Play Audio

കാ​യി​ക​മു​കു​ള​ങ്ങ​ളാ​ണ്;​വി​ല​ക്കി​യൊ​തു​ക്ക​രു​ത്
Monday, January 6, 2025 12:00 AM IST
ര​ണ്ടു മി​ക​ച്ച സ്കൂ​ളു​ക​ളെ സം​സ്ഥാ​ന കാ​യി​ക​മേ​ള​യി​ൽ വി​ല​ക്കി​യി​രി​ക്കു​ന്നു. നീ​തി നി​ഷേ​ധി​ക്ക​പ്പെ​ട്ടെ​ന്ന ബോ​ധ്യ​ത്തി​ൽപ്ര​തി​ഷേ​ധി​ച്ച​വ​രെ അ​ച്ച​ട​ക്ക​ലം​ഘ​ന​ത്തി​ന്‍റെ വ​കു​പ്പി​ൽ പെ​ടു​ത്തി പ​ര​മാ​വ​ധി ശി​ക്ഷ ന​ൽ​കി​യ​ത് ക്രൂ​ര​വും ജ​നാ​ധി​പ​ത്യ​വി​രു​ദ്ധ​വു​മാ​ണ്; തി​രു​ത്ത​ണം.

ഇ​തു കേ​ട്ടു​കേ​ൾ​വി​യി​ല്ലാ​ത്ത​താ​ണ്. ക​ഴി​ഞ്ഞ സം​സ്ഥാ​ന കാ​യി​ക​മേ​ള​യി​ൽ മി​ക​ച്ച സ്കൂ​ളു​ക​ളു​ടെ സ്ഥാ​ന​നി​ർ​ണ​യ​ത്തി​ൽ അ​പ്ര​തീ​ക്ഷി​ത​മാ​യു​ണ്ടാ​ക്കി​യ മാ​റ്റ​ത്തി​ൽ പ്ര​തി​ഷേ​ധി​ച്ച സ്കൂ​ളു​ക​ളെ അ​ടു​ത്ത കാ​യി​ക​മേ​ള​യി​ൽ വി​ല​ക്കി​യി​രി​ക്കു​ന്നു. ഒ​ന്നാ​മ​ത്, ആ ​പ്ര​തി​ഷേ​ധം അ​ന്യാ​യ​മോ അ​ക്ര​മാ​സ​ക്ത​മോ ആ​യി​രു​ന്നി​ല്ല. ര​ണ്ട്, പ്ര​ശ്നം പ​രി​ഹ​രി​ക്കാ​നോ പ​തി​വ് ലം​ഘി​ച്ച് എ​ടു​ത്ത തീ​രു​മാ​ന​ത്തി​ന്‍റെ ന്യാ​യം പ​റ​യാ​നോ ത​യാ​റാ​കാ​തെ, പ്ര​തി​ഷേ​ധി​ച്ച​വ​രെ വി​ല​ക്കു​ന്ന​താ​ണോ നീ​തി? അ​ങ്ങ​നെ​യാ​ണെ​ങ്കി​ൽ ക​ലാ​ല​യ​ങ്ങ​ളെ സ്ഥി​രം ക​ലാ​പാ​ല​യ​ങ്ങ​ളാ​ക്കി മാ​റ്റി​ക്കൊ​ണ്ടി​രി​ക്കു​ന്ന വി​ദ്യാ​ർ​ഥി സം​ഘ​ട​ന​ക​ളെ വി​ല​ക്കേ​ണ്ട​ത​ല്ലേ? പ്ര​തി​ഷേ​ധ​ത്തി​ന്‍റെ പേ​രി​ൽ നി​യ​മ​സ​ഭ​യി​ൽ അ​ക്ര​മം അ​ഴി​ച്ചു​വി​ടു​ന്ന എം​എ​ൽ​എ​മാ​രെ അ​ടു​ത്ത തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന​തി​ൽ​നി​ന്നു വി​ല​ക്കേ​ണ്ട​ത​ല്ലേ? അ​ക്ര​മി​ക​ളെ​യും കൊ​ല​യാ​ളി​ക​ളെ​യും പോ​ലും സം​ര​ക്ഷി​ക്കു​ന്ന​വ​രെ​യു​മൊ​ക്കെ രാ​ഷ്‌​ട്രീ​യ​ത്തി​ൽ​നി​ന്നു വി​ല​ക്കേ​ണ്ട​ത​ല്ലേ? കാ​യി​ക​മു​കു​ള​ങ്ങ​ളെ വി​ല​ക്കി​യൊ​തു​ക്ക​രു​ത്; കാ​യി​ക​രം​ഗ​ത്തെ ച​രി​ത്ര​പ​ര​മാ​യ ഈ ​മ​ണ്ട​ത്ത​രം പി​ൻ​വ​ലി​ക്ക​ണം.

