നെ​ടു​മ​ങ്ങാ​ട് : വെ​ള്ള​നാ​ട് പ​ഞ്ചാ​യ​ത്ത് സെ​ക്ര​ട്ട​റി എ​ൽ.​സി​ന്ധു​വി​നെ വൈ​സ് പ്ര​സി​ഡ​ന്‍റ് വെ​ള്ള​നാ​ട് ശ്രീ​ക​ണ്ഠ​ൻ ജാ​തി​പ്പേ​ര് പ​റ​ഞ്ഞ് അ​ധി​ക്ഷേ​പി​ച്ചെ​ന്നും ക​യ്യേ​റ്റം ചെ​യ്യാ​ൻ ശ്ര​മി​ച്ചെ​ന്ന പ​രാ​തി​യി​ൽ വൈ​സ് പ്ര​സി​ഡ​ന്‍റി​നെ ആ​ര്യ​നാ​ട് പോ​ലീ​സ് അ​റ​സ്റ്റ് ചെ​യ്തു.

ആ​ര്യ​നാ​ട് പോ​ലീ​സ്, വ​നി​താ ക​മ്മീ​ഷ​ൻ, ത​ദ്ദേ​ശ വ​കു​പ്പ് പ്രി​ൻ​സി​പ്പ​ൽ ഡ​യ​റ​ക്ട​ർ തു​ട​ങ്ങി​യ​വ​ർ​ക്കാ​ണ് സെ​ക്ര​ട്ട​റി പ​രാ​തി ന​ൽ​കി​യ​ത്. വെ​ള്ളി​യാ​ഴ്ച വൈകു ന്നേരം നാ​ല​ര​യോ​ടെ ആ​ണ് പ​രാ​തി​യ്ക്ക​ടി​സ്ഥാ​ന​മാ​യ സം​ഭ​വം ന​ട​ന്ന​ത്.

പ​ഞ്ചാ​യ​ത്തി​ലെ ഫ​യ​ലു​ക​ൾ തീ​ർ​പ്പാ​ക്കാ​നു​ള്ള കാ​ര്യ​ങ്ങ​ളെ കു​റി​ച്ച് ജീ​വ​ന​ക്കാ​രു​മാ​യി സെ​ക്ര​ട്ട​റി സം​സാ​രി​ക്കു​ന്ന​തി​നി​ടെ കാ​ബി​നു​ള്ളി​ൽ ക​ട​ന്നു​വ​ന്ന വൈ​സ് പ്ര​സി​ഡ​ന്‍റ് മോ​ശ​മാ​യ പ​ദ​പ്ര​യോ​ഗം ന​ട​ത്തു​ക​യും ജാ​തി​പ്പേ​ര് പ​റ​ഞ്ഞ് അ​ധി​ക്ഷേ​പി​ക്കു​ക​യും ചെ​യ്ത​ശേ​ഷം ത​ന്നെ ക​യ്യേ​റ്റം ചെയ്യാൻ ശ്ര​മി​ച്ചെ​ന്നാ​ണ് സെ​ക്ര​ട്ട​റി​യു​ടെ പ​രാ​തി.

വെ​ള്ള​നാ​ട്ടി​ലെ പൊ​തു​ശ്മ​ശാ​ന​ത്തി​ന്‍റെ ത​ക​രാ​ർ പ​രി​ഹ​രി​ക്കു​ന്ന​തി​ന് ഭ​ര​ണ​സ​മി​തി തീ​രു​മാ​നം എ​ടു​ക്കു​ന്ന​തി​ന് മു​ൻ​പ് ര​ണ്ടു ല​ക്ഷം രൂ​പ​യു​ടെ ചെ​ക്കു​ക​ൾ ഒ​പ്പി​ട്ട് ന​ൽ​കാ​ത്ത​തി​ലു​ള്ള വി​രോ​ധ​മാ​ണ് സം​ഭ​വ​ത്തി​ന് പി​ന്നി​ലെ​ന്ന് സെ​ക്ര​ട്ട​റി പ​റ​ഞ്ഞു.

അ​തേ സ​മ​യം സെ​ക്ര​ട്ട​റി സ്വ​യം ജാ​തി പ​റ​ഞ്ഞ് ത​ന്നെ അ​ടി​യ്ക്കാ​നാ​ണ് ശ്ര​മി​ച്ച​തെ​ന്നും മ​റ്റ് ആ​രോ​പ​ണ​ങ്ങ​ളെ​ല്ലാം അ​ടി​സ്ഥാ​ന ര​ഹി​ത​മാ​ണെ​ന്നും വെ​ള്ള​നാ​ട് ശ്രീ​ക​ണ്ഠ​ൻ പ​റ​ഞ്ഞു. പോ​ലീ​സ് അ​റ​സ്റ്റ് ചെ​യ്തു നെ​ടു​മ​ങ്ങാ​ട് എ​സ്‌​സി-​എ​സ്ടി കോ​ട​തി​യി​ൽ ഹാ​ജ​രാ​ക്കി​യ ശ്രീ​ക​ണ്ഠ​ന് കോ​ട​തി ഉ​പാ​ധി​ക​ളോ​ടെ ജ്യാ​മ്യം അ​നു​വ​ദി​ച്ചു.