ഉദ്യോഗസ്ഥരുടെ ഗൂഢനീക്കം പ്രതിഷേധം ശക്തം

പ​ത്ത​നം​തി​ട്ട: പെ​രു​മ്പ​ട്ടി​യി​ലെ കു​ടി​യേ​റ്റ മേ​ഖ​ല റ​വ​ന്യു​ഭൂ​മി​യാ​ണെന്നു വ്യ​ക്ത​മാ​യ​തി​നെത്തുട​ർ​ന്ന് പ​ട്ട​യ വി​ത​ര​ണ ന​ട​പ​ടി​ പു​രോ​ഗ​മി​ക്കു​മ്പോ​ൾ ത​ട​സ​വാ​ദ​ങ്ങ​ളു​മാ​യി ഉ​ദ്യോ​ഗ​സ്ഥ​ത​ല നീ​ക്കം. നൂ​റ്റാ​ണ്ടു മു​മ്പ് 102 ഹെ​ക്ട​ർ വ​രു​ന്ന റ​വ​ന്യു​ഭൂ​മി​യി​ൽ വീ​ടു​വ​ച്ച് കൃ​ഷി ചെ​യ്തുവ​രു​ന്ന ക​ർ​ഷ​ക​രോ​ട് 1971ന് ​മു​മ്പു മു​ത​ൽ അ​വി​ടെ താ​മ​സി​ച്ചു വ​രി​ക​യാണെ​ന്നു വ്യ​ക്ത​മാ​ക്കു​ന്ന രേ​ഖ​ക​ൾ കൂ​ടി ഹാ​ജ​രാ​ക്ക​ണ​മെ​ന്നാ​ണ് പെ​രു​മ്പെ​ട്ടി വി​ല്ലേ​ജ് അ​ധി​കൃ​ത​രു​ടെ പു​തി​യ ആ​വ​ശ്യം. ഭൂ​മി​യെ സം​ബ​ന്ധി​ക്കു​ന്ന രേ​ഖ​ക​ൾ ഹാ​ജ​രാ​ക്ക​ണ​മത്രേ.

എ​ട്ടു ത​ല​മു​റ മു​മ്പു കു​ടി​യേ​റി​യ ഭൂ​മി​ക്ക് എ​ന്തു രേ​ഖ എ​ന്നാ​ണ് ക​ർ​ഷ​ക​രു​ടെ മ​റു​ചോ​ദ്യം. സ്വ​ന്ത​മാ​യി മേ​ൽ​വി​ലാ​സ​വും റേ​ഷ​ൻ കാ​ർ​ഡും ഉ​ണ്ട്. പ​ക്ഷേ, ഇ​തൊ​ന്നും രേ​ഖ​ക​ളാ​യി പ​രി​ഗ​ണി​ക്കാ​ൻ റ​വ​ന്യു​വ​കു​പ്പ് ത​യാ​റ​ല്ല. കേ​ര​ള സം​സ്ഥാ​ന രൂ​പീ​ക​ര​ണം മു​ത​ൽ ഇ​തേ മേ​ൽ​വി​ലാ​സ​ത്തി​ൽ സ​മ്മ​തി​ദാ​നാ​വ​കാ​ശം ഉ​പ​യോ​ഗി​ക്കു​ന്ന​വ​രാ​ണ് ക​ർ​ഷ​ക​ർ.

പട്ടയം നിഷേധിക്കാനോ?

102 ഹെ​ക്ട​ർ വ​രു​ന്ന റ​വ​ന്യു​ഭൂ​മി​യി​ൽ 548 പേ​ർ​ക്കാ​ണ് പ​ട്ട​യം ന​ൽ​കാ​നാ​കു​ന്ന​തെന്നു ക​ണ്ടെ​ത്തി​യി​ട്ടു​ണ്ട്. എ​ന്നാ​ൽ, ഇ​തി​ൽ ന​ല്ലൊ​രു ശ​ത​മാ​നം കു​ടും​ബ​ങ്ങ​ൾ​ക്കും പ​ട്ട​യം നി​ഷേ​ധി​ക്കാ​നാ​ണ് വി​ല്ലേ​ജ് ഓ​ഫീ​സി​ന്‍റെ ശ്ര​മ​മെ​ന്നാ​ണ് ആ​രോ​പ​ണം. 649 അ​പേ​ക്ഷ​ക​ളാ​ണ് പ​ട്ട​യ​ത്തി​നാ​യി ല​ഭി​ച്ചി​രു​ന്ന​ത്. ഇ​തി​ൽ നി​ന്നാ​ണ് 548 പേ​രെ ക​ണ്ടെ​ത്തി​യ​ത്.