2024 ന​വം​ബ​ർ നാ​ലു മു​ത​ൽ 11 വ​രെ എ​റ​ണാ​കു​ളം മ​ഹാ​രാ​ജാ​സ് കോ​ള​ജ് മൈ​താ​ന​ത്ത് സം​ഘ​ടി​പ്പി​ച്ച കാ​യി​ക​മേ​ള​യു​ടെ സ​മാ​പ​ന​ച്ച​ട​ങ്ങി​ലെ പ്ര​തി​ഷേ​ധ​ത്തെ​യാ​ണ് കാ​യി​ക​രം​ഗ​ത്തി​നു​ള്ള പ്ര​ഹ​ര​മാ​ക്കാ​ൻ സ​ർ​ക്കാ​ർ ഉ​പ​യോ​ഗി​ച്ച​ത്. പ​തി​വി​നു വി​രു​ദ്ധ​മാ​യി അ​ന്ന് ജ​ന​റ​ൽ സ്കൂ​ളു​ക​ൾ​ക്കൊ​പ്പം സ്പോ​ർ​ട്സ് ഡി​വി​ഷ​നു​ക​ളെ​യും ചാ​ന്പ്യ​ൻ​പ​ട്ട​ത്തി​നു പ​രി​ഗ​ണി​ച്ചു.

മേ​ള​യു​ടെ ഔ​ദ്യോ​ഗി​ക വെ​ബ്സൈ​റ്റി​ൽ ഉ​ൾ​പ്പെ​ടെ പോ​യി​ന്‍റ് നി​ല​യി​ൽ ര​ണ്ടും മൂ​ന്നും സ്ഥാ​ന​ത്തു​ണ്ടാ​യി​രു​ന്ന മ​ല​പ്പു​റം തി​രു​നാ​വാ​യ നാ​വാ​മു​കു​ന്ദ എ​ച്ച്എ​സ്എ​സ്, എ​റ​ണാ​കു​ളം കോ​ത​മം​ഗ​ലം മാ​ർ ബേ​സി​ൽ എ​ച്ച്എ​സ്എ​സ് എ​ന്നീ സ്‌​കൂ​ളു​ക​ളെ പി​ന്ത​ള്ളി സ്പോ​ർ​ട്സ് സ്കൂ​ളാ​യ തി​രു​വ​ന​ന്ത​പു​രം ജി.​വി. രാ​ജ​യ്ക്ക് ര​ണ്ടാം സ്ഥാ​നം കൊ​ടു​ത്തു. വി​ദ്യാ​ർ​ഥി​ക​ൾ സ്വാ​ഭാ​വി​ക​മാ​യും പ്ര​തി​ഷേ​ധി​ച്ചു.

കാ​യി​ക​മ​ന്ത്രി വി. ​അ​ബ്ദു​റ​ഹ്‌​മാ​ന് പ്ര​ശ്നം പ​രി​ഹ​രി​ക്കാ​നാ​യി​ല്ല. വേ​ദി​യി​ലു​ണ്ടാ​യി​രു​ന്ന മ​ന്ത്രി വി. ​ശി​വ​ൻ​കു​ട്ടി പ്ര​ശ്നം പ​രി​ഹ​രി​ക്കാ​മെ​ന്നു പ​റ​ഞ്ഞെ​ങ്കി​ലും സ​മ്മേ​ള​നം തീ​ർ​ന്നി​ട്ടും പ​രി​ഹ​രി​ച്ച​തു​മി​ല്ല. ഇ​തോ​ടെ വേ​ദി​ക്ക​രി​കി​ലേ​ക്ക് പ്ര​തി​ഷേ​ധ​വു​മാ​യെ​ത്തി​യ വി​ദ്യാ​ർ​ഥി​ക​ളെ പോ​ലീ​സ് ബ​ലം പ്ര​യോ​ഗി​ച്ചു ത​ള്ളി​നീ​ക്കി. സം​ഭ​വം അ​ന്വേ​ഷി​ച്ച മൂ​ന്നം​ഗ ക​മ്മി​റ്റി​യു​ടെ റി​പ്പോ​ർ​ട്ട​നു​സ​രി​ച്ചാ​ണ് പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ നി​രോ​ധ​ന ഉ​ത്ത​ര​വി​റ​ക്കി​യ​ത്.

