ഓട്ടോസ്പോട്ട്/ അരുൺ ടോം

ഹ​രി​യാ​ന ആ​സ്ഥാ​ന​മാ​യു​ള്ള ഇ​ല​ക്‌ട്രിക് ഇ​രു​ച​ക്ര വാ​ഹ​ന നി​ർ​മാ​താ​ക്ക​ളാ​യ സീ​ലി​യോ ഇ​ല​ക്‌ട്രി​ക് മൊ​ബി​ലി​റ്റി 10-18 വ​യ​സ് പ്രാ​യ​മു​ള്ള യു​വ റൈ​ഡ​ർ​മാ​ർ​ക്കാ​യി ഏ​റ്റ​വും പു​തി​യ ഇ​ല​ക്‌ട്രി​ക് സ്കൂ​ട്ട​ർ മോ​ഡ​ലാ​യ ‘ലി​റ്റി​ൽ ഗ്രേ​സി’ കഴിഞ്ഞ ദിവസമാണ് പു​റ​ത്തി​റ​ക്കിയത്.

ഈ ​സ്കൂ​ട്ട​റി​ന് റീ​ജ​ണ​ൽ ട്രാ​ൻ​സ്പോ​ർ​ട്ട് ഓ​ഫീ​സി​ൽ (ആ​ർ​ടി​ഒ) ര​ജി​സ്ട്രേ​ഷ​ൻ ആ​വ​ശ്യ​മി​ല്ല. വ്യ​ത്യ​സ്ത​മാ​യ രൂ​പ​ക​ല്പ​ന​കളിലുള്ള സ്കൂ​ട്ട​റി​ന്‍റെ പ്രാ​രം​ഭ വി​ല 49,500 രൂ​പ​യി​ലാണ് (എ​ക്സ്-​ഷോ​റൂം) ആ​രം​ഭി​ക്കു​ന്നത്.

ഡ്രൈ​വിം​ഗ് ലൈ​സ​ൻ​സ് ആ​വ​ശ്യ​മി​ല്ലാ​തെ, എ​ളു​പ്പ​ത്തി​ൽ ഓ​ടി​ക്കാ​ൻ ക​ഴി​യു​ന്ന ലോ ​സ്പീ​ഡ് ഇ​ല​ക്‌ട്രി​ക് സ്കൂ​ട്ട​റാ​ണി​ത്. ഹ്ര​സ്വ​ദൂ​ര ന​ഗ​രയാ​ത്ര​ക​ൾ​ക്കാ​യി രൂ​പ​ക​ൽ​പ്പ​ന ചെ​യ്തി​രി​ക്കു​ന്ന സ്കൂ​ട്ട​റി​ന് 80 കി​ലോ​ഗ്രാം ഭാ​ര​വും പ​ര​മാ​വ​ധി 75 കി​ലോ​മീ​റ്റ​ർ മൈ​ലേ​ജും മ​ണി​ക്കൂ​റി​ൽ 25 കി​ലോ​മീ​റ്റ​ർ വേ​ഗ​വു​മാണുള്ളത്.

പ്ര​ധാ​ന​മാ​യും സ്കൂ​ൾ, കോ​ള​ജ് വി​ദ്യാ​ർ​ഥി​ക​ളെ ല​ക്ഷ്യ​മി​ട്ടാ​ണ് ക​ന്പ​നി ലി​റ്റി​ൽ ഗ്രേ​സി പു​റ​ത്തി​റ​ക്കി​യി​രി​ക്കു​ന്ന​ത്. സ്കൂ​ട്ട​റി​ന്‍റെ ഭാ​രം വ​ഹി​ക്കാ​നു​ള്ള ശേ​ഷി 150 കി​ലോ​ഗ്രാം ആ​ണ്. അ​താ​യ​ത്, ര​ണ്ട് കൗ​മാ​ര​ക്കാ​ർ​ക്ക് സ്കൂ​ട്ട​റി​ൽ സ​ഞ്ച​രി​ക്കാ​ൻ ക​ഴി​യും.

ശ​ക്തി​യും പ്ര​ക​ട​ന​വും: ലി​റ്റി​ൽ ഗ്രേ​സി മൂ​ന്ന് വേ​രി​യ​ന്‍റു​ക​ളി​ൽ ല​ഭ്യ​മാ​ണ്. ഓ​രോ​ന്നി​നും വ്യ​ത്യ​സ്ത ആ​വ​ശ്യ​ങ്ങ​ൾ​ക്ക് അ​നു​യോ​ജ്യ​മാ​യ വ്യ​ത്യ​സ്ത ബാ​റ്റ​റി ഓ​പ്ഷ​നു​ക​ൾ വാ​ഗ്ദാ​നം ചെ​യ്യു​ന്നു. സ്കൂട്ടറിന് മൂ​ന്ന് വ​ക​ഭേ​ദ​ങ്ങ​ളിലും കന്പനി 48/60V BLDC മോ​ട്ടോ​റാ​ണ് ന​ൽ​കി​യി​രി​ക്കു​ന്ന​ത്.