അ​സാ​ധ്യ​മാ​യ രേ​ഖ​ക​ൾ ഹാ​ജ​രാ​ക്ക​ണ​മെ​ന്നു പ​റ​ഞ്ഞ് അ​ർ​ഹ​രെ കു​ടി​യി​റ​ക്കാ​നാ​ണ് നീ​ക്ക​മെ​ങ്കി​ൽ പ​ട്ട​യ വി​ത​ര​ണം ബ​ഹി​ഷ്ക​രി​ക്കു​മെന്നു സ​മ​ര സ​മി​തി വ്യ​ക്ത​മാ​ക്കി. ഇ​ത്ര​യും കാ​ലം വ​ന​ഭൂ​മി​യു​ടെ ഭാ​ഗ​മാ​ണ് കൈ​വ​ശ​ഭൂ​മി​യെ​ന്ന​താ​യി​രു​ന്നു വാ​ദം. ഡി​ജി​റ്റ​ൽ സ​ർ​വേ​യി​ലൂ​ടെ​യും മ​റ്റും വ​ന​ഭൂ​മി കൃ​ത്യ​മാ​യി മാ​റ്റി​യി​ട്ട് ക​ർ​ഷ​ക ഭൂ​മി​ക്കു പ​ട്ട​യം ന​ൽ​കാ​നാ​ണ് റ​വ​ന്യു​മ​ന്ത്രി നി​ർ​ദേ​ശി​ച്ച​ത്.

ക​ർ​ഷ​ക​രു​ടെ സ്വ​ന്തം ഭൂ​മി

പൊ​ന്ത​ൽ​പു​ഴ- വ​ലി​യ കാ​വ് റി​സ​ർ​വ് വ​ന​ത്തോ​ടു​ചേ​ർ​ന്നു കി​ട​ക്കു​ന്ന മേ​ഖ​ല​യാ​യ​തി​നാ​ൽ 1958 മു​ത​ൽ ക​ർ​ഷ​ക​രു​ടെ കൈ​വ​ശ​ഭൂ​മി വ​നം​വ​കു​പ്പ് അ​ന​ധി​കൃ​ത​മാ​യി പി​ടി​ച്ചു​വ​ച്ചി​രി​ക്കു​ക​യാ​യി​രു​ന്നു. അ​തി​നാ​ലാ​ണ് ഒ​ന്നാം കേ​ര​ള നി​യ​മ​സ​ഭ​യു​ടെ കാ​ലം​മു​ത​ൽ 14 -ാം നി​യ​മ​സ​ഭ​യു​ടെ കാ​ലം​വ​രെ പ​ട്ട​യ വി​ത​ര​ണ​ത്തി​ന് ത​ട​സം നേ​രി​ട്ട​ത്. എ​ന്നാ​ൽ, അ​ടു​ത്ത​യി​ടെ ന​ട​ന്ന ഡി​ജി​റ്റ​ൽ സ​ർ​വേ​യി​ൽ വ​നം സു​ര​ക്ഷി​ത​മാ​ണെ​ന്നും ക​ർ​ഷ​ക​രു​ടെ ഭൂ​മി റ​വ​ന്യു പു​റ​മ്പോ​ക്ക് ത​രി​ശ് ആ​ണെ​ന്നും വ്യ​ക്ത​മാ​യി. അ​തോ​ടെ​യാ​ണ് വ​നം​കൈ​യേ​റ്റം ആ​ണെ​ന്ന തെ​റ്റി​ദ്ധാ​ര​ണ ഒ​ഴി​വാ​യ​ത്.

