കാ​ന​ത്തൂ​ര്‍: മാ​സ​ങ്ങ​ളാ​യി ജ​ന​വാ​സ​കേ​ന്ദ്ര​ങ്ങ​ളി​ല്‍ ത​മ്പ​ടി​ച്ച കാ​ട്ടാ​ന​ക​ളെ ഒ​രു​വി​ധം സൗ​രോ​ര്‍​ജ​വേ​ലി​ക്ക​പ്പു​റ​ത്തെ​ത്തി​ച്ച് ദി​വ​സ​ങ്ങ​ള്‍ ക​ഴി​ഞ്ഞ​പ്പോ​ഴേ​ക്കും മു​ളി​യാ​റി​ലും പാ​ണ്ടി​യി​ലും പു​ലി​ഭീ​തി. ഇ​രി​യ​ണ്ണി​ക്കു സ​മീ​പം പേ​ര​ടു​ക്ക​ത്താ​ണ് ക​ഴി​ഞ്ഞ ദി​വ​സം കാ​റി​ല്‍ സ​ഞ്ച​രി​ക്കു​ക​യാ​യി​രു​ന്ന യു​വാ​ക്ക​ള്‍ മു​ള്ള​ന്‍​പ​ന്നി​യെ ക​ടി​ച്ചെ​ടു​ത്ത് പോ​കു​ന്ന പു​ലി​യെ ക​ണ്ട​താ​യി പ​റ​യു​ന്ന​ത്.

ഇ​വ​ര്‍ പ​റ​ഞ്ഞ സ്ഥ​ല​ത്ത് പി​ന്നീ​ട് നാ​ട്ടു​കാ​രും വ​നം​വ​കു​പ്പ് ഉ​ദ്യോ​ഗ​സ്ഥ​രും പ​രി​ശോ​ധ​ന ന​ട​ത്തി​യ​പ്പോ​ള്‍ മു​ള്ള​ന്‍​പ​ന്നി​യു​ടെ മു​ള്ളു​ക​ളും ചോ​ര​ത്തു​ള്ളി​ക​ളും അ​വി​ട​വി​ടെ​യാ​യി ക​ണ്ടെ​ത്തു​ക​യും ചെ​യ്തു. എ​ന്നാ​ല്‍ ഇ​ത് പു​ലി​യാ​യി​രി​ക്കാ​ന്‍ സാ​ധ്യ​ത​യി​ല്ലെ​ന്നും ചെ​റു​വ​ന​ങ്ങ​ളി​ല്‍ പൊ​തു​വേ കാ​ണു​ന്ന പ​ട്ടി​പ്പു​ലി​യാ​യി​രി​ക്കാ​നാ​ണ് സാ​ധ്യ​ത​യെ​ന്നു​മാ​ണ് വ​നം​വ​കു​പ്പി​ന്‍റെ നി​ഗ​മ​നം.

അ​തേ​സ​മ​യം പാ​ണ്ടി വ​ന​ത്തി​നു സ​മീ​പം പ​ള്ള​ഞ്ചി-​പാ​ണ്ടി റോ​ഡി​ല്‍ ഞാ​യ​റാ​ഴ്ച രാ​ത്രി പു​ലി ത​ന്നെ ഇ​റ​ങ്ങി​യി​രു​ന്ന​താ​യി നാ​ട്ടു​കാ​ര്‍ പ​റ​യു​ന്നു. ഇ​രു​ച​ക്ര​വാ​ഹ​ന​ത്തി​ല്‍ പോ​വു​ക​യാ​യി​രു​ന്ന പ​ള്ള​ഞ്ചി സ്വ​ദേ​ശി അ​ബ്ദു​ള്‍ റ​ഹ്‌​മാ​നാ​ണ് വെ​ള്ള​രി​ക്ക​യ എ​ന്ന സ്ഥ​ല​ത്തി​നു സ​മീ​പം പു​ലി​യെ ക​ണ്ട​ത്. പാ​ണ്ടി വ​ന​ത്തി​ല്‍ പു​ലി​യു​ടെ സാ​ന്നി​ധ്യം നേ​ര​ത്തേ വ​നം​വ​കു​പ്പി​ന്‍റെ ക്യാ​മ​റ​യി​ല്‍ ത​ന്നെ പ​തി​ഞ്ഞി​ട്ടു​ണ്ട്. തീ​ര്‍​ഥ​ക്ക​ര ഭാ​ഗ​ത്ത് ഏ​താ​നും മാ​സം​മു​മ്പ് വ​ള​ര്‍​ത്തു​മൃ​ഗ​ങ്ങ​ളെ പു​ലി പി​ടി​ച്ച സം​ഭ​വ​ങ്ങ​ളും ഉ​ണ്ടാ​യി​ട്ടു​ണ്ട്.

ആ​ന​ക​ളു​ടെ ഉ​യ​രം ക​ണ​ക്കാ​ക്കി സ്ഥാ​പി​ച്ച സൗ​രോ​ര്‍​ജ​വേ​ലി പു​ലി​ക്ക് ത​ട​സ​മ​ല്ലാ​ത്ത​തി​നാ​ല്‍ പ്ര​ദേ​ശ​ത്ത് കൂ​ടു​ത​ല്‍ കാ​മ​റ​ക​ള്‍ സ്ഥാ​പി​ക്ക​ണ​മെ​ന്നും ദ്രു​ത​ക​ര്‍​മ​സേ​ന​യു​ടെ നി​രീ​ക്ഷ​ണം ശ​ക്ത​മാ​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.