നാവികസേനയ്ക്കായി ഗവേഷണ കപ്പല്‍ നിർമിക്കും
Friday, November 1, 2024 1:24 AM IST
കൊച്ചി: സമുദ്രശാസ്ത്ര ഗവേഷണങ്ങള്‍ക്കായി നാവികസേനയ്ക്ക് അത്യാധുനിക അക്ക്വസ്റ്റിക് ഗവേഷണ കപ്പൽ നിര്‍മിച്ചു നല്‍കുന്നതിന് കരാറായി.
രാജ്യത്തെ പ്രമുഖ കപ്പല്‍ നിര്‍മാണ സ്ഥാപനമായ ഗാര്‍ഡന്‍ റീച്ച് ഷിപ്പ് ബില്‍ഡേഴ്സ് ആന്‍ഡ് എൻജിനിയേഴ്സും (ജിആര്‍എസ്ഇ) നേവല്‍ ഫിസിക്കല്‍ ആന്‍ഡ് ഓഷ്യാനോഗ്രഫിക് ലബോറട്ടറിയുമായാണ്(എന്‍പിഒഎല്‍) കരാറിലെത്തിയത്.
ജിആര്‍എസ്ഇ ഷിപ്പ് ബില്‍ഡിംഗ് വിഭാഗം ഡയറക്‌ടര്‍ ശന്തനു ബോസും എന്‍പിഒഎല്‍ ഗ്രൂപ്പ് മെറ്റീരിയല്‍ മാനേജ്മെന്‍റ് വിഭാഗം ഡയറക്‌ടര്‍ സിജോ എന്‍. ലൂക്കോസും ഇതുസംബന്ധിച്ച ധാരണാപത്രത്തില്‍ ഒപ്പുവച്ചു.
491 കോടി രൂപ മുതല്‍മുടക്കില്‍ നിര്‍മിക്കുന്ന ഈ ഗവേഷണ കപ്പലിന് 90 മീറ്റര്‍ നീളവും 14 വീതിയുമാണുള്ളത്. കപ്പലിന് നാലു മുതല്‍ 12 നോട്ടിക്കല്‍ മൈല്‍ വേഗത കൈവരിക്കാനാകും.