നഗരസഭകളിലെ കെട്ടിട നികുതിപിരിവില്‍ നടപടി ഉറപ്പാക്കാന്‍ നിര്‍ദേശം : Deepika.com Kerala News |

Click here for detailed news of all items

നഗരസഭകളിലെ കെട്ടിട നികുതിപിരിവില്‍ നടപടി ഉറപ്പാക്കാന്‍ നിര്‍ദേശം

Monday, July 8, 2024 4:03 AM IST

തിരുവനന്തപുരം: നഗരസഭകളിലെ കെട്ടിട നികുതിപിരിവില്‍ ശരിയായ നടപടി ഉറപ്പാക്കാന്‍ നിര്‍ദേശം. സഞ്ചയവഴിയുള്ള നികുതിയടയ്ക്കല്‍ ‘കെ-സ്മാര്‍ട്ട് ’ വഴി ആക്കുന്നതിന്‍റെ ഭാഗമായാണിത്. സെപ്റ്റംബര്‍ 30 നകം നടപടി പൂര്‍ത്തിയാക്കും. കെ-സ്മാര്‍ട്ടിലേക്ക് നികുതിയടവ് മാറ്റുന്നതിനായി വിവരം രേഖപ്പെടുത്തുന്നതില്‍ സാങ്കേതിക തടസമുണ്ടാകാറുണ്ട്.

പ്രശ്നമുള്ള ഓരോ കെട്ടിടത്തിന്‍റെയും വിവരം നേരിട്ട് അന്വേഷിക്കും. ഇതിന് ദിവസവേതനാടിസ്ഥാനത്തില്‍ മുന്നുമാസത്തേക്ക് ജീവനക്കാരെ നിയോഗിക്കാനും തദ്ദേശവകുപ്പ് അനുമതി നല്‍കി. നഗരസഭയിലെ ബില്‍കളക്ടര്‍മാര്‍‌, റവന്യു വിഭാഗത്തിലെ ഉദ്യോഗസ്ഥര്‍ ഉള്‍പ്പെടെയുള്ളവരെയും ഇതിനു വേണ്ടി ഉപയോഗിക്കും.

സഞ്ചയ സോഫ്റ്റ് വെയറിലെ രേഖപ്പെടുത്തലില്‍ ഒഴിവാക്കിയ കെട്ടിടങ്ങള്‍ക്കും പൊളിച്ചുമാറ്റിയവയ്ക്കും നികുതി വാങ്ങുന്നുണ്ടെങ്കില്‍ അത് ഒഴിവാക്കും. പൊളിച്ച കെട്ടിടങ്ങള്‍ക്ക് മുന്‍കാലത്തെ നികുതി കുടിശികയുണ്ടെങ്കില്‍ അത് ഈടാക്കിയാകും തീര്‍പ്പാക്കല്‍‌.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.