ഫാ. ഇ.​പി. മാ​ത്യു​വി​ന്‍റെ പൗ​രോ‌​ഹി​ത്യ സു​വ​ർ​ണ ജൂ​ബി​ലി നാ​ളെ
Friday, October 11, 2024 2:57 AM IST
ചു​ങ്ക​പ്പാ​റ: ഈശോ സഭയുടെ (എ​സ്ജെ) കേ​ര​ള പ്രൊ​വി​ൻ​ഷ​ൽ ഫാ. ​ഇ.​പി . മാ​ത്യു ഇ​ല​ഞ്ഞി​പ്പു​റ​ത്ത് പൗ​രോ​ഹി​ത്യ സു​വ​ർ​ണ ജു​ബി​ലി നി​റ​വി​ൽ. ചു​ങ്ക​പ്പാ​റ നി​ർ​മ​ല​പു​രം ഇ​ല​ഞ്ഞി​പ്പു​റ​ത്ത് പ​രേ​ത​രാ​യ പീ​ലി​പ്പോ​സ് - മേ​രി ദ​മ്പ​തി​ക​ളു​ടെ മ​ക​നാ​ണ് ഫാ. ​ഇ.​പി. മാ​ത്യു.

ജൂ​ബി​ലി​യോ​ട​നു​ബ​ന്ധി​ച്ച് നാ​ളെ രാ​വി​ലെ 10ന് ​കു​ള​ത്തൂ​ർ ലി​റ്റി​ൽ ഫ്ല​വ​ർ പളളിയിൽ കൃ​ത​ജ്ഞ​താ ബ​ലി അ​ർ​പ്പ​ണ​വും തു​ട​ർ​ന്ന് അ​നു​മോ​ദ​ന സ​മ്മേ​ള​ന​വും ന​ട​ക്കും.

1956 ജൂ​ൺ 19നാ​ണ് ഫാ. ​ഇ.​പി. മാ​ത്യു​വി​ന്‍റെ ജ​ന​നം. ചു​ങ്ക​പ്പാ​റ സി​എം​എ​സ് എ​ൽ​പി സ്കൂ​ൾ, കോ​ട്ടാ​ങ്ങ​ൽ സെ​ന്‍റ് ജോ​ർ​ജ് ഹൈ​സ്കൂ​ൾ എ​ന്നി​വി​ട​ങ്ങ​ളി​ലെ പ്രാ​ഥ​മി​ക പ​ഠ​ന​ത്തി​നു​ശേ​ഷം 1974 ൽ ​പാ​റ്റ്ന​യി​ൽ തു​ട​ർ പ​ഠ​നം. 1978 ൽ ​കോ​ഴി​ക്കോ​ട് ദേ​വ​ഗി​രി സെ​ന്‍റ് ജോ​സ​ഫ് കോ​ളേ​ജി​ൽ ബി​എ ഇ​ക്ക​ണോ​മി​സി​ൽ ബി​രു​ദം എ​ടു​ത്തു.

1981 ൽ ​ചൈ​ന്നെ സ​ത്യനി​ല​യം സെ​മി​നാ​രി​യി​ൽ ഫി​ലോ​സ​ഫി​യി​ൽ ബി​രു​ദം നേ​ടി. 1991 ൽ ​ഡീ​ക്ക​ൻ പ​ട്ട​വും ഒ​ക്ടോ​ബ​ർ 19ന് ​കു​ള​ത്തൂ​ർ ലി​റ്റി​ൽ ഫ്ല​വ​ർ പളളിയിൽ ആ​ർ​ച്ച്ബി​ഷ​പ് മാ​ർ ജോ​സ​ഫ് പൗ​വ​ത്തി​ലി​ൽ​നി​ന്ന് വൈ​ദി​കപ​ട്ട​വും സ്വീ​ക​രി​ച്ചു.


1983 പൂ​നെ പേ​പ്പ​ൽ സെ​മി​നാ​രി​യി​ൽ​നി​ന്ന് എം​എ ഫി​ലോ​സ​ഫി​യി​ൽ ബി​രു​ദം നേ​ടി. 1986 ൽ ​തി​രു​വ​ന​ന്ത​പു​രം തു​മ്പ സെ​ന്‍റ് സേ​വ്യേ​ഴ്സ് കോ​ള​ജി​ൽ റീ​ജ​ൻ​സി​ൽ പ്ര​വേ​ശി​ച്ചു. 1988 മുതൽ ​പൂ​നെ പേ​പ്പ​ൽ സെ​മി​നാ​രി​യി​ൽ തി​യോ​ള​ജി​, 1992 മുതൽ ​ചൈ​ന്നൈ സ​ത്യ നി​ല​യ​ത്തി​ൽ ഫി​ലോ​സ​ഫി പ്ര​ഫ​സ​റാ​യും സേ​വ​നം ചെ​യ്തു.

1997 ൽ ​പോ​ണ്ടി​ച്ചേ​രി യൂ​ണി​വേ​ഴ്സി​റ്റി​യി​ൽ​നി​ന്ന് ഫി​ലോ​സ​ഫി​യി​ൽ പി​എ​ച്ച്ഡി നേ​ടി. 2000ൽ ​പോ​സ്റ്റ് പി​എ​ച്ച്ഡി​ക്കാ​യി യു​എ​സ്എ ബോ​സ്റ്റ​ൻ കോ​ള​ജി​ൽ ചേ​ർ​ന്നു.

2001 മു​ത​ൽ ഫി​ലോ​സ​ഫി പ്ര​ഫ​സ​റാ​യി ചൈ​ന്നെ സ​ത്യ നി​ല​യ​ത്തി​ൽ സേ​വ​നം ചെ​യ്തു. 2008 ൽ വൈ​സ് പ്രൊ​വി​ൻ​ഷ്യലാ​യിരുന്നു. 2013 മുതൽ ​ചൈ​ന്നെ ല​യോ​ളാ കോ​ള​ജി​ൽ ഫി​ലോ​സ​ഫി​യു​ടെ ഹെ​ഡാ​യി പ്ര​വ​ർ​ത്തി​ച്ചു. 2019 മു​ത​ൽ ഈശോ സഭയുടെ കേ​ര​ള പ്രൊ​വി​ൻ​ഷ്യലാ​ണ്.