റെ​യി​ല്‍​വേ സ്റ്റേഷ​നി​ല്‍ ഹാൾട്ട് ഏ​ജ​ന്‍റി​നെ യു​വാ​ക്ക​ൾ മ​ര്‍​ദിച്ചു
Friday, September 13, 2024 3:05 AM IST
ചെ​ങ്ങ​ന്നൂ​ര്‍: ചെ​റി​യ​നാ​ട് റെ​യി​ല്‍​വേ സ്റ്റേഷ​നി​ലെ ഹാള്‍​ട്ട് ഏ​ജ​ന്‍റി​നെ സം​ഘം ചേ​ര്‍​ന്ന് മ​ര്‍​ദിച്ചു. ക​ഴി​ഞ്ഞദി​വ​സം രാ​ത്രി ഒ​ൻ​പ​തി​ന് ഒ​ന്നാം പ്ലാ​റ്റ്‌​ഫോ​മി​ലാ​ണ് സം​ഭ​വം. ചെ​റി​യ​നാ​ട് പ്ര​ണ​വം വീ​ട്ടി​ല്‍ മ​ഹേ​ഷ് ബാ​ല​കൃ​ഷ്ണപി​ള്ള(42)യ്ക്കാ​ണ് മ​ര്‍​ദന​മേ​റ്റ​ത്.

സ്റ്റേഷ​ന്‍ മാ​സ്റ്റ​റു​ടെ മു​റി​യി​ല്‍നി​ന്നു പു​റ​ത്തി​റ​ങ്ങി​യ മ​ഹേ​ഷി​നെ രാ​ത്രി​യി​ല്‍ സം​ഘ​മാ​യി പ്ലാ​റ്റ്‌​ഫോ​മി​ലെ​ത്തി​യ ചെ​റു​പ്പ​ക്കാ​ര്‍ അ​സ​ഭ്യം പ​റ​യു​ക​യും മു​ഖ​ത്ത​ടി​ക്കു​ക​യും വ​ലി​ച്ച് നി​ല​ത്തി​ട്ട് ക്രൂ​ര​മാ​യി മ​ര്‍​ദിക്കു​ക​യും ചെ​യ്തു.

തു​ട​ര്‍​ന്ന് മു​റി​യി​ല്‍ ക​യ​റ്റി മു​റി പൂ​ട്ടി​യി​ടു​ക​യും ചെ​യ്തു. സം​ഭ​വ​മ​റി​ഞ്ഞ് സ്ഥ​ല​ത്ത് എ​ത്തി​യ പ്ര​ദേ​ശ​വാ​സി​ക​ൾ മ​ഹേ​ഷി​നെ ചെ​ങ്ങ​ന്നൂ​ര്‍ ജി​ല്ലാ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. പോ​ലീ​സും ആ​ര്‍​പി​എ​ഫും ആ​ശു​പ​ത്രി​യി​ലെ​ത്തി മൊ​ഴി​യെ​ടു​ത്ത. ഇ​തി​നു​മു​മ്പും സ്റ്റേഷ​നി​ല്‍ എ​ത്തി​യി​ട്ടു​ള്ള സം​ഘം യാ​തൊ​രു കാ​ര​ണ​വു​മി​ല്ലാ​തെ മ​ഹേ​ഷി​നെ അ​സ​ഭ്യം പ​റ​ഞ്ഞി​രു​ന്ന​താ​യി പോ​ലീ​സി​ന് ന​ല്കി​യ മൊ​ഴി​യി​ൽ പ​റ​യു​ന്നു.


അ​ഞ്ചു​വ​ര്‍​ഷ​ത്തെ ക​രാ​റ​ടി​സ്ഥാ​ന​ത്തി​ല്‍ റെ​യി​ല്‍​വേ ടി​ക്ക​റ്റ് വി​ല്‍​പ്പ​ന ന​ട​ത്തു​ന്ന മ​ഹേ​ഷി​ന് രാ​ത്രി​കാ​ല​ങ്ങ​ളി​ല്‍ യാ​തൊ​രു സു​ര​ക്ഷ​യും ഇ​ല്ലാ​ത്ത​തു​കൊ​ണ്ട് ഭ​യ​ത്തോ​ടു​കൂ​ടി​യാ​ണ് ജോ​ലി ചെ​യ്യു​ന്ന​തെ​ന്ന് മ​ഹേ​ഷ് പ​റ​ഞ്ഞു.

യു​വാ​ക്ക​ളു​ടെ സം​ഘം റെ​യി​ല്‍​വേ സ്‌​റ്റേ​ഷ​നി​ല്‍ സ്ഥി​ര​സാ​ന്നിധ്യ​മാ​ണെ​ന്നും യാ​ത്ര​ക്കാ​രും പ​റ​യു​ന്നു. സം​ഭ​വ​ത്തി​ൽ റെ​യി​ൽ​വേ പാ​സ​ഞ്ചേ​ഴ്സ് അ​സോ​സി​യേ​ഷ​ൻ ശ​ക്ത​മാ​യി പ്ര​തി​ഷേ​ധി​ച്ചു.

അ​ക്ര​മി സം​ഘ​ങ്ങ​ളി​ല്‍നി​ന്നു ഹാൾട്ട് ഏ​ജ​ന്‍റിനും യാ​ത്ര​ക്കാ​ർ​ക്കും സു​ര​ക്ഷ ഉ​റ​പ്പാ​ക്കാ​ന്‍ ആ​ര്‍​പി​എ​ഫും പോ​ലീ​സും ശ​ക്ത​മാ​യ​ന​ട​പ​ടി സ്വീ​ക​രി​ക്ക​ണ​മെ​ന്നും അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു.