പൊന്നാനി: ഉച്ചഭക്ഷണം കഴിക്കാന്‍ സ്കൂളില്‍ നിന്ന് വീട്ടിലേക്ക് പോയ പത്താം ക്ലാസ് വിദ്യാര്‍ഥിക്ക് ടോറസ് ലോറിയിടിച്ച് ദാരുണാന്ത്യം.
പൊന്നാനി എംഐ ബോയ്സ് ഹൈസ്കൂള്‍ പത്താം ക്ലാസ് വിദ്യാര്‍ഥിയും അഴീക്കല്‍ സ്വദേശി പൗറാക്കാനത്ത് ജുലൈലിന്‍റെ മകനുമായ അബ്ദുള്‍ ഹാദി (15) യാണ് അപകടത്തില്‍ മരിച്ചത്.
സ്കൂളില്‍ നിന്ന് ഉച്ചഭക്ഷണം കഴിക്കാന്‍ വീട്ടിലേക്ക് പോകുമ്പോള്‍ മറ്റൊരാളുടെ ബൈക്കില്‍ ലിഫ്റ്റ് ചോദിച്ച് കയറുകയായിരുന്നു. ഗുരുതര പരിക്കേറ്റ രണ്ടു പേരെയും പൊന്നാനി താലൂക്ക് ആശുപത്രിയില്‍ പ്രവേശിപ്പിച്ചെങ്കിലും അബ്ദുള്‍ ഹാദിയെ രക്ഷിക്കാന്‍ കഴിഞ്ഞില്ല. മാതാവ്: ഹൗലത്ത്. സഹോദരങ്ങള്‍: സിനാന്‍, തമന്ന.