തലയോലപറമ്പിൽ സ്വകാര്യബസ് മറിഞ്ഞു; 30 പേർക്ക് പരിക്ക്
Saturday, July 27, 2024 8:52 PM IST
കോട്ടയം: എറണാകുളം-കോട്ടയം റോഡിൽ തലയോലപ്പറമ്പിനടുത്ത് സ്വകാര്യ ബസ് മറിഞ്ഞ് 30ഓളം പേർക്ക് പരിക്ക്. വെട്ടിക്കാട്ടുമുക്ക് ഗുരുമന്ദിരം ജംഗ്ഷനിൽ ശനിയാഴ്ച വൈകിട്ട് 7.15നാണ് അപകടമുണ്ടായത്.
എറണാകുളത്തുനിന്നും ഈരാറ്റുപേട്ടയ്ക്കു പോകുകയായിരുന്ന ആവേ മരിയ ബസ് ആണ് അപകടത്തിൽപെട്ടത്. വളവു വീശി എടുക്കുന്നതിനിടെ നിയന്ത്രണം വിട്ട ബസ് താഴ്ചയിലേക്കു മറിയുകയായിരുന്നു. സമീപത്തെ അക്ഷയകേന്ദ്രത്തിൽ ഇടിച്ചാണ് ബസ് നിന്നത്.