വ​ന​ഭൂ​മി​യാ​ണെ​ന്ന് ക​രു​തി നേ​ര​ത്തെ ഈ ​ഭൂ​മി​യി​ൽ സം​യു​ക്ത പ​രി​ശോ​ധ​ന ന​ട​ത്തി​യി​രു​ന്നു. അ​തേത്തു​ട​ർ​ന്ന് പ​രി​വേ​ഷ് പോ​ർ​ട്ട​ലി​ൽ തെ​റ്റാ​യ​വി​ധം പെ​രു​മ്പെ​ട്ടി​യി​ലെ ക​ർ​ഷ​ക​രു​ടെ 104 ഹെ​ക്ട​ർ ഭൂ​മി ഉ​ൾ​പ്പെ​ടു​ത്തി, അ​ടി​സ്ഥാ​ന നി​കു​തി രേ​ഖ​യി​ൽ ക​ർ​ഷ​ക ഭൂ​മി സം​ര​ക്ഷി​ത വ​ന​മാ​ണെ​ന്നു തെ​റ്റാ​യി രേ​ഖ​പ്പെ​ടു​ത്തു​ക​യും ചെ​യ്തു. ഇ​ങ്ങ​നെ​യാ​ണ് 747 കു​ടും​ബ​ങ്ങ​ളു​ടെ ജീ​വി​തം പ​ട്ട​യം ന​ൽ​കാ​തെ താ​റു​മാ​റാ​ക്കി​യ​ത്. ഇ​തി​നാ​ലാ​ണ് ഭൂ​മി കൈ​വ​ശ​പ്പെ​ടു​ത്തി​യ​തി​ന്‍റെ കാ​ല​പ്പ​ഴ​ക്കം തെ​ളി​യി​ക്കു​ന്ന രേ​ഖ​ക​ൾ ക​ർ​ഷ​ക​രു​ടെ പ​ക്ക​ൽ ഇ​ല്ലാ​താ​യ​ത്.

ത​ർ​ക്ക​ങ്ങ​ൾ പ​ല​വ​ഴി​ക്ക്

1958-ൽ ​വ​നം​വ​കു​പ്പ് ത​യാ​റാ​ക്കി​യ സ്കെ​ച്ചി​ൽ 274.72 ഏ​ക്ക​ർ വ​ന​ഭൂ​മി കൈ​യേ​റ്റ​മാ​യി രേ​ഖ​പ്പെ​ടു​ത്തി​യി​രു​ന്നു. അ​തി​നു മു​ന്പു​ത​ന്നെ പെ​രു​മ്പെ​ട്ടി വി​ല്ലേ​ജി​ലെ സ​ർ​വ 283/1-ൽ 274.72 ​ഏ​ക്ക​ർ റ​വ​ന്യു സ്ഥ​ല​മാ​ണെ​ന്നു വ്യ​ക്ത​മാ​കു​ക​യും ആ​ളു​ക​ൾ താ​മ​സി​ച്ചു​വ​ന്ന​തു​മാ​ണ്. പ​ട്ട​യ​ത്തി​ന് അ​പേ​ക്ഷി​ച്ചി​ട്ടു​ള്ള 747 കൈ​വ​ശ​ക്കാ​ർ, പ​ഴ​യ സ​ർ​വേ 283/1 ൽ ​ഉ​ൾ​പ്പെ​ട്ട 252 ഏ​ക്ക​റി​ൽ മാ​ത്ര​മാ​ണ് താ​മ​സി​ക്കു​ന്ന​തെ​ന്നും ഇ​ത് നോ​ക്കി​യാ​ൽ വ്യ​ക്ത​മാ​കും. മു​ഴു​വ​ൻ കൈവശവും 1971 ഓ​ഗ​സ്റ്റ് ഒ​ന്നി​നു മു​ന്പു​ള്ള​താ​ണെ​ന്ന് സ​മ​ർ​ഥി​ക്കാ​ൻ മ​റ്റ് തെ​ളി​വു​ക​ളു​ടെ ആ​വ​ശ്യം ഇ​ല്ല.

കൈവശത്തി​ന്‍റെ പ​ഴ​ക്കം നി​ശ്ച​യി​ക്കാ​ൻ ആ​ധാ​രം ഹാ​ജ​രാ​ക്കാ​ൻ ക​ർ​ഷ​ക​ർ​ക്കു ക​ഴി​യി​ല്ല. കാ​ര​ണം വ​ന​ഭൂ​മി​യാ​ണെ​ന്ന തെ​റ്റി​ദ്ധാ​ര​ണ​യി​ൽ ഈ ​ഭൂ​മി ര​ജി​സ്റ്റ​റാ​ക്കി​ക്കൊ​ടു​ക്കാ​ൻ പാ​ടി​ല്ലെ​ന്നു ഡി​എ​ഫ്ഒ​മാ​ർ കാ​ലാ​കാ​ല​ങ്ങ​ളി​ൽ ര​ജി​സ്‌​ട്രാ​ർ​ക്കു നി​ർ​ദേ​ശം ന​ൽ​കി​യി​രു​ന്നു.

