ഓഹരി അവലോകനം / സോ​​​ണി​​​യ ഭാ​​​നു

ഓ​ഹ​രി വി​പ​ണി​യി​ലെ ത​ക​ർ​ച്ച​യ്ക്ക് ആ​ക്കം കൂ​ടി. ബാ​ധ്യ​ത​ക​ൾ ഒ​ഴി​വാ​ക്കാ​ൻ വി​ദേ​ശ​ഫ​ണ്ടു​ക​ൾ കാ​ണി​ച്ച തി​ടു​ക്ക​ത്തി​ൽ മു​ൻ​നി​ര ഇ​ൻ​ഡ​ക്സു​ക​ളു​ടെ കാ​ലി​ട​റി, ഒ​റ്റ ആ​ഴ്ച്ച​യി​ൽ ര​ണ്ട​ര ശ​ത​മാ​നം ഇ​ടി​വ് നേ​രി​ട്ടു. ര​ണ്ട് വ​ർ​ഷ​ത്തി​നി​ട​യി​ൽ ആ​ദ്യ​മാ​യി തു​ട​ർ​ച്ച​യാ​യി എ​ട്ട് ദി​വ​സ​ങ്ങ​ളി​ൽ സൂ​ചി​ക ത​ള​ർ​ന്ന​തി​നി​ട​യി​ൽ നി​ക്ഷേ​പ​ക​രു​ടെ സ​മ്പ​ത്തി​ൽ 25.31 ല​ക്ഷം കോ​ടി രൂ​പ​യു​ടെ ന​ഷ്ടം.

രൂ​പ​യു​ടെ മൂ​ല്യത്ത​ക​ർ​ച്ച​യും ഓ​ഹ​രി സൂ​ചി​ക​യു​ടെ ഇ​ടി​വും മൂ​ലം പ​തി​നാ​ല് മാ​സ​ത്തി​നി​ടെ ആ​ദ്യ​മാ​യി ഇ​ന്ത്യ​യു​ടെ വി​പ​ണി മൂ​ല​ധ​നം നാ​ല് ട്രി​ല്യ​ൺ ഡോ​ള​റി​ൽ താ​ഴ്ന്നു. ലോ​ക​ത്തി​ലെ അ​ഞ്ചാ​മ​ത്തെ വ​ലി​യ ഓ​ഹ​രി വി​പ​ണി​യു​ടെ മൂ​ല​ധ​ന​ത്തി​ൽ ഈ ​വ​ർ​ഷം ഏ​ക​ദേ​ശം 18 ശ​ത​മാ​നം ഇ​ടി​വ്. സിം​ബാ​ബ്‌​വേ​യും ഐ​സ്‌​ല​ൻ​ഡു​മാ​ണ് തൊ​ട്ടു‌​പി​ന്നി​ൽ.

രാ​ജ്യ​ത്തി​ന്‍റെ മൊ​ത്തം വി​പ​ണി മൂ​ല​ധ​നം ഇ​പ്പോ​ൾ 3.99 ട്രി​ല്യ​ൺ ഡോ​ള​റാ​ണ്, 2023 ഡി​സം​ബ​റി​ലെ ഉ​യ​ർ​ന്ന അ​വ​സ്ഥ​യാ​യ 5.14 ട്രി​ല്യ​ൺ ഡോ​ള​റി​ൽ എ​ത്തി​യ ശേ​ഷ​മാ​ണ് ഇ​പ്പോ​ൾ വ​ൻ ത​ക​ർ​ച്ച​യി​ലേ​ക്കു നീ​ങ്ങു​ന്ന​ത്. അ​ന്ന് ഏ​ഴ് ട്രി​ല്യ​ൻ ഡോ​ള​റി​ലേ​ക്കു കു​തി​ക്കു​മെ​ന്ന് സൂ​ച​ന​ക​ൾ പു​റ​ത്തു​വ​ന്നി​രു​ന്നു.

