കോഴിക്കോട്: യേശുവിന്റെ ജറുസലേം പ്രവേശനത്തിന്റെ സ്മരണകളുയർത്തി ദേവാലയങ്ങളിൽ ഇന്നലെ ഓശാന ഞായർ ആചരിച്ചു. ഇതിന്റെ ഭാഗമായി കുരുത്തോല വെഞ്ചരിപ്പ്, കുരുത്തോല പ്രദക്ഷിണം, വിശുദ്ധ കുർബാന, വചന സന്ദേശം എന്നീ തിരുക്കർമങ്ങൾ നടന്നു.
കൂരാച്ചുണ്ട് സെന്റ് തോമസ് ഫൊറോന ദേവാലയത്തിൽ വികാരി ഫാ. വിൻസെന്റ് കണ്ടത്തിൽ, കുളത്തുവയൽ സെന്റ് ജോർജ് തീർഥാടന കേന്ദ്രം പള്ളിയിൽ റെക്ടർ ഫാ. ജോർജ് കളപ്പുരയ്ക്കൽ, നരിനട സെന്റ് അൽഫോൻസാ ദേവാലയത്തിൽ വികാരി ഫാ. രാജേഷ് കുറ്റിക്കാട്ട്, കക്കയം സെന്റ് സെബാസ്റ്റ്യൻ ദേവാലയത്തിൽ വികാരി ഫാ. വിൻസെന്റ് കറുകമാലിൽ, കരിയാത്തുംപാറ സെന്റ് ജോസഫ് പള്ളിയിൽ വികാരി ഫാ. അമൽ കൊച്ചുകൈപ്പേൽ, കല്ലാനോട് സെന്റ് മേരീസ് പള്ളിയിൽ വികാരി ഫാ. ജിനോ ചുണ്ടയിൽ, കാറ്റുള്ളമല സെന്റ് മേരീസ് പള്ളിയിൽ വികാരി ഫാ. കുര്യാക്കോസ് കൊച്ചുകൈപ്പേൽ, കരികണ്ടൻപാറ സെന്റ് ജോസഫ് പള്ളിയിൽ ഫാ. അഗസ്റ്റിൻ പാലത്തുംത്തലയ്ക്കൽ, കോടഞ്ചേരി സെന്റ് മേരീസ് മരിയൻ തീർഥാടന കേന്ദ്രത്തിൽ ഫൊറോന വികാരി ഫാ. കുര്യാക്കോസ് ഐകുളമ്പിൽ, ചക്കിട്ടപാറ സെന്റ് ആന്റണീസ് പള്ളിയിൽ വികാരി ഫാ. പ്രിയേഷ് തേവടിയിൽ, പടത്തുകടവ് തിരുക്കുടുംബ ദേവാലയത്തിൽ വികാരി ഫാ. ഫ്രാൻസീസ് വെള്ളംമാക്കൽ, അമലാപുരി സെന്റ് തോമസ് ദേവാലയത്തിൽ ഫാ. സിബി പുളിക്കൽ, ഫാ.ആൻവിൻ മണ്ണൂർ, ഫാ. നിഷാന്ത് പുതുപ്പള്ളി, കോഴിക്കോട് സിറ്റി സെന്റ് ജോസഫ്സ് ദേവാലയത്തിൽ ജ്യോതിനിലയ സുപ്പീരിയർ ഫാ. ഫ്രാൻസിസ് കിഴക്കെതാഴെ, അശോകപുരം ഉണ്ണിമിശിഹാ ദേവാലയത്തിൽ ഫാ . തോമസ് ചിലമ്പിക്കുന്നേൽ, കുണ്ടുതോട് സെന്റ് ജോസഫ്സ് ദേവാലയത്തിൽ ഫാ. ജോർജ് വരിക്കശേരി എന്നിവർ കാർമികത്വം നൽകി.