പാ​ലാ: നി​ര​വ​ധി കു​ടും​ബ​ങ്ങ​ള്‍​ക്ക് ആ​ശ്ര​യ​മാ​യ കു​ടി​വെ​ള്ള പ​ദ്ധ​തി​യു​ടെ കി​ണ​റി​നും മോ​ട്ടോ​ര്‍ ഹൗ​സി​നും സ​മീ​പം സാ​മൂ​ഹ്യ​വി​രു​ദ്ധ​ര്‍ മ​ത്സ്യ-​മാം​സ മാ​ലി​ന്യ​ങ്ങ​ള്‍ ത​ള്ളു​ന്ന​തു പ​തി​വാ​യി. മാ​ലി​ന്യ​ങ്ങ​ള്‍ കു​ടി​വെ​ള്ള​ത്തി​ല്‍ ക​ല​രു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാര്‍.

വെ​ള്ള​ഞ്ചൂ​ര്‍ തെ​രു​വും​കു​ന്ന് കു​ടി​വെ​ള്ള പ​ദ്ധ​തി​യി​ലെ ഗു​ണ​ഭോ​ക്താ​ക്ക​ള്‍​ക്കാ​ണ് ഈ ​ഗ​തി​കേ​ട്. ര​ണ്ടു ദി​വ​സ​മാ​യി പ​മ്പിം​ഗ് നി​ര്‍​ത്തി​വ​ച്ചി​രി​ക്കു​ക​യാ​ണ്. ഗു​ണ​ഭോ​ക്തൃ​സ​മി​തി ഭാ​ര​വാ​ഹി​ക​ള്‍ ന​ഗ​ര​സ​ഭ​യി​ലും പോ​ലീ​സി​ലും പ​രാ​തി ന​ല്‍​കി​യി​ട്ടു​ണ്ട്. സി​സി​ടി​വി കാ​മ​റ സ്ഥാ​പി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​യി. പ​ദ്ധ​തി​യു​ടെ കി​ണ​ര്‍ ളാ​ലം തോ​ടി​നു തൊ​ട്ടു​സ​മീ​പ​മാ​ണു​ള്ള​ത്. രാ​ത്രി​കാ​ല​ങ്ങ​ളി​ല്‍ സാ​മൂ​ഹ്യ​വി​രു​ദ്ധ​ര്‍ വാ​ഹ​ന​ങ്ങ​ളി​ല്‍ മാ​ലി​ന്യ​മെ​ത്തി​ച്ച് ഇ​വി​ടെ​യു​ള്ള പാ​ല​ത്തി​ല്‍​നി​ന്നു തോ​ട്ടി​ലേ​ക്കു ത​ള്ളു​ക​യാണ്.

ക​ഴി​ഞ്ഞ ദി​വ​സം കോ​ഴി​ക്ക​ട​ക​ളി​ല്‍​നി​ന്നു​ള്ള മാ​ലി​ന്യ​മാ​ണ് കാ​ണ​പ്പെ​ട്ട​തെ​ങ്കി​ല്‍ ഇ​ന്ന​ലെ മ​ത്സ്യ​ങ്ങ​ളാണ് വ​ന്‍​തോ​തി​ല്‍ ത​ള്ളി​യ​ത്. പ​ല​തും കി​ണ​റി​നു സ​മീ​പ​മാ​ണ് ത​ള്ളു​ന്ന​ത്. ഇ​വി​ടെ​യു​ള്ള കു​ളി​ക്ക​ട​വും മ​ലി​ന​മാ​യി. ക​ല്‍​പ്പ​ട​വു​ക​ള്‍ കെ​ട്ടി​യു​ണ്ടാ​ക്കി​യ കു​ളി​ക്ക​ട​വ് നി​ര​വ​ധി ആ​ളു​ക​ള്‍ കു​ളി​ക്കാ​നും അ​ല​ക്കാ​നും ഉ​പ​യോ​ഗി​ക്കു​ന്ന​താ​ണ്. സാ​മൂ​ഹ്യ​വി​രു​ദ്ധ​ര്‍​ക്കെ​തി​രേ നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്നു നാ​ട്ടു​കാ​ര്‍ ആ​വ​ശ്യ​പ്പെ​ട്ടു.