കൃതജ്ഞതാനിറവിൽ വത്തിക്കാൻ; മലയാളികളടക്കം ആയിരങ്ങളെത്തി
Saturday, December 7, 2024 11:13 AM IST
വ​ത്തി​ക്കാ​നി​ൽ​നി​ന്ന് ഷൈ​മോ​ൻ തോ​ട്ടു​ങ്കൽ

ച​ങ്ങ​നാ​ശേ​രി അ​തി​രൂ​പ​താം​ഗം ആ​ർ​ച്ച്ബി​ഷ​പ് മാ​ർ ജോ​ർ​ജ് കൂ​വ​ക്കാ​ട്ട് ഉ​ൾ​പ്പെ​ടെ 21 ക​ർ​ദി​നാ​ൾ​മാ​രു​ടെ സ്ഥാ​നാ​രോ​ഹ​ണ​ത്തി​നാ​യി വ​ത്തി​ക്കാ​നി​ൽ ഒ​രു​ക്ക​ങ്ങ​ൾ പൂ​ർ​ത്തി​യാ​യി.

സെ​ന്‍റ് പീ​റ്റേ​ഴ്സ് ബ​സി​ലി​ക്ക​യും വ​ത്തി​ക്കാ​ൻ ച​ത്വ​ര​വും മ​ല​യാ​ളി​ക​ൾ ഉ​ൾ​പ്പെ​ടെ വി​വ​ധ രാ​ജ‍്യ​ങ്ങ​ളി​ൽ​നി​ന്നു​ള്ള​വ​രാ​ൽ നി​റ​ഞ്ഞു. വി​വി​ധ രാ​ജ്യ​ങ്ങ​ളെ​യും സം​സ്കാ​ര​ങ്ങ​ളെ​യും രൂ​പ​ത​ക​ളെ​യും പ്ര​തി​നി​ധാ​നം ചെ​യ്ത് ആ​യി​ര​ക്ക​ണ​ക്കി​ന് വി​ശ്വാ​സി​ക​ളാ​ണ് ഇ​വി​ടേ​ക്ക് ഒ​ഴു​കി​യെ​ത്തി​ക്കൊ​ണ്ടി​രി​ക്കു​ന്ന​ത്.

സീറോ​മ​ല​ബാ​ർ സ​ഭ​യ്ക്ക് അ​ത്യ​പൂ​ർ​വ​മാ​യി മാ​ത്രം ക​ര​ഗ​ത​മാ​ക്കു​ന്ന ഈ ​ദൈ​വി​ക നി​യോ​ഗ​ത്തി​ന് ആ​വേ​ശ​പൂ​ർ​വം സാ​ക്ഷി​ക​ളാ​കു​ന്ന​തി​നും ന​വ ക​ർ​ദി​നാ​ളി​ന് ആ​ശം​സ​ക​ൾ അ​ർ​പ്പി​ക്കു​ന്ന​തി​നു​മാ​യി നി​ര​വ​ധി മ​ല​യാ​ളി​ക​ൾ വ​ത്തി​ക്കാ​നി​ലെ​ത്തി​ക്ക​ഴി​ഞ്ഞു.

മാ​ർ കൂ​വ​ക്കാ​ട്ടി​ന്‍റെ മാ​തൃ​രൂ​പ​ത​യി​ൽ​നി​ന്നും ജ​ന്മ​നാ​ട്ടി​ൽ​നി​ന്നും നൂ​റു ക​ണ​ക്കി​നു​ പേ​ർ ഇ​വി​ടെ​യെ​ത്തി​യി​ട്ടു​ണ്ട്. മാ​ർ കൂ​വ​ക്കാ​ട്ടി​ന്‍റെ മാ​താ​പി​താ​ക്ക​ളും കു​ടും​ബാം​ഗ​ങ്ങ​ളും വ​ത്തി​ക്കാ​നി​ൽ എ​ത്തി​യി​ട്ടു​ണ്ട്.

കേ​ന്ദ്ര സ​ർ​ക്കാ​രി​നെ പ്ര​തി​നി​ധീ​ക​രി​ച്ച് കേ​ന്ദ്ര സ​ഹ​മ​ന്ത്രി ജോ​ർ​ജ് കു​ര‍്യ​ന്‍റെ നേ​തൃ​ത്വ​ത്തി​ലു​ള്ള ഏ​ഴം​ഗ​സം​ഘ​വും എംഎൽ​എ​മാ​രാ​യ സ​ജീ​വ് ജോ​സ​ഫ്, ചാ​ണ്ടി ഉ​മ്മ​ൻ എ​ന്നി​വ​രും വ​ത്തി​ക്കാ​നി​ൽ എ​ത്തി​യി​ട്ടു​ണ്ട്. യൂ​റോ​പ്പി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന് ച​ങ്ങ​നാ​ശേ​രി അ​തി​രൂ​പ​താം​ഗ​ങ്ങ​ളാ​യ നി​ര​വ​ധി വൈ​ദി​ക​രും എ​ത്തി​യി​ട്ടു​ണ്ട് .