ഡോ​ള​റി​നു മു​ന്നി​ൽ രൂ​പ​യു​ടെ മൂ​ല്യം ഏ​ക​ദേ​ശം 1.5 ശ​ത​മാ​നം ഇ​ടി​ഞ്ഞു, ഇ​ന്തോ​നേ​ഷ്യ​ൻ റു​പ്പി​യ ക​ഴി​ഞ്ഞാ​ൽ ഏ​ഷ്യ​ൻ നാ​ണ​യ​ങ്ങ​ളി​ൽ ഏ​റ്റ​വും കൂ​ടു​ത​ൽ തി​രി​ച്ച​ടി ഇ​ന്ത്യ​ൻ രൂ​പ​യ്ക്കാ​ണ്. വി​ദേ​ശ ഫ​ണ്ടു​ക​ൾ വി​ല്പ​ന​യ്ക്ക് കാ​ണി​ച്ച തി​ടു​ക്ക​മാ​ണ് സൂ​ചി​ക​യെ അ​ടി​മു​ടി ഉ​ഴു​തു മ​റി​ച്ച​ത്. അ​തേ​സ​മ​യം അ​മേ​രി​ക്ക വി​പ​ണി മൂ​ല​ധ​ന​ത്തി​ൽ മൂ​ന്നു ശ​ത​മാ​ന​വും ചൈ​ന​യും ജ​പ്പാ​നും ര​ണ്ടു ശ​ത​മാ​ന​വും ഉ​യ​ർ​ന്നു. ഹോ​ങ്കോം​ങ്, കാ​ന​ഡ, ബ്രി​ട്ട​ൻ, ഫ്രാ​ൻ​സ് വി​പ​ണി​ക​ളി​ലും ഉ​ണ​ർ​വ്.

നി​ഫ്റ്റി മു​ൻ​വാ​ര​ത്തി​ലെ 23,559 പോ​യി​ന്‍റി​ൽ​നി​ന്നും കൂ​ടു​ത​ൽ മു​ന്നേ​റാ​ൻ ന​ട​ത്തി​യ ശ്ര​മം വി​ജ​യി​ക്കാ​ഞ്ഞ​തോ​ടെ ഫ​ണ്ടു​ക​ൾ വി​ല്പ​ന​യി​ൽ പി​ടി​മു​റു​ക്കി. ക​ഴി​ഞ്ഞ​വാ​രം വ്യ​ക്ത​മാ​ക്കി​യ ആ​ദ്യ സ​പ്പോ​ർ​ട്ടാ​യ 22,948ലെ ​താ​ങ്ങും ത​ക​ർ​ത്ത് നി​ഫ്റ്റി ഒ​മ്പ​ത് മാ​സ​ത്തെ ഏ​റ്റ​വും താ​ഴ്ന്ന നി​ല​യാ​യ 22,774.85ലേ​ക്ക് ഇ​ടി​ഞ്ഞു.

ഈ ​ത​ക​ർ​ച്ച പ്രാദേ​ശി​ക നി​ക്ഷേ​പ​ക​രി​ൽ ഭ​യ​വും ആ​ശ​ങ്ക​യും ഉളവാ​ക്കി. ഒ​രു വി​ഭാ​ഗം ഓ​പ്പ​റേ​റ്റ​ർ​മാ​ർ ലോം​ഗ് പൊ​സി​ഷ​നു​ക​ൾ കു​റ​ച്ച് ഷോ​ർ​ട്ട് സെ​ല്ലിം​ഗി​ലേ​ക്ക് ചു​വ​ടു​മാ​റ്റി. താ​ഴ്ന്ന റേ​ഞ്ചി​ൽ​നി​ന്നു​ള്ള തി​രി​ച്ചു​വ​ര​വി​ൽ സ​പ്പോ​ർ​ട്ടാ​യ 22,948 പോ​യി​ന്‍റി​ന​ടു​ത്ത് വി​പ​ണി​ക്ക് ലാ​ൻ​ഡിം​ഗി​ന് അ​വ​സ​രം ല​ഭി​ച്ചു. ഈ​വാ​രം താ​ങ്ങ് 22,634-22,339 പോ​യി​ന്‍റു​ക​ളി​ലാ​ണ്. അ​നു​കൂ​ല വാ​ർ​ത്ത​ക​ൾ​ക്ക് സൂ​ചി​ക​യെ 23,364ലേ​ക്കും തു​ട​ർ​ന്ന് 23,799ലേ​ക്കും ഉ​യ​ർ​ത്താ​നാ​കും. എ​ന്നാ​ൽ, നി​ല​വി​ലെ സാ​ഹ​ച​ര്യ​ത്തി​ൽ പെ​ടു​ന്ന​നെ ഒ​രു തി​രി​ച്ചു​വ​ര​വ് പ്ര​തീ​ക്ഷി​ക്കാ​നാ​വി​ല്ല.

