കർഷ​കദ്രോ​ഹ​വു​മാ​യി വ​നം​വ​കുപ്പ്: മു​ണ്ട​ൻ​മു​ടി മേ​ഖ​ല​യി​ൽ കു​ടി​യി​റ​ക്കു നോ​ട്ടീ​സ്
Friday, June 28, 2024 3:45 AM IST
വ​ണ്ണ​പ്പു​റം: വി​ല്ലേ​ജി​ലെ മു​ണ്ട​ൻ​മു​ടി, നാ​ര​ങ്ങാ​നം ഭാ​ഗ​ത്തു താ​മ​സി​ക്കു​ന്ന ക​ർ​ഷ​ക​ർ​ക്ക് വ​നം​വ​കു​പ്പി​ന്‍റെ കു​ടി​യി​റ​ക്ക് നോ​ട്ടീ​സ്. ക​ർ​ഷ​ക​രോ​ട് 26ന് ​മു​ന്പ് ഭു​മി​യു​ടെ കൈ​വ​ശാ​വ​കാ​ശം തെ​ളി​യി​ക്കു​ന്ന രേ​ഖ​ക​ൾ സ​ഹി​തം നേ​രി​ട്ടു ഹാ​ജ​രാ​കാ​നാ​ണ് ​ആ​വ​ശ്യ​പ്പെ​ട്ടി​രി​ക്കു​ന്ന​ത്.

രേ​ഖ​ക​ൾ ഹാ​ജ​രാ​ക്കി​യി​ല്ലെ​ങ്കി​ൽ അ​ന​ധി​കൃ​ത വ​നം കൈ​യേ​റ്റം എ​ന്നു ക​ണ​ക്കാ​ക്കി വാ​സ സ്ഥ​ല​ത്തുനി​ന്നു കു​ടി​യി​റ​ക്കു​മെ​ന്നാ​ണ് നോ​ട്ടീ​സി​ൽ വ്യ​ക്ത​മാ​ക്കി​യി​രി​ക്കു​ന്ന​ത്. വ​ണ്ണ​പ്പു​റം പ​ഞ്ചാ​യ​ത്തി​ലെ ആ​റാം വാ​ർ​ഡി​ലു​ൾ​പ്പെ​ടു​ന്ന മു​ണ്ട​ൻ​മു​ടി മേ​ഖ​ല​യി​ൽ 350-ഓ​ളം കു​ടും​ബ​ങ്ങ​ളാ​ണ് വ​നം​വ​കു​പ്പി​ന്‍റെ കു​ടി​യി​റ​ക്കു ഭീ​ഷ​ണി​യി​ൽ ക​ഴി​യു​ന്ന​ത്.

കാ​ളി​യാ​ർ റേ​ഞ്ച് ഓ​ഫീ​സ​റാ​ണ് നോ​ട്ടീ​സ് ന​ൽ​കി​യ​ത്. ഓ​രോ ക​ർ​ഷ​ക​ർ​കനെയും തെ​ര​ഞ്ഞു പി​ടി​ച്ചാ​ണ് നോ​ട്ടീ​സ് ന​ൽ​കു​ന്ന​തെ​ന്ന് ക​ർ​ഷ​ക​ർ പ​റ​യു​ന്നു. ഇ​ത്ത​ര​ത്തി​ൽ നോ​ട്ടി​സ് ന​ൽ​കു​ന്ന​ത് വ​ലി​യ പ്ര​തി​ഷേ​ധം ഭ​യ​ന്നാ​ണെ​ന്ന് ക​ർ​ഷ​ക​ർ ആ​രോ​പി​ക്കു​ന്നു. 1970-ൽ ​ആ​ണ് മു​ണ്ട​ൻ​മു​ടി, നാ​ര​ങ്ങാ​നം പ്ര​ദേ​ശ​ത്ത് ക​ർ​ഷ​ക​ർ കു​ടി​യേ​റ്റം ആ​രം​ഭി​ച്ച​ത്. ഈ ​പ്ര​ദേ​ശ​ത്തെ നി​ര​വ​ധി ക​ർ​ഷ​ക​ർ പ​ട്ട​യം ഉ​ള്ള​വ​രാ​ണ്.