കാ​യി​ക​മേ​ള​യി​ൽ സ്പോ​ർ​ട്സ് സ്കൂ​ൾ എ​ന്നും ജ​ന​റ​ൽ സ്കൂ​ൾ എ​ന്നും വേ​ർ​തി​രി​വി​ല്ലെ​ന്ന ഔ​ദ്യോ​ഗി​ക വി​ശ​ദീ​ക​ര​ണം അം​ഗീ​ക​രി​ക്കാ​നാ​വി​ല്ലെ​ന്നും കോ​ട​തി​യെ സ​മീ​പി​ക്കു​മെ​ന്നും സ്കൂ​ളു​ക​ൾ നി​ല​പാ​ട് സ്വീ​ക​രി​ച്ചി​രി​ക്കെ​യാ​ണ് വി​ല​ക്ക്. അ​ധ്യാ​പ​ക​ർ​ക്കെ​തി​രേ​യും ന​ട​പ​ടി​യു​ണ്ടാ​കു​മ​ത്രേ. സ്കൂ​ൾ ക​ലോ​ത്സ​വ​ത്തി​നും മു​ന്ന​റി​യി​പ്പു ന​ൽ​കു​ക​യാ​വാം ഇ​പ്പോ​ഴ​ത്തെ വി​ല​ക്കി​ന്‍റെ മ​റ്റൊ​രു ല​ക്ഷ്യം. തീ​ർ​ച്ച​യാ​യും അ​ച്ച​ട​ക്കം ആ​വ​ശ്യ​മാ​ണ്. പ​ക്ഷേ, അ​തു നീ​തി നി​ഷേ​ധി​ക്കാ​നു​ള്ള കു​റു​ക്കു​വ​ഴി​യാ​ക​രു​ത്.

പ്ര​തി​ഷേ​ധി​ച്ച വി​ദ്യാ​ർ​ഥി​ക​ൾ ഒ​ര​ക്ര​മ​വും ന​ട​ത്തി​യ​താ​യി ദൃ​ശ്യ​ങ്ങ​ളി​ൽ കാ​ണു​ന്നി​ല്ല. അ​തേ​സ​മ​യം, ഇ​വി​ട​ത്തെ വി​ദ്യാ​ർ​ഥി പ്ര​സ്ഥാ​ന​ങ്ങ​ളും അ​തി​ന്‍റെ ഭാ​ര​വാ​ഹി​ക​ളും സ​ഹ​വി​ദ്യാ​ർ​ഥി​ക​ളെ​യും അ​ധ്യാ​പ​ക​രെ​യും ആ​ക്ര​മി​ച്ച​തും പൊ​തു​മു​ത​ൽ ന​ശി​പ്പി​ച്ച​തു​മൊ​ക്കെ ച​രി​ത്ര​മാ​ണ്. ആ ​അ​ക്ര​മി​ക​ളി​ൽ കൂ​ടു​ത​ൽ പ​ങ്കു​ള്ള​ത് ഏ​തു സം​ഘ​ട​ന​യ്ക്കാ​ണെ​ന്നും അ​ക്ര​മ​ത്തി​ലും അ​ഴി​മ​തി​യി​ലു​മൊ​ക്കെ നേ​രി​ട്ടു പ​ങ്കെ​ടു​ത്ത ഏ​തൊ​ക്കെ നേ​താ​ക്ക​ളാ​ണ് ഇ​പ്പോ​ഴും അ​തേ സ്ഥാ​ന​ത്തു തു​ട​രു​ന്ന​തെ​ന്നു​മൊ​ക്കെ മ​ന്ത്രി​മാ​ർ​ക്കു​മ​റി​യാം. നി​യ​മ​സ​ഭ​യി​ലെ അ​ക്ര​മ​ങ്ങ​ളും ത​ല്ലി​ത്ത​ക​ർ​ക്ക​ലു​മൊ​ക്കെ ഇ​പ്പോ​ഴും ദൃ​ശ്യ​ങ്ങ​ളാ​യു​ണ്ട്. അ​തി​നൊ​ന്നും ഒ​രു വി​ല​ക്കു​മി​ല്ല. ജ​നാ​ധി​പ​ത്യ​ത്തി​ലെ വി​യോ​ജി​പ്പു​ക​ൾ​ക്കെ​തി​രേ ഗൂ​ഢാ​ലോ​ച​ന ന​ട​ത്തു​ന്ന​തും ക​ശാ​പ്പു ചെ​യ്യു​ന്ന​തു​മാ​യ രാ​ഷ്‌​ട്രീ​യ​ശൈ​ലി കാ​യി​ക​രം​ഗ​ത്ത് അ​വ​ലം​ബി​ക്ക​രു​ത്.

