സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സിൽ (സിഐഎസ്.എഫ്) കോൺസ്റ്റബിൾ (ട്രേഡ്‌സ്‌മാൻ) തസ്‌തികയിലെ 1161 ഒഴിവിലേക്ക് മാർച്ച് 5 മുതൽ ഏപ്രിൽ 3 വരെ ഓൺലൈനായി അപേക്ഷിക്കാം.
പുരുഷന്മാർക്കും സ്ത്രീകൾക്കും അവസരമുണ്ട്. കുക്ക്, കോബ്ലർ, ബാർബർ, വാഷർമാൻ, സ്വീപ്പർ, പെയ്ന്‍റർ, മാലി, വെൽഡർ, ടെ‌യ്‌ലർ, കാർപെന്‍റർ, ഇലക്‌ട്രീഷൻ, അറ്റൻഡന്‍റ് എന്നീ വിഭാഗങ്ങളിലാണ് ഒഴിവ്. പുരുഷന്മാർക്ക് 945. സ്ത്രീകൾക്ക് 103, വിമുക്‌തഭടന്മാർക്ക് 113 എന്നിങ്ങനെയാണ് അവസരം. രാജ്യത്തെവിടെയും നിയമനം ലഭിക്കാം.
ശമ്പളം: 21,700-69,100 മറ്റ് അലവൻസുകളും. പ്രായം: 2025 ഓഗസ്റ്റ് ഒന്നിന് 18നും 23നും മധ്യേ. പട്ടികജാതി/വർഗക്കാർക്ക് അഞ്ചും ഒബിസിക്കു മൂന്നും വർഷം ഇളവുണ്ട്. വിമുക്‌തഭടന്മാർക്ക് ഇളവ് ചട്ടപ്രകാരം ഉയർന്ന പ്രായപരിധിയിലുള്ള മറ്റ് ഇളവുകൾക്കു വെബ്സൈറ്റിലെ വിജ്‌ഞാപനം കാണുക.
യോഗ്യത: മെട്രിക്കുലേഷൻ/ തത്തുല്യം. അൺസ‌്കിൽഡ് ട്രേഡായ സ്വീപ്പർ, ഒഴികെയുള്ള ട്രേഡുകളിലേക്ക് അപേക്ഷിക്കുന്നവർക്കു ബന്ധപ്പെട്ട ട്രേഡിൽ ഐടിഐ പരിശീലനം ലഭിച്ചിട്ടുണ്ടെങ്കിൽ മുൻഗണന ലഭിക്കും.
ശാരീരിക യോഗ്യത: ഉയരം: പുരുഷന്മാർക്ക്: 170 സെമീ (എസ്ടിക്ക്: 162.5 സെ.മീ.).
നെഞ്ചളവ്: 80-85 സെ.മീ. (എസ്ടിക്ക്: 76-81സെ.മീ.), തൂക്കം: ആനുപാതികം സ്ത്രീകൾക്ക്: 157 സെ.മീ. (എസ്ടിക്ക്: 150 സെ.മീ.) തൂക്കം: ആനുപാതികം.
കാഴ്‌ചശക്‌തി: വർണാന്ധതയോ നിശാന്ധതയോ കോങ്കണ്ണോ പാടില്ല. കൂട്ടിമുട്ടുന്ന കാൽമുട്ടുകൾ. പരന്ന പാദം, പിടച്ച ഞരമ്പുകൾ എന്നിവ അയോഗ്യതകളാണ്. നല്ല ആരോഗ്യം വേണം.
വിമുക്തഭടൻമാരുടെ ശാരീരിക യോഗ്യത സംബന്ധിച്ച വിശദവിവരങ്ങൾക്കു വെബ്സൈറ്റിലെ വിജ്‌ഞാപനം കാണുക. ഇവർക്കു ശാരീരികക്ഷമതാ പരിശോധന ഉണ്ടാകില്ല.
തെരഞ്ഞെടുപ്പുരീതി: യോഗ്യരായവർക്കു ശാരീരിക അളവുപരിശോധന, ശാരീരികക്ഷമതാ പരിശോധന, രേഖകളുടെ പരിശോധന. ട്രേഡ് ടെസ്റ്റ‌്, എഴുത്തുപരീക്ഷ, വൈദ്യപരിശോധന എന്നിവ നടത്തും.
ശാരീരികക്ഷമതാ പരീക്ഷ: പുരുഷന്മാർക്ക്: 6.30 മിനിറ്റിൽ 1.6 കിലോമീറ്റർ ഓട്ടം. സ്ത്രീകൾക്ക് 4 മിനിറ്റിൽ 800 മീറ്റർ ഓട്ടം.
അപേക്ഷാഫീസ്: 100 രൂപ. പട്ടിക ജാതി/വർഗക്കാർക്കും വിമുക്തഭടന്മാർക്കും സ്ത്രീകൾക്കും ഫീസില്ല.
അപേക്ഷാ ഫോം ഉൾപ്പെടെ വിശദവിവരങ്ങൾക്ക് https://cisfrectt.cisf.gov.in