വ​ഞ്ചി​പ്പാ​ട്ടി​ന്‍റെ അ​ക​മ്പ​ടി​യി​ൽ നീ​ര​ണി​ഞ്ഞ് പൂ​വ​ത്തൂ​ർ പ​ടി​ഞ്ഞാ​റ് പു​ത്ത​ൻ പ​ള്ളി​യോ​ടം
Friday, September 6, 2024 3:17 AM IST
കോ​ഴ​ഞ്ചേ​രി: വ​ഞ്ചി​പ്പാ​ട്ടി​ന്‍റെ​യും വാ​യ്ക്കു​ര​വ​യു​ടെ​യും അ​ക​മ്പ​ടി​യോ​ടെ പൂ​വ​ത്തൂ​ർ പ​ടി​ഞ്ഞാ​റ് പു​ത്ത​ൻ പ​ള്ളി​യോ​ടം പ​മ്പാ​ന​ദി​യി​ൽ നീ​ര​ണി​ഞ്ഞു. ഇ​ന്ന​ലെ രാ​വി​ലെ വ​രാ​പ്പു​ഴേ​ത്ത് ക​ട​വി​ലാ​ണ് നീ​ര​ണി​യ​ൽ ച​ട​ങ്ങ് ന​ട​ന്ന​ത്.

പ​മ്പ​യു​ടെ ഓ​ള​പ്പ​ര​പ്പി​ലേ​ക്ക് തെ​ന്നി​യി​റ​ങ്ങി​യ പ​ള്ളി​യോ​ടം മ​റു​ക​ര​യാ​യ ഇ​ട​യാ​റ​ന്മു​ള​യി​ലെ ആ​റ്റു​വ​ഞ്ചി​യി​ൽ ത​ട്ടി​യാ​ണ് നി​ന്ന​ത്. തു​ട​ർ​ന്ന് ബോ​ട്ടി​ന്‍റെ സ​ഹാ​യ​ത്തോ​ടെ ക​ര​യി​ൽ അ​ടു​പ്പി​ച്ച പ​ള്ളി​യോ​ട​ത്തി​ൽ മു​ഖ്യ ത​ച്ച​ൻ ച​ങ്ങ​ങ്ക​രി വേ​ണു ആ​ചാ​രി​യും സ​ഹ ക​ർ​മി വി​ഷ്ണു വേ​ണു ആ​ചാ​രി​യും പ​രി​ശോ​ധ​ന ന​ട​ത്തി.

പി​ന്നീ​ട് ക്യാ​പ്റ്റ​നും ക​ര​ക്കാ​രും ആ​വേ​ശ​ത്തോ​ടെ ചു​ണ്ട​നി​ൽ ഇ​ടം​പി​ടി​ച്ചു. ആ​റ​ന്മു​ള​യി​ലേ​ക്കു​ള്ള പ​ള്ളി​യോ​ട​ത്തി​ന്‍റെ ക​ന്നിയാ​ത്ര​യ്ക്ക് അ​ക​മ്പ​ടി സേ​വി​ക്കാ​ൻ പൂ​വ​ത്തൂ​ർ കി​ഴ​ക്ക്, ഇ​ട​യാ​റ​ന്മു​ള, തോ​ട്ട​പ്പു​ഴ​ശേ​രി, പ​ഴ​യ പൂ​വ​ത്തൂ​ർ പ​ടി​ഞ്ഞാ​റ് എ​ന്നീ പ​ള്ളി​യോ​ട​ങ്ങ​ൾ എ​ത്തി​യി​രു​ന്നു. ആ​റ​ന്മു​ള​യി​ൽ ക്ഷേ​ത്ര ദ​ർ​ശ​നം ക​ഴി​ഞ്ഞ് തി​രി​കെ ക​ര​യി​ൽ എ​ത്തി വി​ഭ​വ​സ​മൃ​ദ്ധ​മാ​യ വ​ള്ളസ​ദ്യ​യും ന​ട​ന്നു.

