പൊ​ന്നി​ൽ കു​ളി​ച്ച്, പ​ട്ടി​ൽ പൊ​തി​ഞ്ഞുനി​ൽ​ക്കു​ന്ന വ​ധു​വി​ല്ല. മൂ​ന്നു കൂ​ട്ടം പാ​യ​സ​ത്തോ​ടു കൂ​ടി​യ മൃ​ഷ്ടാ​ന്നഭോ​ജ​ന​വു​മി​ല്ല. ആ​ർ​ഭാ​ട​ങ്ങ​ളൊ​ന്നു​മി​ല്ലാ​തെ ഒ​രു വി​വാ​ഹം. പൊ​ന്നി​നെ പ​ടി​ക്കുപു​റ​ത്താ​ക്കി വേ​റി​ട്ട കാ​ഴ്ചയൊ​രു​ക്കി​യാ​ണ് ഈ ​വി​വാ​ഹം ന​ട​ന്ന​ത്. ക​ട​ന്പ​ഴി​പ്പു​റ​മാ​ണ് മ​ഞ്ഞ​ലോ​ഹ​ത്തി​നെ​യും പ​ര​ന്പ​രാ​ഗ​ത​ മാ​മൂ​ലു​ക​ളേ​യും പ​ടി​ക്കു പു​റ​ത്താ​ക്കി​യ വി​വാ​ഹ​ത്തി​നു വേ​ദി​യാ​യ​ത്.

ഒ​രു​ത​രി പൊ​ന്നുപോലു​മ​ണിയാ​തെ വ​ധു​വാ​യ ഡോ.​ സ്നേഹ ദേ​വ​ൻ ക​തി​ർമ​ണ്ഡ​പ​ത്തി​ലെ​ത്തി​യ​പ്പോ​ൾ കാ​ഴ്ച​ക്കാ​രൊ​ന്നു ഞെ​ട്ടി. ക​ല്യാ​ണപെണ്ണി​ന്‍റെ രൂ​പ​ഭാ​വാ​ദി​ക​ൾ ഒ​ന്നു​മി​ല്ലാ​തെ​യാ​ണ് വ​ധു​വി​ന്‍റെ വ​ര​വ്. കൊ​ട്ടും കു​ര​വ​യും പൂ​ത്താ​ല​വും അ​ക​ന്പ​ടി​ക്കാ​രു​മി​ല്ലാ​തെ പെ​ണ്ണി​നെ ക​ണ്ട​പ്പോ​ൾ ക​ല്യാ​ണം കൂ​ടാ​നെ​ത്തി​യ​വ​ർ പ​ര​സ്പ​രം നോ​ക്കി.

ക​ല്യാ​ണ വി​രു​ന്നി​നു ഭി​ന്ന​ശേ​ഷി​ക്കാ​രു​ടെ സം​ഗ​മം, പി​ന്നെ അ​വ​രു​ടെ ക​ലാ​വി​രു​ന്ന്. വി​വാ​ഹ​ത്തി​ൽ പ​ങ്കെ​ടു​ത്ത കു​ടും​ബ​ങ്ങ​ൾ​ക്കു സ​മ്മാ​ന​മാ​യി ഒ​രു വൃ​ക്ഷ​ത്തൈയും. പു​ല്ലു​ണ്ട​ശേ​രി ഒ​ടാ​ന്പു​ള്ളി വാ​സു​ദേ​വ​ൻ- വൈ​ജ​യ​ന്തി​മാ​ല ദ​ന്പ​തി​ക​ളു​ടെ ഏ​കമ​ക​ൾ ഡോ.​സ്നേ​ഹ ദേ​വ​നും പെ​രി​ങ്ങോ​ട്ടു​കു​ർ​ശ്ശി ന​ടു​വ​ത്ത​പാ​റ ക​ബ്ലാം​കോ​ട് വീ​ട്ടി​ൽ രാ​ജ​ന്‍റെ​യും പ​ത്മി​നി​യു​ടെ​യും മ​ക​ൻ പ്ര​ജി​ത് കെ.​രാ​ജ​നും തമ്മിലുള്ള വി​വാ​ഹ​മാ​ണു ലാ​ളി​ത്യംകൊ​ണ്ട് വ്യ​ത്യ​സ്ത​മാ​യ​ത്.


വി​മു​ക്തഭ​ട​ൻകൂ​ടി​യാ​യ വാ​സു​ദേ​വ​ൻ അ​റി​യ​പ്പെ​ടു​ന്ന പാ​ലി​യേ​റ്റീ​വ് പ്ര​വ​ർ​ത്ത​ക​നാ​ണ്. ദ​ന്തഡോ​ക്ട​റാ​യ സ്നേ​ഹ ത​ന്നെ​യാ​ണ് ആ​ഭ​ര​ണം വേ​ണ്ട എ​ന്ന നി​ല​പാ​ടു സ്വീ​ക​രി​ച്ച​ത്. പ്ര​ജി​ത്തും അ​ദ്ദേ​ഹ​ത്തി​ന്‍റെ വീ​ട്ടു​കാ​രും അ​തി​നു പി​ന്തു​ണ ന​ൽ​കി​യ​തോ​ടെ എ​ല്ലാം മം​ഗ​ള​മാ​യി.

ഇ​ന്ത്യ​ൻ നേ​വി​യി​ൽ ഓ​ഫീസ​റാ​യ പ്ര​ജി​ത് ആ​ൻ​ഡ​മാ​നി​ലാ​ണു ജോ​ലി ചെ​യ്യു​ന്ന​ത്. വീ​ട്ടു​മു​റ്റ​ത്തെ സ്റ്റേ​ജി​ൽ ഭി​ന്ന​ശേ​ഷി​ക്കാ​രു​ടെ ഗാ​ന​മേ​ള ട്രൂ​പ്പാ​യ സ​മ​ന്വ​യ ഒ​രു​ക്കി​യ ക​ലാ​വി​രു​ന്നും ന​ട​ന്നു. സ്നേ​ഹവി​രു​ന്നി​നുശേ​ഷം സ​മ്മാ​ന​ങ്ങ​ളും ന​ൽ​കി​യാ​ണ് ഇ​വ​രെ യാ​ത്ര​യാ​ക്കി​യ​ത്.

കോ​വി​ഡ് കാ​ല​ത്തി​ന്‍റെ ഇ​ട​വേ​ള​യ്ക്കുശേ​ഷം വീ​ണ്ടും ഒ​ന്നി​ക്കാ​ൻ ക​ഴി​ഞ്ഞ​തി​ന്‍റെ സ​ന്തോ​ഷ​ത്തി​ൽ ആ​യി​രു​ന്നു ട്രൂ​പ്പ് അം​ഗ​ങ്ങ​ൾ.

ച​ട​ങ്ങി​ൽ വാ​സു​ദേ​വ​ൻ എ​ഴു​തി​യ "ഓ​ർ​മ​യി​ലെ ക​രി​ന്പ​ന​ക​ൾ’ എ​ന്ന പു​സ്ത​ക പ്ര​കാ​ശ​ന​വും ഉ​ണ്ടാ​യി. റി​ട്ട.​പ്ര​ധാ​നാ​ധ്യാ​പി​ക സാ​വി​ത്രി​ക്കു പു​സ്ത​കം ന​ൽ​കി വി​ടി​ബി കോ​ള​ജ് പ്രി​ൻ​സി​പ്പ​ൽ ഡോ.​ഇ.​ജ​യ​ൻ പ്ര​കാ​ശ​നം നി​ർ​വ​ഹി​ച്ചു.