ചി​റ്റാ​രി​ക്കാ​ൽ ഡവ​ല​പ്മെ​ന്‍റ് അ​ഥോ​റി​റ്റി​ക്ക് 20 വ​യ​സ്
Friday, May 17, 2024 12:54 AM IST
ചി​റ്റാ​രി​ക്കാ​ൽ: ഇ​രു​ട്ടി​നെ പ​ഴി​ക്കാ​തെ ദീ​പം തെ​ളി​യി​ക്കു​ക എ​ന്ന മു​ദ്രാ​വാ​ക്യ​വു​മാ​യി ചി​റ്റാ​രി​ക്കാ​ലി​ന്‍റെ സാ​മൂ​ഹ്യ-​സാം​സ്കാ​രി​ക-​സാ​മ്പ​ത്തി​ക മേ​ഖ​ല​ക​ളി​ലെ നി​റ​സാ​ന്നി​ധ്യ​മാ​യി മാ​റി​യ ചി​റ്റാ​രി​ക്കാ​ൽ ഡവ​ല​പ്മെ​ന്‍റ് അ​ഥോ​റി​റ്റി​ക്ക് (സി​ഡി​എ) 20 വ​യ​സ്. സേ​വ​ന​ത്തി​ന്‍റെ ര​ണ്ട് ദ​ശ​ക​ങ്ങ​ൾ പൂ​ർ​ത്തി​യാ​ക്കു​ന്ന​തി​നൊ​പ്പം ചി​റ്റാ​രി​ക്കാ​ൽ-​കു​ന്നും​കൈ റോ​ഡ​രി​കി​ൽ സ്വ​ന്ത​മാ​യി വാ​ങ്ങി​യ സ്ഥ​ല​ത്ത് നി​ർ​മി​ച്ച പു​തി​യ ഓ​ഫീ​സ് സ​മു​ച്ച​യ​വും തൊ​ഴി​ൽ പ​രി​ശീ​ല​ന​കേ​ന്ദ്ര​വും നാ​ളെ വൈ​കു​ന്നേ​രം അ​ഞ്ചി​ന് എം.​രാ​ജ​ഗോ​പാ​ല​ൻ എം​എ​ൽ​എ ഉ​ദ്ഘാ​ട​നം ചെ​യ്യും.

തോ​മാ​പു​രം സെ​ന്‍റ് തോ​മ​സ് ഫൊ​റോ​ന വി​കാ​രി റ​വ.​ഡോ.​മാ​ണി മേ​ൽ​വെ​ട്ടം, ഈ​സ്റ്റ് എ​ളേ​രി പ​ഞ്ചാ​യ​ത്ത് പ്ര​സി​ഡ​ന്‍റ് ജോ​സ​ഫ് മു​ത്തോ​ലി, ജി​ല്ലാ പ​ഞ്ചാ​യ​ത്ത് അം​ഗം ജോ​മോ​ൻ ജോ​സ്, നെ​ഹ്റു യു​വ​കേ​ന്ദ്ര കോ-​ഓ​ർ​ഡി​നേ​റ്റ​ർ പി.​അ​ഖി​ൽ തു​ട​ങ്ങി സാ​മൂ​ഹി​ക സാം​സ്കാ​രി​ക രാ​ഷ്ട്രീ​യ രം​ഗ​ങ്ങ​ളി​ലെ പ്ര​മു​ഖ​ർ ച​ട​ങ്ങി​ൽ പ​ങ്കെ​ടു​ക്കും. വി​വി​ധ മേ​ഖ​ല​ക​ളി​ൽ പ്ര​ശ​സ്ത​രാ​യ വ്യ​ക്തി​ക​ളെ ആ​ദ​രി​ക്കും.

ഉ​ദ്ഘാ​ട​ന പ​രി​പാ​ടി​യോ​ട​നു​ബ​ന്ധി​ച്ച് ഘോ​ഷ​യാ​ത്ര​യും ക​ലാ​സ​ന്ധ്യ​യും ന​ട​ക്കും.
2005 ഓ​ഗ​സ്റ്റ് 16 നാ​ണ് ടി.​എം.​ജോ​സ് ത​യ്യി​ലി​ന്‍റെ നേ​തൃ​ത്വ​ത്തി​ൽ ചി​റ്റാ​രി​ക്കാ​ൽ ഡ​വ​ല​പ്മെ​ന്‍റ് അ​ഥോ​റി​റ്റി​യു​ടെ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്ക​മി​ട്ട​ത്. വ​ൻ ന​ഗ​ര​ങ്ങ​ളി​ൽ മാ​ത്രം ഉ​പ​യോ​ഗി​ച്ചു​ക​ണ്ടി​ട്ടു​ള്ള ഡ​വ​ല​പ്മെ​ന്‍റ് അ​ഥോ​റി​റ്റി​യെ​ന്ന വാ​ക്ക് ഗ്രാ​മീ​ണ മേ​ഖ​ല​യി​ലും എ​ത്ര​ക​ണ്ട് അ​ർ​ഥ​വ​ത്താ​യി ഉ​പ​യോ​ഗി​ക്കാ​മെ​ന്ന് വൈ​വി​ധ്യ​മാ​ർ​ന്ന പ്ര​വ​ർ​ത്ത​ന​ങ്ങ​ളി​ലൂ​ടെ തെ​ളി​യി​ക്കാ​ൻ സി​ഡി​എ​ക്ക് സാ​ധി​ച്ചു.