വ്യാ​ഴാ​ഴ്ച രാ​വി​ലെ ന​ട​ന്ന നീ​ര​ണി​യ​ൽ ക​ർ​മ​ത്തി​ന് മി​സോ​റം മു​ൻ ഗ​വ​ർ​ണ​ർ കു​മ്മ​നം രാ​ജ​ശേ​ഖ​ര​ൻ നേ​തൃ​ത്വം ന​ൽ​കി. മ​ന്ത്രി വീ​ണാ ജോ​ർ​ജ്, 52 ക​ര​ക​ളി​ലേ​യും പ്ര​തി​നി​ധി​ക​ൾ എ​ന്നി​വ​ർ സാ​ക്ഷി​യാ​യി.


നേ​ര​ത്തേ, പ​ള്ളി​യോ​ടം നീ​ര​ണി​ഞ്ഞ വ​ര​പ്പു​ഴേ​ത്ത് ക​ട​വി​ന് സ​മീ​പം ചേ​ർ​ന്ന യോ​ഗ​ത്തി​ൽ എ​ൻ​എ​സ്എ​സ് ഡ​യ​റ​ക്ട​ർ ബോ​ർ​ഡ് അം​ഗം ആ​ർ. മോ​ഹ​ൻ കു​മാ​ർ അ​ധ്യ​ക്ഷ​ത വ​ഹി​ച്ചു. പൊ​തു സ​മ്മേ​ള​നം മ​ന്ത്രി വീ​ണാ ജോ​ർ​ജ് ഉ​ദ്ഘാ​ട​നം ചെ​യ്തു. പ​ള്ളി​യോ​ട ശി​ൽ​പ്പി​ക​ളെ​ പ​ള്ളി​യോ​ട സേ​വാ​സം​ഘം പ്ര​സി​ഡ​ന്‍റ് കെ.​വി. സാം​ബ​ദേ​വ​ൻ ആ​ദ​രി​ച്ചു.

കോ​യി​പ്രം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് പി. ​സു​ജാ​ത, ജി​ല്ലാ പ​ഞ്ചാ​യ​ത്തം​ഗം ജി​ജി മാ​ത്യു, കോ​യി​പ്രം ബ്ലോ​ക്ക് പ​ഞ്ചാ​യ​ത്തം​ഗം അ​നീ​ഷ് കു​ന്ന​പ്പു​ഴ, പ​ഞ്ചാ​യ​ത്തം​ഗ​ങ്ങ​ളാ​യ എം.​സി. രാ​ജേ​ന്ദ്ര​ൻ നാ​യ​ർ, ഓ​മ​ന​ക്കുട്ട​ൻ നാ​യ​ർ, കേ​ര​ളാ പ​ത്ര​പ്ര​വ​ർ​ത്ത​ക യൂ​ണി​യ​ൻ മു​ൻ ജി​ല്ലാ സെ​ക്ര​ട്ട​റി സ​ജി​ത്ത് പ​ര​മേ​ശ്വ​ര​ൻ,

പൂ​വ​ത്തൂ​ർ പൊ​ടി​മ​ല മാ​ർ​ത്തോ​മ്മ പ​ള്ളി വി​കാ​രി റ​വ. സ​ജി​ത്ത് തോ​മ​സ് ജോ​ൺ, കെ​പി​എം​എ​സ് സെ​ക്ര​ട്ടേ​റി​യ​റ്റ് അം​ഗം ബി​ജു വ​ർ​ക്ക​ശാ​ല, പൂ​വ​ത്തൂ​ർ സെ​ന്‍റ് ജോ​സ​ഫ് സി​എ​സ്ഐ പ​ള്ളി വി​കാ​രി റ​വ. റി​നി ഫി​ലി​പ്പ്, സെ​ന്‍റ് മേ​രീ​സ് മ​ല​ങ്ക​ര സു​റി​യാ​നി ക​ത്തോ​ലി​ക്കാ പ​ള്ളി വി​കാ​രി ഫാ. ​ജോ​ർ​ജ് വ​ലി​യ പ​റ​മ്പി​ൽ തു​ട​ങ്ങി​യ​വ​ർ പ്ര​സം​ഗി​ച്ചു.