മ​റ്റ് സാ​ങ്കേ​തി​ക വ​ശ​ങ്ങ​ൾ വീ​ക്ഷി​ച്ചാ​ൽ സൂ​പ്പ​ർ ട്രെ​ന്‍റും, പാ​രാ​ബോ​ളി​ക്ക് എ​സ്എ​ആ​ർ സെ​ല്ലിം​ഗ് മൂ​ഡി​ലാ​യി, ക​ഴി​ഞ്ഞ​വാ​രം സൂ​ചി​പ്പി​ച്ച​താ​ണ് വീ​ക്കി​ലി ചാ​ർ​ട്ടി​ൽ എം​എ​സി​ഡി കൂ​ടു​ത​ൽ ദു​ർ​ബ​ലാ​വ​സ്ഥ​യി​ലേ​ക്കു നീ​ങ്ങു​മെ​ന്ന്. ക​ന​ത്ത വി​ല്പ​ന​യ്ക്കി​ട​യി​ൽ സ്റ്റോ​ക്കാ​സ്റ്റി​ക്ക് ആ​ർ​എ​സ്ഐ, ഫാ​സ്റ്റ് സ്റ്റോ​ക്കാ​സ്റ്റി​ക്ക്, സ്റ്റോ​ക്കാ​സ്റ്റി​ക്ക് തു​ട​ങ്ങി​യ​വ ഓ​വ​ർ സോ​ൾ​ഡാ​യി.


നി​ഫ്റ്റി ഫ്യൂ​ച്ചേ​ഴ്സ് ആ​ൻ​ഡ് ഓ​പ്ഷ​ൻ​സ് നീ​ക്ക​ങ്ങ​ൾ ബെ​യ​റി​ഷാ​ണ്. നി​ഫ്റ്റി ഫെ​ബ്രു​വ​രി 2.7 ശ​ത​മാ​നം ന​ഷ്ട​ത്തി​ൽ 22,972ലാ​ണ്. മു​ന്നേ​റാ​ൻ ക്ലേ​ശി​ച്ച​തോ​ടെ പു​തി​യ ഷോ​ർ​ട്ട് പൊ​സി​ഷ​നു​ക​ൾ​ക്ക് ഓ​പ്പ​റേ​റ്റ​ർ​മാ​ർ ഉ​ത്സാ​ഹി​ച്ചു. വാ​രാ​ന്ത്യം നി​ഫ്റ്റി ഫ്യൂ​ച്ചേ​ഴ്സ് ഓ​പ്പ​ൺ ഇ​ന്‍റ​റ​സ്റ്റ് 194 ല​ക്ഷം ക​രാ​റു​ക​ളാ​യി ഉ​യ​ർ​ന്നു. സെ​ല്ലിം​ഗ് മൂ​ഡി​ലാ​യ​തി​നാ​ൽ 22,800-22,400 റേ​ഞ്ചി​നെ ഉ​റ്റ്നോ​ക്കാം. മു​ന്നേ​റാ​ൻ ശ്ര​മി​ച്ചാ​ൽ നി​ഫ്റ്റി ഫ്യൂ​ച്ച​റി​ന് 23,250ൽ ​ത​ട​സ​മു​ണ്ട്.

സെ​ൻ​സെ​ക്സ് 77,860 പോ​യി​ന്‍റി​ൽ​നി​ന്നും ത​ള​ർ​ച്ച​യോ​ടെ​യാ​ണ് ഇ​ട​പാ​ടു​ക​ൾ തു​ട​ങ്ങി​യ​ത്. വി​ദേ​ശ ഫ​ണ്ടു​ക​ൾ വി​ല്പ​ന​യ്ക്ക് കാ​ണി​ച്ച തി​ടു​ക്ക​ത്തി​ൽ സൂ​ചി​ക 75,388ലേ​ക്ക് ഇ​ടി​ഞ്ഞെ​ങ്കി​ലും വ്യാ​പാ​രാ​ന്ത്യം സെ​ൻ​സെ​ക്സ് അ​ൽ​പ്പം മെ​ച്ച​പ്പെ​ട്ട് 75,858 പോ​യി​ന്‍റി​ലാ​ണ്. ഈ ​വാ​രം വി​ല്പ​ന സ​മ്മ​ർ​ദം തു​ട​ർ​ന്നാ​ൽ 74,946-74,034ൽ ​സ​പ്പോ​ർ​ട്ട് പ്ര​തീ​ക്ഷി​ക്കാം. മു​ന്നേറാ​ൻ ശ്ര​മി​ച്ചാ​ൽ 77,212-78,566ൽ ​പ്ര​തി​രോ​ധ​മു​ണ്ട്.

