ഫോണിനെ ചൊല്ലി തർക്കം; വർക്കലയിൽ പൂജാരിയെ കുത്തിക്കൊലപ്പെടുത്തി
Saturday, February 24, 2024 7:27 AM IST
തിരുവനന്തപുരം: പൂജാരിമാർ തമ്മിലുണ്ടായ വാക്കേറ്റത്തിനൊടുവിൽ കൊലപാതകം. തിരുവനന്തപുരം വർക്കലയിൽ വെള്ളിയാഴ്ച രാത്രിയാണ് സംഭവം. ചാലുവിള പുറമ്പോക്കിൽ താമസിക്കുന്ന നാരായണനാണ് കൊല്ലപ്പെട്ടത്.
സംഭവത്തിൽ നൂറനാട് സ്വദേശിയായ അരുണിനെ വര്ക്കല പോലീസ് കസ്റ്റഡിയിലെടുത്തു. മൊബൈൽ ഫോണിനെ ചൊല്ലി ഇരുവരും തമ്മിലുണ്ടായ തർക്കമാണ് കൊലപാതകത്തിൽ കലാശിച്ചത്.
അയല്വാസികളായ ഇരുവരും തമ്മിലുണ്ടായ വാക്കേറ്റം സംഘര്ഷത്തില് കലാശിക്കുകയായിരുന്നു. ഇതിനിടെയാണ് അരുണ് നാരായണനെ ആക്രമിച്ച് കൊലപ്പെടുത്തിയത്.