200 വ​ർ​ഷ​ത്തെ കൈ​വ​ശം ഉ​ള്ള​വ​ർ​ക്കു​പോ​ലും ആ​ധാ​രം സ​മ​ർ​പ്പി​ക്കാ​ൻ ക​ഴി​യാ​ത്ത സാ​ഹ​ച​ര്യം ഉ​ണ്ട്. മാത്രമ​ല്ല കൈവശ​ഭൂ​മി​ക്ക് എ​വി​ടെ​യാ​ണ് ആ​ധാ​രം എ​ന്ന ചോ​ദ്യ​വും ക​ർ​ഷ​ക​ർ ഉ​ന്ന​യി​ക്കു​ന്നു. ഭൂ​മി ഇ​ട​പാ​ടു​ക​ൾ ന​ട​ന്നാ​ൽ മാ​ത്ര​മേ ആ​ധാ​രം ഉ​ണ്ടാ​കൂ എ​ന്ന സാ​മാ​ന്യ​ബു​ദ്ധി പോ​ലും റ​വ​ന്യു അ​ധി​കൃ​ത​ർ​ക്ക് ഇ​ല്ലാ​തെ പോ​യെന്നു ക​ർ​ഷ​ക​ർ ചൂ​ണ്ടി​ക്കാ​ട്ടു​ന്നു.

ഒ​ഴി​വാ​ക്ക​ൽ ത​ന്ത്രം

കൈ​വ​ശ​ത്തി​ന്‍റെ കാ​ലം 1971നു മു​ന്പാ​ണെ​ന്നോ ശേ​ഷ​മാ​ണെ​ന്നോ എ​ന്നു നി​ർ​ണ​യി​ക്കാ​ൻ ആ​ധാ​ര​ങ്ങ​ളെ അ​ടി​സ്ഥാ​ന​മാ​ക്ക​രു​തെ​ന്നും ക​ർ​ഷ​ക​ർ ആ​വ​ശ്യ​പ്പെ​ട്ടു. മു​ര​ടി​ച്ചു​കി​ട​ന്ന ഒ​രു പ്ര​ദേ​ശ​ത്തു​ള്ള​രോ​ട് 1971 നു ​മു​ന്പു​ള്ള എ​സ്എ​സ്എ​ൽ​സി ബു​ക്ക്‌, ജ​ന​ന സ​ർ​ട്ടി​ഫി​ക്ക​റ്റ് ഇ​വ​യു​ടെ കോ​പ്പി ചോ​ദി​ക്കു​ന്ന​ത് അ​വ​രെ പ​ട്ട​യ വി​ത​ര​ണ​ത്തി​ൽനി​ന്ന് ഒ​ഴി​വാ​ക്കാ​ൻ മാ​ത്ര​മേ ഇ​ട​യാ​ക്കൂ.

ന​ട്ടു​വ​ള​ർ​ത്തി​യ ഫ​ല​വൃ​ക്ഷ​ങ്ങ​ളു​ടെ പ്രാ​യം, മ​ണ്ണ് ത​ല​മു​റ​ക​ളാ​യി കൃ​ഷി​യോ​ഗ്യ​മാ​ക്കി​യ​തി​ന്‍റെ അ​ട​യാ​ള​ങ്ങ​ൾ, പു​ര​യു​ടെ പ​ഴ​ക്കം, തു​ട​ങ്ങി​യ നി​ര​വ​ധി കാ​ര്യ​ങ്ങ​ൾ മ​ഹ​സ​ർ ത​യാ​റാ​ക്കി​യ​പ്പോ​ൾ ഉ​ദ്യോ​ഗ​സ്ഥ​ർ​ക്ക് ബോ​ധ്യം വ​ന്നി​രു​ന്ന​താ​ണ്.

ഇ​തി​ന്‍റെ എ​ല്ലാം അ​ടി​സ്ഥാ​ന​ത്തി​ൽ മു​ഴു​വ​ൻ കു​ടും​ബ​ങ്ങ​ൾ​ക്കും പ​ട്ട​യം അ​നു​വ​ദി​ക്ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.