വി​ദേ​ശ ധ​ന​കാ​ര്യ​സ്ഥാ​പ​ന​ങ്ങ​ൾ 19,001 കോ​ടി രൂ​പ​യു​ടെ ഓ​ഹ​രി​ക​ൾ വി​റ്റു, ആ​ഭ്യ​ന്ത​ര ഫ​ണ്ടു​ക​ൾ എ​ല്ലാ ദി​വ​സ​ങ്ങ​ളി​ലും നി​ക്ഷ​പ​ക​രാ​യി നി​ല​കൊ​ണ്ട് മൊ​ത്തം 17,742 കോ​ടി രൂ​പ നി​ക്ഷേ​പി​ച്ചു. രൂ​പ 87.43ൽ​നി​ന്നും ഒ​രു​ഘ​ട്ട​ത്തി​ൽ റി​ക്കാ​ർ​ഡ് ത​ക​ർ​ച്ച​യി​ൽ 87.95ലേ​ക്ക് ദു​ർ​ബ​ല​മാ​യെ​ങ്കി​ലും വാ​രാ​ന്ത്യം ക​രു​ത്ത് നേ​ടി 86.83ലാ​ണ്.

നി​ല​വി​ലെ സ്ഥി​തി​ഗ​തി​ക​ൾ വി​ല​യി​രു​ത്തി​യാ​ൽ മൂ​ല്യം 86.50-87.00 റേ​ഞ്ചി​ലേ​ക്ക് ശ​ക്തി​പ്രാ​പി​ക്കാം, എ​ന്നാ​ൽ, ഡോ​ള​ർ സൂ​ചി​ക​യു​ടെ ച​ല​ന​ങ്ങ​ൾ ഹ്രസ്വ​കാ​ല​യ​ള​വി​ലേ​ക്ക് വീ​ക്ഷി​ച്ചാ​ൽ രൂ​പ 88.00-89.00ലേ​ക്ക് ദു​ർ​ബ​ല​മാ​കാ​നു​ള്ള സാ​ധ്യ​ത​ക​ൾ ത​ള്ളി​ക്ക​ള​യാ​നാ​കി​ല്ല.

ആ​ഗോ​ള​ത​ല​ത്തി​ൽ സ്വ​ർ​ണ​ത്തി​ന് ശ​ക്ത​മാ​യ മു​ന്നേ​റ്റം. ന്യൂ​യോ​ർ​ക്കി​ൽ ട്രോ​യ് ഔ​ൺ​സി​ന് 2860 ഡോ​ള​റി​ൽ​നി​ന്നും 2900ലെ ​നി​ർ​ണാ​യ​ക പ്ര​തി​രോ​ധം ഭേ​ദി​ച്ച് റി​ക്കാ​ർ​ഡാ​യ 2942 ഡോ​ള​ർ വ​രെ ഉ​യ​ർ​ന്നു. ഈ​ഘ​ട്ട​ത്തി​ൽ ഡോ​ള​ർ സൂ​ചി​ക​യി​ലെ ചാ​ഞ്ചാ​ട്ടം ക​ണ്ട് ഒ​രു വി​ഭാ​ഗം ലാ​ഭ​മെ​ടു​പ്പി​ന് ഇ​റ​ങ്ങി​യ​തോ​ടെ 2867 ഡോ​ള​റി​ലേ​ക്ക് ഇ​ടി​ഞ്ഞു.

പെ​ടു​ന്ന​നെ താ​ഴ്ന്ന വി​ല ല​ഭ്യ​മാ​യ​ത് പു​തി​യ നി​ക്ഷേ​പ​ക​രെ ആ​ക​ർ​ഷി​ച്ച​തി​നാ​ൽ ത​ള​ർ​ച്ച​യി​ൽ​നി​ന്നും അ​തേ വേ​ഗ​ത​യി​ൽ മ​ഞ്ഞ​ലോ​ഹം തി​രി​ച്ചു ക​യ​റി​യെ​ങ്കി​ലും റി​ക്കാ​ർ​ഡ് ത​ക​ർ​ക്കാ​നാ​വാ​തെ 2940ൽ ​കാ​ലി​ട​റി, വാ​രാ​ന്ത്യം 2882 ഡോ​ള​റി​ലാ​ണ്.

നി​ല​വി​ൽ 2801ലെ ​സ​പ്പോ​ർ​ട്ട് നി​ല​നി​ൽ​ക്കു​വോ​ളം ബു​ള്ളി​ഷ് മ​നോ​ഭാ​വ​ത്തി​ൽ മാ​റ്റം വ​രി​ല്ലെ​ങ്കി​ലും ഈ ​താ​ങ്ങ് ന​ഷ്ട​പ്പെ​ട്ടാ​ൽ ഹ്ര​സ്വ​കാ​ല​യ​ള​വി​ൽ 2554ലേ​ക്ക് തി​രു​ത്ത​ലി​ന് ശ്ര​മി​ക്കും. ദീ​ർ​ഘ​കാ​ല​യ​ള​വി​ലേ​ക്ക് വീ​ക്ഷി​ച്ചാ​ൽ സ്വ​ർ​ണം 3000 ഡോ​ള​ർ മ​റി​ക​ട​ക്കു​ക ത​ന്നെ ചെയ്യും.