മൂ​ന്ന് വേ​രി​യ​ന്‍റു​ക​ളി​ലാ​യി യ​ഥാ​ക്ര​മം 48V/32AH ലെ​ഡ് ആ​സി​ഡ് ബാ​റ്റ​റി, 60V/32AH ലെ​ഡ് ആ​സി​ഡ് ബാ​റ്റ​റി, 60V/30AH ലി​ഥി​യം-​അ​യ​ണ്‍ ബാ​റ്റ​റി പാ​യ്ക്കു​ക​ളാ​ണ് ന​ൽ​കി​യി​രി​ക്കു​ന്ന​ത്. ഒ​റ്റ ചാ​ർ​ജി​ൽ 60 മു​ത​ൽ 90 കി​ലോ​മീ​റ്റ​ർ വ​രെ ഡ്രൈ​വിം​ഗ് റേ​ഞ്ച് തരുവാൻ ഈ ​ഇ​ല​ക്‌ട്രി​ക് സ്കൂ​ട്ട​റി​ന് ക​ഴി​യും. 7-9 മ​ണി​ക്കൂ​റി​നു​ള്ളി​ൽ ഫു​ൾ ചാ​ർ​ജും ചെ​യ്യാ​നാ​കും.

സ്കൂ​ട്ട​റി​ന്‍റെ പ്ര​വ​ർ​ത്ത​ന​ച്ചെ​ല​വ് കി​ലോ​മീ​റ്റ​റി​ന് 25 പൈ​സ മാ​ത്ര​മാ​ണെ​ന്നാണ് ക​ന്പ​നി അ​വ​കാ​ശ​പ്പെ​ടു​ന്നത്. ബാ​റ്റ​റി പൂ​ർ​ണ​മാ​യും ചാ​ർ​ജ് ചെ​യ്യാ​ൻ 1.5 യൂ​ണി​റ്റ് വൈ​ദ്യു​തി മാ​ത്ര​മേ ഉ​പ​യോ​ഗി​ക്കു​ന്നു​ള്ളൂ. അ​താ​യ​ത്, 15 രൂ​പ ചെ​ല​വി​ൽ ഈ ​സ്കൂ​ട്ട​ർ ഉ​പ​യോ​ഗി​ച്ച് 60 കി​ലോ​മീ​റ്റ​ർ വ​രെ സ​ഞ്ച​രി​ക്കാം.

സ​വി​ശേ​ഷ​ത​ക​ൾ: ഡി​ജി​റ്റ​ൽ ഇ​ൻ​സ്ട്രു​മെ​ന്‍റ് ക​ണ്‍​സോ​ൾ, യു​എ​സ്ബി ചാ​ർ​ജിം​ഗ് പോ​ർ​ട്ട്, സെ​ൻ​ട്ര​ൽ ലോ​ക്ക്, ആ​ന്‍റി-​തെ​ഫ്റ്റ് അ​ലാ​റം, റി​വേ​ഴ്സ് മോ​ഡ്, പാ​ർ​ക്കിം​ഗ് സ്വി​ച്ച് എ​ന്നി​വ​യാ​ണ് ഫീ​ച്ച​റു​ക​ൾ. 10 ഇ​ഞ്ച് വീ​ലു​ക​ളും ഹൈ​ഡ്രോ​ളി​ക് സ​സ്പെ​ൻ​ഷ​നും ഡ്രം ​ബ്രേ​ക്കു​ക​ളുമുണ്ട്.

പി​ങ്ക്, ബ്രൗ​ണ്‍-​ക്രീം, വെ​ള്ള-​നീ​ല, മ​ഞ്ഞ-​പ​ച്ച എ​ന്നീ നാ​ല് നി​റ​ങ്ങ​ളി​ൽ അ​വ​ത​രി​പ്പി​ച്ചി​രി​ക്കു​ന്ന വാഹനത്തിന് ഡ്യു​വ​ൽ ടോ​ണ്‍ കൂ​ടാ​തെ മോ​ണോ ടോ​ണ്‍ ക​ള​ർ ഓ​പ്ഷ​നും നൽകിയിട്ടുണ്ട്.മോ​ട്ടോ​ർ, ക​ണ്‍​ട്രോ​ള​ർ, ഫ്രെ​യിം എ​ന്നി​വ​യ്ക്ക് ര​ണ്ട് വ​ർ​ഷ​ത്തെ വാ​റ​ന്‍റി​യും ക​ന്പ​നി ന​ൽ​കു​ന്നു.