ക​ഴി​ഞ്ഞ വ​ർ​ഷ​വും ഇ​ത്ത​ര​ത്തി​ൽ ക​ർ​ഷ​ക​ർ​ക്ക് നോ​ട്ടീ​സ് ന​ൽ​കു​ക​യും പി​ന്നീ​ട് ഉ​ണ്ടാ​യ പ്ര​ക്ഷോ​ഭ​ത്തെത്തു​ട​ർ​ന്ന് സ​ർ​ക്കാ​ർ ഇ​ട​പെ​ടു​ക​യും ചെ​യ്തു. ഇ​തെത്തു​ട​ർ​ന്ന് സി​സി​എ​ഫ് ഉ​ൾ​പ്പെ​ടെ വ​നം വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥസം​ഘം പ്ര​ദേ​ശ​ത്ത് എ​ത്തു​ക​യും ത​ൽസ്ഥി​തി തു​ട​രാ​ൻ നി​ർ​ദേ​ശി​ക്കു​ക​യും ചെ​യ്തി​രു​ന്നു.

അ​ന്നു​ണ്ടാ​യി​രു​ന്ന കാ​ളി​യാ​ർ റേ​ഞ്ച് ഓ​ഫീ​സ​ർ​ക്ക് സ്ഥ​ലം മാ​റ്റം ന​ൽ​കി​യാ​ണ് ക​ർ​ഷ​ക പ്ര​തി​ഷേ​ധം അ​വ​സാ​നി​പ്പി​ച്ച​ത്. എ​ന്നാ​ൽ വീ​ണ്ടും കു​ടി​യി​റ​ക്കു നോ​ട്ടീ​സു​മാ​യി വ​നം​വ​കു​പ്പ് എ​ത്തി​യ​ത് വ​ലി​യ പ്ര​തി​ഷേ​ധ​ങ്ങ​ൾ​ക്കി​ട​യാ​ക്കും. മേ​ഖ​ല​യി​ലെ ക​ർ​ഷ​ക​രെ​ല്ലാം പ​ട്ട​യ​ത്തി​ന് അ​പേ​ക്ഷ ന​ൽ​കി കാ​ത്തി​രി​ക്കു​ന്ന​തി​നി​ട​യി​ൽ കു​ടി​യി​റ​ക്ക് നോ​ട്ടീ​സ് ന​ൽ​കി​യ​ത് ഇ​വ​രെ ക​ടു​ത്ത ആ​ശ​ങ്ക​യി​ലാ​ക്കി​യി​രി​ക്കു​ക​യാ​ണ്.

എ​ന്നാ​ൽ കാ​ളി​യാ​ർ റേ​ഞ്ച് പ​രി​ധി​യി​ൽ​പ്പെ​ട്ട ആ​ന​യാ​ടി​ക്കു​ത്തി​നു സ​മീ​പം ക​ച്ച​വ​ട സ്ഥാ​പ​നം ന​ട​ത്തു​ന്ന മൂ​ല​യി​ൽ ബെ​ന്നി കു​ര്യ​ൻ എ​ന്ന​യാ​ൾ​ക്ക് മാ​ത്ര​മാ​ണ് നി​ല​വി​ൽ നോ​ട്ടി​സ് ന​ൽ​കി​യ​തെ​ന്ന് കാ​ളി​യാ​ർ റേ​ഞ്ച് ഓ​ഫി​സ​ർ ടി.​കെ. മ​നോ​ജ് പ​റ​ഞ്ഞു.

ഒ​രു വ​ർ​ഷം മു​ന്പും ഇ​ദ്ദേ​ഹ​ത്തി​ന് നോ​ട്ടീ​സ് ന​ൽ​കി​യി​രു​ന്നു. ഇ​വി​ടെ അ​ന​ധി​കൃ​ത നി​ർ​മാ​ണ പ്ര​വ​ർ​ത്ത​നം ന​ൽ​കി​യ​തി​നാ​ണ് നോ​ട്ടീ​സ് ന​ൽ​കി​യ​ത്. എ​ന്നാ​ൽ നോ​ട്ടീ​സ് പ്ര​കാ​രം ഒ​ഴി​വാ​യി പോ​കാ​ത്ത​തി​നാ​ൽ ഡി​എ​ഫ്ഒ​യു​ടെ നി​ർ​ദേ​ശ പ്ര​കാ​ര​മാ​ണ് വീ​ണ്ടും നോ​ട്ടി​സ് ന​ൽ​കി​യ​ത്. ഇ​വി​ടെ കൂ​ടു​ത​ൽ വി​ക​സ​ന പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​നാ​ണ് ഇ​തെ​ന്നും റേ​ഞ്ച് ഓ​ഫീ​സ​ർ പ​റ​ഞ്ഞു.
Copyright @ 2018 , Rashtra Deepika Ltd.