ബ​ഹു​മാ​ന​പ്പെ​ട്ട മ​ന്ത്രി​മാ​രേ, നി​ങ്ങ​ൾ അ​ന്വേ​ഷി​ക്കൂ; സ​ർ​ക്കാ​രി​ന്‍റെ പ്രോ​ത്സാ​ഹ​ന​മാ​ണോ അ​തോ ചി​ല മാ​നേ​ജ്മെ​ന്‍റു​ക​ളു​ടെ​യും അ​ധ്യാ​പ​ക​രു​ടെ​യും വി​ദ്യാ​ർ​ഥി​ക​ളു​ടെ​യും അ​വ​രു​ടെ മാ​താ​പി​താ​ക്ക​ളു​ടെ​യും ആ​വേ​ശ​വും ക​ഠി​നാ​ധ്വാ​ന​വു​മാ​ണോ സ്കൂ​ൾ കാ​യി​ക​രം​ഗ​ത്ത് ഇ​ത്ര​യെ​ങ്കി​ലും കു​തി​പ്പു​ക​ളു​ണ്ടാ​ക്കു​ന്ന​ത് എ​ന്ന്. സ്പോ​ർ​ട്സ് ‌സ്കൂ​ളു​ക​ൾ പോ​ലെ സാ​ന്പ​ത്തി​ക പി​ന്തു​ണ​യും മ​റ്റു സ​ഹാ​യ​ങ്ങ​ളു​മൊ​ന്നും കി​ട്ടു​ന്ന​ത​ല്ല പൊ​തു​വി​ഭാ​ഗ​ത്തി​ലു​ള്ള സ്കൂ​ളു​ക​ൾ.

മാ​നേ​ജ്മെ​ന്‍റും അ​ധ്യാ​പ​ക​രും പ​ല​പ്പോ​ഴും സ്വ​ന്തം കൈ​യി​ൽ​നി​ന്നു​പോ​ലും പ​ണം മു​ട​ക്കി​യാ​ണ് വി​ദ്യാ​ർ​ഥി​ക​ളു​ടെ കാ​യി​ക ഉ​ന്ന​തി​ക്കു​വേ​ണ്ടി അ​ഹോ​രാ​ത്രം പ​ണി​യെ​ടു​ക്കു​ന്ന​ത്. പൊ​രു​തി​യെ​ടു​ക്കു​ന്ന നേ​ട്ട​ങ്ങ​ളും അ​തി​ന്‍റെ ഊ​ർ​ജ​വു​മാ​ണ് അ​വ​രെ മു​ന്നോ​ട്ടു ന​യി​ക്കു​ന്ന​ത്. അ​തു ന​ശി​പ്പി​ക്ക​രു​ത്. ഈ ​വി​ല​ക്ക്, ന​മ്മു​ടെ യു​വ​ത്വ​ത്തി​ന് അ​ച്ച​ട​ക്ക​ത്തി​ന്‍റെ​യും നീ​തി​യു​ടെ​യും മാ​ത്ര​മ​ല്ല, ജ​നാ​ധി​പ​ത്യ​ത്തി​ന്‍റെ​യും സ​ന്ദേ​ശ​വും കൊ​ടു​ക്കി​ല്ല. അ​തേ​സ​മ​യം, കാ​യി​ക​രം​ഗ​ത്തെ മു​കു​ള​ങ്ങ​ളെ നു​ള്ളി​ക്ക​ള​യു​ന്ന​തും അ​പ​ക്വ​വു​മാ​ണ്; തി​രു​ത്തേ​ണ്ട​തു​മാ​ണ്.
Copyright @ 2018 , Rashtra Deepika Ltd.