ഭീമനടി: ഭീമനടിയിലെ ബേബി ജോണ് മെമ്മോറിയല് വനിത ഐടിഐക്ക് വെസ്റ്റ് എളേരി പഞ്ചായത്തിന്റെ ഉടമസ്ഥതയിലുള്ള ചെന്നടുക്കം എച്ചിപ്പൊയിലിലെ 1.07 ഏക്കര് സ്ഥലം സൗജന്യമായി കൈമാറി. ഇതിന്റെ ആധാരം ഭരണസമിതി യോഗത്തില് പഞ്ചായത്ത് പ്രസിഡന്റ് ഗിരിജ മോഹനന് ഐടിഐ പ്രിന്സിപ്പലിന് കൈമാറി.
2013 ജനുവരിയിലാണ് ഐടിഐ നിലവില് വരുന്നത്. ഏറെക്കാലമായി സ്ഥലപരിമിതി അനുഭവിക്കുന്ന ഐടിഐക്ക് സ്വന്തമായി വിശാലമായ കെട്ടിടം പണിയുന്നതിനുള്ള സ്ഥലമാണ് പഞ്ചായത്ത് വിട്ടുനല്കിയത്.
വൈസ് പ്രസിഡന്റ് പി.സി.ഇസ്മായില്, സ്റ്റാൻഡിംഗ് കമ്മിറ്റി അധ്യക്ഷരായ സി.വി.അഖില, കെ.കെ. തങ്കച്ചന്, സെക്രട്ടറി സി.കെ.പങ്കജാക്ഷൻ, പഞ്ചായത്തംഗങ്ങളായ ഇ.ടി.ജോസ്, ശാന്തികൃപ, അജേഷ് അമ്പു, ലില്ലിക്കുട്ടി, ടി.എ.ജയിംസ്, എന്.വി.പ്രമോദ്, ഓമന കുഞ്ഞികൃഷ്ണന്, സി. പി.സുരേശന്, ബിന്ദു മുരളീധരന്, മുഹമ്മദ് ഷെരീഫ്, എം.വി.ലിജിന എന്നിവര് പങ്കെടുത്തു.