ക​ഴി​ഞ്ഞ ഇ​രു​പ​ത് വ​ർ​ഷ​ങ്ങ​ൾ​ക്കി​ട​യി​ൽ ചി​റ്റാ​രി​ക്കാ​ൽ മേ​ഖ​ല​യി​ലെ സാ​ധാ​ര​ണ​ക്കാ​രു​ടെ ജീ​വി​ത​ത്തി​ന്‍റെ നി​ര​വ​ധി മേ​ഖ​ല​ക​ളി​ൽ സ​ജീ​വ​സാ​ന്നി​ധ്യ​മാ​യി മാ​റാ​ൻ സി​ഡി​എ​യ്ക്ക് ക​ഴി​ഞ്ഞു. സി​ഡി​എ​യു​ടെ കീ​ഴി​ലു​ള്ള വൊ​ക്കേ​ഷ​ണ​ൽ ട്രെ​യി​നിം​ഗ് ഇ​ൻ​സ്റ്റി​റ്റ്യൂ​ട്ട്, ക​മ്യൂ​ണി​റ്റി ഹെ​ൽ​ത്ത് ഇ​ൻ​ഷു​റ​ൻ​സ് (എ​ച്ച്ഐ​ഡി), യൂ​ത്ത് ഡ​വ​ല​പ്മെ​ന്‍റ്, ചൈ​ൽ​ഡ് ഡ​വ​ല​പ്മെ​ന്‍റ്, മ​ഹി​ളാ​സം​ഘം, ഫാം ​ക്ല​ബ്, സോ​ഷ്യ​ൽ വെ​ൽ​ഫെ​യ​ർ, ഫു​ട്ബോ​ൾ അ​ക്കാ​ദ​മി, ഡാ​ൻ​സ് സ്കൂ​ൾ, നാ​ഷ​ണ​ൽ റി​സോ​ഴ്സ് മാ​നേ​ജ്മെ​ന്‍റ്, ക​ൾ​ച്ച​റ​ൽ വിം​ഗ്, മൈ​ക്രോ ഫി​നാ​ൻ​സ് വി​ഭാ​ഗ​ങ്ങ​ളെ​ല്ലാം ഒ​ന്നി​നൊ​ന്ന് സ​ജീ​വ​മാ​ണ്. ഈ ​കാ​ല​യ​ള​വി​നി​ട​യി​ൽ ര​ണ്ടാ​യി​ര​ത്തി​ല​ധി​കം സ്ത്രീ​ക​ൾ​ക്ക് തൊ​ഴി​ൽ പ​രി​ശീ​ല​നം ന​ൽ​കാ​നും അ​വ​ർ​ക്ക് സ്വ​യം തൊ​ഴി​ൽ സം​രം​ഭ​ങ്ങ​ൾ തു​ട​ങ്ങു​ന്ന​തി​നു​ള്ള സ​ഹാ​യ​ങ്ങ​ളെ​ത്തി​ച്ചു​ന​ല്കാ​നും ക​ഴി​ഞ്ഞു.

ക​മ്പ്യൂ​ട്ട​ർ പ​രി​ശീ​ല​ന​ത്തി​ന്‍റെ കാ​ര്യ​ത്തി​ലും മി​ക​ച്ച നേ​ട്ട​മു​ണ്ടാ​ക്കാ​നാ​യി. ചെ​യ​ർ​മാ​ൻ ടി.​എം.​ജോ​സ് ത​യ്യി​ൽ, വൈ​സ് ചെ​യ​ർ​മാ​ൻ​മാ​രാ​യ മാ​ത്യു പ​ടി​ഞ്ഞാ​റേ​ൽ,ബേ​ബി ഇ​ല​ഞ്ഞി​മ​റ്റം, ജ​ന​റ​ൽ സെ​ക്ര​ട്ട​റി പി.​മു​ര​ളീ​ധ​ര​ൻ, സെ​ക്ര​ട്ട​റി​മാ​രാ​യ ജോ​ഫ് ന​മ്പ്യാ​മ​ഠ​ത്തി​ൽ, ഷി​ജോ ന​ഗ​രൂ​ർ, ട്ര​ഷ​റ​ർ ജോ​യി​ച്ച​ൻ മ​ച്ചി​യാ​നി എ​ന്നി​വ​രു​ടെ നേ​തൃ​ത്വ​ത്തി​ൽ സാ​മൂ​ഹി​ക​പ്ര​തി​ബ​ദ്ധ​ത​യു​ള്ള ഒ​രു സം​ഘം ആ​ളു​ക​ളു​ടെ കൂ​ട്ടാ​യ്മ​യും വി​വി​ധ സ​ർ​ക്കാ​ർ, അ​ർ​ധ​സ​ർ​ക്കാ​ർ ഏ​ജ​ൻ​സി​ക​ളു​ടെ​യും എ​ൻ​ജി​ഒ​ക​ളു​ടെ​യും സ​ഹാ​യ സ​ഹ​ക​ര​ണ​വു​മാ​ണ് സി​ഡി​എ​യു​ടെ പി​ൻ​ബ​ലം.