കുവൈറ്റ് ഐസിഎഫിന് പുതു നേതൃത്വം
Wednesday, April 16, 2025 11:25 PM IST
അബ്ദുല്ല നാലുപുരയിൽ
കുവൈറ്റ് സിറ്റി: ഐസിഎഫ് കുവൈറ്റ് നാഷണൽ കമ്മിറ്റി പുനഃസംഘടിപ്പിച്ചു. ഭാരവാഹികളായി അലവി സഖാഫി തെഞ്ചേരി (പ്രസിഡന്‍റ്), സാലിഹ് കിഴക്കേതിൽ (ജനറൽ സെക്രട്ടറി) സയിദ് ഹബീബ് കോയ തങ്ങൾ പൊൻമുണ്ടം (ഫിനാൻസ് സെക്രട്ടറി) എന്നിവരെയും ഡെപ്യൂട്ടി പ്രസിഡന്‍റുമാരായി അബൂമുഹമ്മദ്, അഹ്മദ് സഖാഫി കാവനൂർ, അബ്ദുൽ അസീസ് സഖാഫി എന്നിവരെയും തെരഞ്ഞെടുത്തു.

അബ്ദുൽ റസാഖ് സഖാഫി പനയത്തിൽ (സംഘടന & ട്രൈനിംഗ്), നവാസ് ശംസുദ്ധീൻ (അഡ്മിൻ & ഐ ടി), ശബീർ സാസ്കോ (പി.ആർ & മീഡിയ), മുഹമ്മദ് അലി സഖാഫി (തസ്കിയ), ശുഐബ് മുട്ടം (വുമൺ എംപവർമെന്‍റ്), അബ്ദുലത്തീഫ് തോണിക്കര (ഹാർമണി & എമിനൻസ്), റഫീഖ് കൊച്ചനൂർ (നോളജ്), അബ്ദുല്ല വടകര (മോറൽ എജുക്കേഷൻ), സമീർ മുസ്ലിയാർ (വെൽഫയർ &സർവീസ്), അബ്ദുൽഗഫൂർ എടത്തിരുത്തി (പബ്ലിക്കേഷൻ), നൗഷാദ് തലശ്ശേരി (സാമ്പത്തികം) എന്നിവരാണ് സെക്രട്ടറിമാർ. ഷുക്കൂർ മൗലവി കൈപ്പുറം, ബഷീർ അണ്ടിക്കോട് എന്നിവർ നാഷണൽ കാബിനറ്റ് അംഗങ്ങളായിരിക്കും.


’തല ഉയർത്തി നിൽക്കാം’ എന്ന ശീർഷകത്തിൽ രണ്ടു മാസത്തോളം നീണ്ടു നിന്ന മെമ്പർഷിപ്പ് കാമ്പയിന്‍റെ ഭാഗമായി കുവൈറ്റിലെ 55 യൂണിറ്റുകളിലും 7 റീജണുകളിലും പുനഃസംഘടന പ്രക്രിയകൾ പൂർത്തിയാക്കിയതിന് പിറകെയാണ് നാഷണൽ കമ്മിറ്റി പുനഃസംഘടിപ്പിച്ചത്.

അബാസിയ ആസ്പയർ സ്കൂളിൽ നടന്ന കുവൈറ്റ് ദേശീയ കൗൺസിൽ അബ്ദുല്ല വടകര ഉദ്ഘാടനം ചെയ്തു. അലവി സഖാഫി തെഞ്ചേരി അധ്യക്ഷത വഹിച്ചു. ഐസിഎഫ് ഇന്‍റർനാഷണൽ കൗൺസിൽ സെക്രട്ടറി ശരീഫ് കാരശേരി പുനഃസംഘടനക്ക് നേതൃത്വം നൽകി.
കേരള മുസ്ലിം ജമാഅത്ത് മലപ്പുറം ജില്ലാ പ്രസിഡന്‍റ് കൂറ്റമ്പാറ അബ്ദുറഹ്മാൻ ദാരിമി മുഖ്യപ്രഭാഷണം നിർവഹിച്ചു.

കഴിഞ്ഞ സംഘടന വർഷത്തെ പൊതു റിപ്പോർട്ട് അബ്ദുല്ല വടകരയും വകുപ്പു റിപ്പോർട്ടുകൾ റസാഖ് സഖാഫിയും അവതരിപ്പിച്ചു. ഷുക്കൂർ മൗലവി കൈപ്പുറം സാമ്പത്തിക റിപ്പോർട്ട് അവതരിപ്പിച്ചു. സാലിഹ് കിഴക്കേതിൽ സ്വാഗതവും ഷബീർ അരീക്കോട് നന്ദിയും പറഞ്ഞു.