സ​മ​ര​രം​ഗ​ത്തു​ള്ള ക്വാ​റി​ക്ക് സ​മീ​പം പു​തി​യ ക്വാ​റി നിർമാണം: നാ​ട്ടു​കാ​ർ ത​ട​ഞ്ഞു
Thursday, March 28, 2024 5:16 AM IST
മു​ക്കം: ക്വാ​റി​ക​ളു​മാ​യി ബ​ന്ധ​പ്പെ​ട്ട് നി​ര​വ​ധി വി​ഷ​യ​ങ്ങ​ൾ നി​ല​നി​ൽ​ക്കു​ന്ന കൊ​ടി​യ​ത്തൂ​ർ ഗോ​ത​മ്പ്റോ​ഡ് തോ​ണി​ച്ചാ​ലി​ൽ പു​തി​യ ക്വാ​റി​ക്ക് അ​പേ​ക്ഷ ന​ൽ​കി​യ സാ​ഹ​ച​ര്യ​ത്തി​ൽ പ​രി​ശോ​ധ​ന​ക്കെ​ത്തി​യ ജി​യോ​ള​ജി ഉ​ദ്യോ​ഗ​സ്ഥ​രെ നാ​ട്ടു​കാ​ർ ത​ട​ഞ്ഞു.

അ​സി. ജി​യോ​ള​ജി​സ്റ്റ് അ​ഖി​ൽ സു​ഷീ​ലി​ന്‍റെ നേ​തൃ​ത്വ​ത്തി​ലു​ള്ള ഉ​ദ്യോ​ഗ​സ്ഥ​രെ​യാ​ണ് നാ​ട്ടു​കാ​ർ ത​ട​ഞ്ഞ​ത്.​ഇ​ന്ന​ലെ രാ​വി​ലെ പ​ത്തോ​ടെ​യാ​ണ് സം​ഭ​വം. തോ​ണി​ച്ചാ​ൽ പ്ര​ദേ​ശ​ത്തെ ക്വാ​റി​യി​ൽ റോ​ഡ് നി​ർ​മാ​ണ​ത്തി​ന്‍റെ ഭാ​ഗ​മാ​യി പ്ര​ദേ​ശ വാ​സി​ക​ൾ​ക്ക് ഭീ​ഷ​ണി​യാ​കു​ന്ന രീ​തി​യി​ൽ മ​ണ്ണ് കൂ​ട്ടി​യി​ട്ട സം​ഭ​വ​ത്തി​നെ​തി​രേ നാ​ട്ടു​കാ​രു​ടെ നേ​തൃ​ത്വ​ത്തി​ൽ രൂ​പീ​ക​രി​ച്ച സ​മ​ര​സ​മി​തി പ​ത്ത് ദി​വ​സം മു​ൻ​പ് പ​രാ​തി ന​ൽ​കി​യി​രു​ന്നു. എ​ന്നാ​ൽ ഈ ​പ​രാ​തി​യി​ൽ യാ​തൊ​രു ന​ട​പ​ടി​യും ഉ​ദ്യോ​ഗ​സ്ഥ​ർ സ്വീ​ക​രി​ച്ചി​രു​ന്നി​ല്ല.

അ​തേ സ​മ​യം നാ​ട്ടു​കാ​ർ​ക്ക് ഭീ​ഷ​ണി​യാ​യ ക്വാ​റി​യു​ടെ ഉ​ട​മ​ക​ളി​ലൊ​രാ​ളു​ടെ ത​ന്നെ പു​തി​യ​താ​യി ആ​രം​ഭി​ക്കാ​ൻ പോ​വു​ന്ന ക്വാ​റി​യു​ടെ പ​രി​ശോ​ധ​ക്ക് ജി​യോ​ള​ജി ഉ​ദ്യോ​ഗ​സ്ഥ​ർ എ​ത്തി​യ​താ​ണ് നാ​ട്ടു​കാ​രും സ​മ​ര​സ​മി​തി​യും ഉ​ദ്യോ​ഗ​സ്ഥ​രെ ത​ട​യാ​ൻ കാ​ര​ണം.

ത​ങ്ങ​ൾ ന​ൽ​കി​യ പാ​രാ​തി​യു​ടെ അ​ടി​സ്ഥാ​ന​ത്തി​ൽ ഉ​ള്ള പ​രി​ശോ​ധ​ന ന​ട​ത്തി​യ​തി​ന് ശേ​ഷം മ​തി പു​തി​യ ക്വാ​റി​ക്ക് വേ​ണ്ടി​യു​ള്ള പ​രി​ശോ​ധ​ന എ​ന്ന് പ​റ​ഞ്ഞാ​ണ് നാ​ട്ടു​കാ​ർ ഉ​ദ്യോ​ഗ​സ്ഥ​രെ ത​ട​ഞ്ഞ​ത്.

നി​ല​വി​ലെ ക്വാ​റി​ക​ൾ​ക്ക് സ​മീ​പ​ത്ത് ത​ന്നെ​യാ​ണ് പു​തി​യ ക്വാ​റി​യും ആ​രം​ഭി​ക്കാ​ൻ നീ​ക്കം ന​ട​ക്കു​ന്ന​ത്. തി​രി​ച്ചു​പോ​യ ഉ​ദ്യോ​ഗ​സ്‌​ഥ​ർ കു​റ​ച്ച് ക​ഴി​ഞ്ഞ് സ​മ​ര​സ​മി​തി ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലു​ള്ള ക്വാ​റി പ​രി​ശോ​ധി​ക്കാ​ൻ വ​ന്ന​തോ​ടെ സ​മ​ര​സ​മി​തി പ്ര​വ​ർ​ത്ത​ക​ർ ഉ​ദ്യോ​ഗ​സ്ഥ​രെ വീ​ണ്ടും ത​ട​യു​ക​യും ചെ​യ്തു.

ഇ​തോ​ടെ സ​മ​ര​സ​മി​തി പ്ര​വ​ർ​ത്ത​ക​രും ഉ​ദ്യോ​ഗ​സ്ഥ​രു​മാ​യി വാ​ക്കു​ത​ർ​ക്ക​വും ഉ​ണ്ടാ​യി. പ​രാ​തി​ക്കാ​രെ മു​ൻ​കൂ​ട്ടി അ​റി​യി​ക്കാ​തെ​യു​ള്ള പ​രി​ശോ​ധ​ന അ​നു​വ​ദി​ക്കി​ല്ല​ന്ന് പ​റ​ഞ്ഞാ​യി​രു​ന്നു പ്ര​തി​ഷേ​ധം.

Copyright @ 2022 , Rashtra Deepika Ltd.