പിട്ടാപ്പിള്ളില്‍ ഏജന്‍സീസിന്‍റെ ഡിജിറ്റല്‍ ഹബ് അങ്കമാലിയില്‍
Monday, November 4, 2024 10:58 PM IST
കൊച്ചി: ഗൃഹോപകരണ വിപണനമേഖലയില്‍ 35 വര്‍ഷത്തെ പ്രവര്‍ത്തനപാരമ്പര്യമുള്ള പിട്ടാപ്പിള്ളില്‍ ഏജന്‍സീസിന്‍റെ അങ്കമാലി ടിബി ജംഗ്ഷനിലെ ഷോറൂമിനോടുചേര്‍ന്ന് ആരംഭിച്ച ഡിജിറ്റല്‍ ഹബ്ബ് അങ്കമാലി നഗരസഭ ചെയര്‍മാന്‍ മാത്യു തോമസ് ഉദ്ഘാടനം ചെയ്തു.
അങ്കമാലി ബസിലിക്ക പള്ളി സഹവികാരി ഫാ. ആന്‍സണ്‍ നടുപറമ്പില്‍ ആശീര്‍വാദകര്‍മം നടത്തി. നഗരസഭ കൗണ്‍സിലറും മുന്‍ വൈസ്‌ചെയര്‍പേഴ്‌സണുമായ റീത്ത പോള്‍ ആദ്യവില്പന നിര്‍വഹിച്ചു. പിട്ടാപ്പിള്ളില്‍ മാനേജിംഗ് ഡയറക്ടര്‍ പീറ്റര്‍ പോള്‍ പിട്ടാപ്പിള്ളില്‍, നഗരസഭ കൗണ്‍സിലര്‍ ലിസി പോളി, അങ്കമാലി മര്‍ച്ചന്‍റ്സ് അസോസിയേഷന്‍ പ്രസിഡന്‍റ് ജോണി കുര്യാക്കോസ്, പിട്ടാപ്പിള്ളില്‍ ഡയറക്ടര്‍മാരായ കിരണ്‍ വര്‍ഗീസ്, അജോ തോമസ്, മരിയ പോള്‍ എന്നിവര്‍ സംസാരിച്ചു. ഉപഭോക്താക്കള്‍ക്കായി മികച്ച ഓഫറുകളും ഇഎംഐ സ്‌കീമും സജ്ജീകരിച്ചിട്ടുണ്ടെന്ന് മാനേജ്‌മെന്‍റ് അറിയിച്ചു.
മികച്ച വില്പനാനന്തര സര്‍വീസിനായി ഓരോ ഷോറൂമിലും പ്രത്യേക ടീം സജ്ജമാണ്. ഉത്പന്നങ്ങള്‍ക്ക് സ്‌പെഷല്‍ പ്രൈസ്, കോമ്പോ ഓഫേഴ്‌സ്, കാഷ് ബാക്ക് ഓഫര്‍, ഫിനാന്‍സ് ഓഫറുകള്‍, അധിക വാറന്‍റി സൗകര്യം എന്നിവ പിട്ടാപ്പിള്ളില്‍ ഒരുക്കിയിട്ടുണ്ട്.
ലാപ്‌ടോപ്പുകള്‍ക്കും മികച്ച ഓഫറുകളാണ് പിട്ടാപ്പിള്ളില്‍ ഏജന്‍സീസ് ഒരുക്കിയിരിക്കുന്നത്.ഗിഫ്റ്റ് കൂപ്പണുകള്‍, ഓണ്‍ലൈന്‍ പര്‍ച്ചേ‌‌സുകള്‍ക്ക് സ്‌പെഷല്‍ ഡിസ്‌കൗണ്ട് കൂപ്പണുകള്‍, ഫിനാന്‍സ് കസ്റ്റമേഴ്‌സിന് ആകര്‍ഷകമായ സ്‌കീമുകള്‍ എന്നിവയ്ക്കുപുറമെ അഡീഷണല്‍ ഡിസ്‌കൗണ്ടും പിട്ടാപ്പിളളില്‍ ഒരുക്കിയിട്ടുണ്ട്.