സംസ്ഥാന ജൂണിയര്‍ കബഡി ചാമ്പ്യന്‍ഷിപ്പ് ഇന്നുമുതല്‍
Saturday, November 23, 2024 12:32 AM IST
കൊച്ചി: സംസ്ഥാന കബഡി ടെക്‌നിക്കല്‍ കമ്മിറ്റിയും എറണാകുളം പുക്കാട്ടുപടി കെഎംഇഎ എന്‍ജിനിയറിംഗ് കോളജും സംയുക്തമായി സംഘടിപ്പിക്കുന്ന 50-ാമത് സംസ്ഥാന ജൂണിയര്‍ കബഡി ചാമ്പ്യന്‍ഷിപ്പ് മത്സരം ഇന്നും നാളെയും കെഎംഇഎ ഇന്‍ഡോര്‍ ഗ്രൗണ്ടില്‍ ആരംഭിക്കും.
ചാമ്പ്യന്‍ഷിപ്പില്‍ 14 ജില്ലകളില്‍നിന്നുള്ള ആണ്‍കുട്ടികളുടെയും പെണ്‍കുട്ടികളുടെയും ടീമുകള്‍ പങ്കെടുക്കുമെന്ന് ഭാരവാഹികള്‍ അറിയിച്ചു.
ഡിസംബര്‍ 28 മുതല്‍ ഉത്തരാഖണ്ഡില്‍ നടക്കുന്ന നാഷണല്‍ കബഡി ചാമ്പ്യന്‍ഷിപ്പിനുള്ള കേരള ടീമിനെ ഈ മത്സരങ്ങളില്‍നിന്നു തെരഞ്ഞെടുക്കും. പെണ്‍കുട്ടികളുടെ മത്സരം ഇന്നു രാവിലെ 10.30മുതൽ നടക്കും. കെ.എന്‍. ഗോപിനാഥ് മത്സരങ്ങള്‍ ഉദ്ഘാടനം ചെയ്യും.
എ.ആര്‍. രഞ്ജിത് അധ്യക്ഷത വഹിക്കും. നാളെ നടക്കുന്ന ആണ്‍കുട്ടികളുടെ മത്സരം രാവിലെ 10.30ന് മന്ത്രി പി. രാജീവ് ഉദ്ഘാടനം ചെയ്യും.