ഫുട്ബോള്‍ ഗ്രൗണ്ടിലും ആവേശമായി പ്രിയങ്ക
1465180
Wednesday, October 30, 2024 7:47 AM IST
എടവണ്ണ: ഫുട്ബോള്‍ മത്സരം നടക്കുന്ന എടവണ്ണ സീതി ഹാജി മെമ്മോറിയല്‍ ഫുട്ബോള്‍ സ്റ്റേഡിയത്തിലേക്ക് വയനാട് മണ്ഡലം യുഡിഎഫ് സ്ഥാനാര്‍ഥി പ്രിയങ്ക ഗാന്ധി എത്തിയത് ആവേശമായി.
തെരട്ടമ്മല്‍ പൊതുയോഗത്തിന് ശേഷം മമ്പാട്ടേക്കുള്ള യാത്രാമധ്യേയാണ് ഫുട്ബോള്‍ മത്സരം നടക്കുന്ന ഗ്രൗണ്ടില്‍ പ്രിയങ്ക എത്തിയത്. പതിനഞ്ച് മിനിട്ടോളം മത്സരം വീക്ഷിച്ച പ്രിയങ്ക, ഗ്രൗണ്ടില്‍ കളിക്കാര്‍ക്ക് ഹസ്തദാനം നല്‍കി. കോച്ചുമാരായ സി. ജിത്തു, കെ.സി. സുനില്‍, റഫറി കബീര്‍ എന്നിവരുമായി ഏറെ നേരം സംസാരിച്ചു. കെ.സി. വേണുഗോപാല്‍ എംപി, എ.പി. അനില്‍കുമാര്‍ എംഎല്‍എ, പി.കെ. ബഷീര്‍ എംഎല്‍എ, ഡിസിസി പ്രസിഡന്‍റ് വി.എസ്.ജോയ് തുടങ്ങിയവരും പ്രിയങ്കയോടൊപ്പം ഉണ്ടായിരുന്നു.