മാ​ർ​സെ​യി​ൽ പു​തി​യ ഇ​ന്ത്യ​ൻ കോ​ൺ​സു​ലേ​റ്റ് തു​റ​ന്നു
Tuesday, February 18, 2025 11:56 AM IST
ജോ​സ് കു​മ്പി​ളു​വേ​ലി​ൽ
പാ​രീ​സ്: ഫ്രാ​ൻ​സി​ലെ മാ​ർ​സെ​യി​ൽ പു​തി​യ ഇ​ന്ത്യ​ൻ കോ​ൺ​സു​ലേ​റ്റ് ഉ​ദ്ഘാ​ട​നം ചെ​യ്തു. ഫ്രാ​ൻ​സി​ൽ ഔ​ദ്യോ​ഗി​ക സ​ന്ദ​ർ​ശ​ന​ത്തി​നെ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ഫ്ര​ഞ്ച് പ്ര​സി​ഡ​ന്‍റ് ഇ​മ്മാ​നു​വ​ല്‍ മ​ക്രോ​ണും ചേ​ർ​ന്നാ​ണ് കോ​ൺ​സു​ലേ​റ്റ് ഉ​ദ്ഘാ​ട​നം ചെ​യ്ത​ത്.

ഇ​ന്ത്യ​യും ഫ്രാ​ന്‍​സും ത​മ്മി​ലു​ള്ള ഉ​ഭ​യ​ക​ക്ഷി ബ​ന്ധ​ത്തി​ലെ സു​പ്ര​ധാ​ന നാ​ഴി​ക​ക്ക​ല്ലാ​ണി​ത്. ഉ​ദ്ഘാ​ട​ന വേ​ള​യി​ല്‍ മ​ക്രോ​ണി​ന്‍റെ സാ​ന്നി​ധ്യം ഉ​ണ്ടാ​യ​തി​ല്‍ മോദി സ​ന്തോ​ഷം പ്ര​ക​ട​മാ​ക്കി. കോ​ണ്‍​സു​ലേ​റ്റി​ല്‍ ച​രി​ത്ര നി​മി​ഷ​ത്തി​ന് സാ​ക്ഷ്യം വ​ഹി​ക്കാ​നെ​ത്തി​യ ഇ​ന്ത്യ​ന്‍ പ്ര​വാ​സി അം​ഗ​ങ്ങ​ള്‍ ഇ​രുനേ​താ​ക്ക​ളെ​യും ഊ​ഷ്മ​ള​മാ​യി സ്വീ​ക​രി​ച്ചു.

2023 ജൂ​ലൈ​യി​ല്‍ പ്ര​ധാ​ന​മ​ന്ത്രി​യു​ടെ ഫ്രാ​ന്‍​സ് സ​ന്ദ​ര്‍​ശ​ന വേ​ള​യി​ലാ​ണ് മാ​ര്‍​സെ​യി​ല്‍ കോ​ണ്‍​സു​ലേ​റ്റ് തു​റ​ക്കാ​നു​ള്ള തീ​രു​മാ​നം പ്ര​ഖ്യാ​പി​ച്ച​ത്. കോ​ണ്‍​സു​ലേ​റ്റ് ജ​ന​റ​ലി​ന് ഫ്രാ​ന്‍​സി​ന്‍റെ തെ​ക്ക് ഭാ​ഗ​ത്തു​ള്ള നാ​ല് ഫ്ര​ഞ്ച് ഭ​ര​ണ പ്ര​ദേ​ശ​ങ്ങ​ളാ​യ പ്രോ​വി​ന്‍​സ് ആ​ല്‍​പ്സ് കോ​ട്ട് ഡി ​അ​സു​ര്‍, കോ​ര്‍​സി​ക്ക, ഓ​ക്സി​റ്റാ​നി - അ​ര്‍​സൂ​വെ​ര്‍​ഗ​നെ എ​ന്നി​വ​യാ​ണ് പു​തി​യ കോ​ൺ​സു​ലേ​റ്റി​ന്‍റെ അ​ധി​കാ​ര പ​രി​ധി​യി​ലു​ള്ള​ത്.

ഫ്രാ​ന്‍​സി​ലെ ഈ ​പ്ര​ദേ​ശം വ്യാ​പാ​രം, വ്യ​വ​സാ​യം, ഊ​ര്‍​ജം, ആ​ഡം​ബ​ര ടൂ​റി​സം എ​ന്നി​വ​യ്ക്ക് പേ​രു​കേ​ട്ട​താ​ണ്. ഇ​ന്ത്യ​യു​മാ​യി അ​ടു​ത്ത ബ​ന്ധം പു​ല​ർ​ത്തു​ന്ന പ്ര​ദേ​ശ​ങ്ങ​ളാ​ണി​ത്. ഫ്രാ​ന്‍​സി​ലെ ഏ​റ്റ​വും ജ​ന​സം​ഖ്യ​യു​ള്ള ര​ണ്ടാ​മ​ത്തെ ന​ഗ​ര​ത്തി​ലെ പു​തി​യ കോ​ണ്‍​സു​ലേ​റ്റ് ജ​ന​റ​ല്‍ ബ​ഹു​മു​ഖ​മാ​യ ഇ​ന്ത്യ - ഫ്രാ​ന്‍​സ് ത​ന്ത്ര​പ​ര​മാ​യ പ​ങ്കാ​ളി​ത്ത​ത്തെ കൂ​ടു​ത​ല്‍ ശ​ക്തി​പ്പെ​ടു​ത്തും.
Copyright @ 2018 , Rashtra Deepika Ltd.