വ​ത്തി​ക്കാ​ൻ സ​മ​യം വൈ​കു​ന്നേ​രം നാ​ലി​ന് സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ൽ ഫ്രാ​ൻ​സി​സ് മാ​ർ​പാ​പ്പ​യു​ടെ കാ​ർ​മി​ക​ത്വ​ത്തി​ൽ എ​ല്ലാ ക​ർ​ദി​നാ​ൾ​മാ​രു​ടെ​യും സാ​ന്നി​ധ്യ​ത്തി​ലാ​കും തി​രു​ക്ക​ർ​മ​ങ്ങ​ൾ.

സീ​റോ​മ​ല​ബാ​ർ സ​ഭ മേ​ജ​ർ ആ​ർ​ച്ച്ബി​ഷ​പ് മാ​ർ റാ​ഫേ​ൽ ത​ട്ടി​ൽ, ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി, ആ​ർ​ച്ച്ബി​ഷ​പ് മാ​ർ തോ​മ​സ് ത​റ​യി​ൽ, ആ​ർ​ച്ച്ബി​ഷ​പ് മാ​ർ ജോ​സ​ഫ് പെ​രു​ന്തോ​ട്ടം, മാ​ർ തോ​മ​സ് പാ​ടി​യ​ത്ത്, മാ​ർ സ്റ്റീ​ഫ​ൻ ചി​റ​പ്പ​ണ​ത്ത് ഉ​ൾ​പ്പെടെ ആ​ർ​ച്ച്ബി​ഷ​പ്പു​മാ​രു​ടെ​യും ബി​ഷ​പ്പു​മാ​രു​ടെ​യും ഒ​രു നീ​ണ്ട​ നി​ര തി​രു​ക്ക​ർ​മ​ങ്ങ​ളി​ൽ സ​വി​ശേ​ഷ സാ​ന്നി​ധ്യ​മാ​കും.

ക​ൺ​സി​സ്റ്റ​റി തി​രു​ക്ക​ർ​മ​ങ്ങ​ൾ​ക്കു​ശേ​ഷം ന​വ ക​ർ​ദി​നാ​ൾ​മാ​ർ മാ​ർ​പാ​പ്പ​യു​മാ​യി കൂ​ടി​ക്കാ​ഴ്ച ന​ട​ത്തും. ഞായറാഴ്ച രാ​വി​ലെ വ​ത്തി​ക്കാ​ൻ സ​മ​യം 9.30ന് ​മാ​താ​വി​ന്‍റെ അ​മ​ലോ​ത്ഭ​വ​തി​രു​നാ​ളി​ന്‍റെ ഭാ​ഗ​മാ​യ ദി​വ്യ​ബ​ലി​ക്ക് മാ​ർ​പാ​പ്പ​യോ​ടൊ​പ്പം ന​വ ക​ർ​ദി​നാ​ൾ​മാ​രും സീ​റോ​മ​ല​ബാ​ർ സ​ഭ​യി​ൽ​നി​ന്നു പ്ര​ത്യേ​ക​മാ​യി ക്ഷ​ണം ല​ഭി​ച്ച വൈ​ദി​ക​രും സ​ഹ​കാ​ർ​മി​ക​രാ​കും.

വൈ​കു​ന്നേ​രം സാ​ന്ത അ​ന​സ് താ​സി​യ സീ​റോ​മ​ല​ബാ​ർ ബ​സി​ലി​ക്ക​യി​ൽ മാ​ർ ജോ​ർ​ജ് കൂ​വ​ക്കാ​ട്ടി​ന്‍റെ കാ​ർ​മി​ക​ത്വ​ത്തി​ൽ മ​ല​യാ​ള​ത്തി​ൽ കൃ​ത​ജ്ഞ​താ​ബ​ലി​യ​ർ​പ്പ​ണ​വും തു​ട​ർ​ന്ന് സ്വീ​ക​ര​ണ സ​മ്മേ​ള​ന​വും ന​ട​ക്കും.
Copyright @ 2018 , Rashtra Deepika Ltd.