളി​ലൂ​ടെ ന​ന്നേ ചെ​റു​പ്പം മു​ത​ൽ പൊ​തു​പ്ര​വ​ർ​ത്ത​നം ആ​രം​ഭി​ച്ച കു​ര്യ​ൻ ജോ​ർ​ജ് ബോ​ൾ​ട്ട​ൻ മ​ല​യാ​ളി അ​സോ​സി​യേ​ഷ​ൻ പ്ര​സി​ഡ​ന്‍റ്, ബോ​ൾ​ട്ട​ൻ സീ​റോ​മ​ല​ബാ​ർ ച​ർ​ച്ച് ട്ര​സ്റ്റി എ​ന്നീ ചു​മ​ത​ല​ക​ൾ വ​ഹി​ച്ചി​ട്ടു​ണ്ട്.


യു​ക്മ സ്ഥാ​പി​ത​മാ​യ സ​മ​യം മു​ത​ൽ യു​ക്മ​യു​ടെ സ​ഹ​യാ​ത്രി​ക​നാ​യ കു​ര്യ​ൻ ജോ​ർ​ജ് 2017-19 കാ​ല​യ​ള​വി​ൽ യു​ക്മ സാം​സ്കാ​രി​ക വേ​ദി അം​ഗ​മാ​യി പ്ര​വ​ർ​ത്തി​ച്ചു. 2019 ൽ ​നോ​ർ​ത്ത് വെ​സ്റ്റ് റീ​ജ​ണി​ൽ നി​ന്നു​ള്ള ദേ​ശീ​യ സ​മി​തി അം​ഗ​മാ​യി തെ​ര​ഞ്ഞെ​ടു​ക്ക​പ്പെ​ട്ട​പ്പോ​ൾ, യു​ക്മ സാം​സ്കാ​രി​ക വേ​ദി​യു​ടെ നാ​ഷ​ണ​ൽ കോ​ർ​ഡി​നേ​റ്റ​റു​ടെ ചു​മ​ത​ല കൂ​ടി വ​ഹി​ച്ചു.

കോ​വി​ഡ് കാ​ല​യ​ള​വി​ൽ യു​ക്മ​യു​ടെ ആ​ഭി​മു​ഖ്യ​ത്തി​ൽ യു​ക്മ സാം​സ്കാ​രി​ക വേ​ദി അ​വ​ത​രി​പ്പി​ച്ച് ഏ​റെ ജ​ന​ശ്ര​ദ്ധ​യാ​ക​ർ​ഷി​ച്ച ലെ​റ്റ് അ​സ് ബ്രെ​യ്ക് ഇ​റ്റ് ടു​ഗ​ദ​ർ’’ എ​ന്ന പ്രോ​ഗ്രാ​മി​ന്‍റെ പ്ര​ധാ​ന ചു​മ​ത​ല​ക്കാ​രി​ൽ ഒ​രാ​ളാ​യി​രു​ന്നു കു​ര്യ​ൻ ജോ​ർ​ജ്. ബോ​ൾ​ട്ട​ണി​ലെ സ്കാ​ൻ ക​മ്പ്യൂ​ട്ടേ​ഴ്സ് എ​ന്ന സ്ഥാ​പ​ന​ത്തി​ൽ ടീം ​ലീ​ഡ​റാ​യി ജോ​ലി ചെ​യ്യു​ന്ന കു​ര്യ​ൻ ജോ​ർ​ജി​ന്‍റെ ഭാ​ര്യ മി​നി ബോ​ൾ​ട്ട​ൻ ഹോ​സ്പി​റ്റ​ലി​ൽ ഐ​വി സ്പെ​ഷ്യ​ലി​സ്റ്റ് ന​ഴ്സാ​യി​ട്ട് ജോ​ലി ചെ​യ്യു​ന്നു. മ​ക്ക​ൾ: അ​ല​ൻ, ജോ​ഷ്വ.

യു​ക്മ​യു​ടെ പു​തി​യ നാ​ഷ​ണ​ൽ പി​ആ​ർ​ഒ ആ​ൻ​ഡ് മീ​ഡി​യ കോ​ർ​ഡി​നേ​റ്റ​ർ ആ​യി നി​യ​മി​ത​നാ​യ കു​ര്യ​ൻ ജോ​ർ​ജി​നെ ദേ​ശീ​യ പ്ര​സി​ഡ​ന്‍റ് എ​ബി സെ​ബാ​സ്റ്റ്യ​ൻ, ജ​ന​റ​ൽ സെ​ക്ര​ട്ട​റി ജ​യ​കു​മാ​ർ നാ​യ​ർ, മു​ൻ പ്ര​സി​ഡന്‍റ് ഡോ.​ബി​ജു പെ​രി​ങ്ങ​ത്ത​റ, സ്ഥാ​ന​മൊ​ഴി​യു​ന്ന പി ​ആ​ർ ഒ ​അ​ല​ക്സ് വ​ർ​ഗീ​സ് എ​ന്നി​വ​ർ അ​ഭി​ന​ന്ദി​ച്ചു.

യു​ക്മ​യു​ടെ ഔ​ദ്യോ​ഗി​ക വാ​ർ​ത്ത​ക​ൾ നേ​രി​ട്ട് കി​ട്ടാ​ത്ത മാ​ധ്യ​മ​ങ്ങ​ൾ [email protected] എ​ന്ന ഇ​മെ​യി​ൽ വി​ലാ​സ​ത്തി​ൽ ബ​ന്ധ​പ്പെ​ടു​വാ​ൻ അ​ഭ്യ​ർ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌​ഥി​ക്കു​ന്നു. അ​തോ​ടൊ​പ്പം ത​ന്നെ യു​ക്മ നാ​ഷ​ണ​ൽ പി​ആ​ർ​ഒ​യു​മാ​യി 07877348602 എ​ന്ന ന​മ്പ​റി​ലും വാ​ർ​ത്ത​ക​ളു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ​ക്കാ​യി ബ​ന്ധ​പ്പെ​ടാ​വു​ന്ന​താ​ണ്.